Lewitikɔso 2:2 - AHYERƐLƐ KRONGRON

² ná ɔ́fa brɛ Aarɔn mma mmienzua nemɔ bɔ bɛ yeɛ bɛte asɔfo ne. Odi kyɛ ɔsa esam paa bɔ ngoo ne ɛyɛɛ fra ye ne ye sa bum ko, ná ɔsɔfo ne ɔ́yera kãa bɔ wasa ne wɔ afɔleɛ bokyea ne aso; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 2:2 Iomraidhean Croise

Nehemia 13:14

Ao me Nyameɛ, kaye me wɔ ɛhe anwo. Me Nyameɛ, me nningyein paa bɔ mayɔ ɔfa wɔ sua ne ɔne nu ɛsɔnenɛ adwuma ne anwo ne, nnɛma wɔ wora fi.

Nehemia 13:22

Na mvale ahyɛdeɛ mmane Lewifoɛ nemɔ kyɛ bɛpete bɛ nwo ná bɛbra bɛɛwɛne pambim nemɔ, amaa ɔnate so bama afofikyẽa ne wayɛ krongron. Ao me Nyameɛ, kaye me wɔ sɔ nikyee he anwo koso, na nwu me anwumvoin, kyɛbɔ wɔ ɔdɔ bɔ onni ngasi ne ye piri te ɔ.

Ɛksadɔso 30:16

Dide mbata sikaa ne fi Yisraelfoɛ berɛ, ná fa yɔ ɛtena sua atenaleɛ nu berɛ ɛsɔnenɛ nwo adwuma. Na ɔkɔyɛ Yisraelfoɛ nwo ngayeɛ wɔ AWURADE nyunu, ɔnate ɛmɔ ti nyɔboɛ tualɛ ne ati.”

Yesaya 66:3

“Sona bɔ oku nandwie ne, ɔte kyɛ bɔ oku mmenia ɔ ala, bɔ ɔfa boaen bɔ afɔleɛ ne, ɔte kyɛ bɔ obu kyea kɔme anu ɔ, bɔ ɔbɔ aburoo afɔleɛ ne, ɔte kyɛ bɔ ɔfa prako mogya bɔ afɔleɛ ɔ, bɔ ɔyera ɛyɛɛ ne, ɔte kyɛ sona bɔ ɔsɔ amoen ɔ. Bɛ de, bali bɛ bɔbɔ bɛ ti piri, na b’akyiwadeɛ nemɔ yeɛ bɛ kra nye gye ye nwo ɔ.

Lewitikɔso 1:13

Nakoso ye kunu nningyein ne ye gya ne de, ɔ́fa nzue ónwunzi bɛ nwo. Odi kyɛ ɔsɔfo ne, ɔfa ye mukoraati ɔyera ye wɔ afɔleɛ bokyea ne aso. Ɔte naen yeralɛ afɔleɛ; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 1:17

Na odi kyɛ ɔsɔ ye ndaa nemɔ anu osua ye nu, bɔ koso ɔmma ye nu nde koraa ɔ. Afei ɔsɔfo ne ɔ́yera ye wɔ afɔleɛ bokyea ne aso wɔ eyein bɔ ogua see ne aso ne aso. Ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 1:9

Nakoso ye kunu nningyein ne ye gya nemɔ de, odi kyɛ bɛfa nzue benwunzi bɛ nwo. Ɔsɛ kyɛ ɔsɔfo ne yera ye mukoraati wɔ see ne aso fa yɛ naen yeralɛ afɔleɛ; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 2:16

Ɔsɔfo ne kɔyera aburoo bɔ basi, ná bafa ngoo ne ɛyɛɛ ne amukoraa bafra ye ne bie kyɛ ngayeɛ nikye; ɔte afɔleɛ bɔ bɛbɔ ye see so bɛma AWURADE ɔ.

Lewitikɔso 2:9

Odi kyɛ ɔsɔfo ne sa aburoo afɔleɛ ne bie fa yɛ ngayeɛ nikye, ná ɔyera ye wɔ afɔleɛ bokyea ne aso; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 24:7

Fa ɛyɛɛ paa gua folii biala so, maa ɔ́yɛ ngayeɛ nikye bɔ ɔboka paanoo ne aso ɔ, ná ɔ́yɛ afɔleɛ bɔ bɛbɔ ye see so bɛma AWURADE ɔ.

Lewitikɔso 4:31

Na odi kyɛ ɔye ye loe ne amu, kyɛbɔ bɛye ɛloe befi asomdwee afɔleɛ nu ne, na ɔsɔfo ne ɔ́yera ye wɔ afɔleɛ bokyea ne aso maa ɔ́yɛ nikyee bɔ ɔbo AWURADE fona ɔ. Ɔsɔfo ne kɔpata kɔma ye, na Nyameɛ kɔfa ye bɔne kɔhyɛ ye.

Lewitikɔso 5:11

“Nakoso sɛ ye nwo ngɔso mmorɔma nyɔ anaakyɛ mmorɔnoma buruwa nyɔ so a, ye de ɔnate bɔne bɔ wayɔ ne ati, ɔ́fa aburoo esam paa olonka ko ɔɔbɔ bɔne nwo afɔleɛ. Nnɛmaa ɔfa ngoo anaa ɛyɛɛ gua so, ofikyɛ ɔte bɔne nwo afɔleɛ.

Lewitikɔso 5:12

Odi kyɛ ɔfa brɛ ɔsɔfo ne, ná ɔsɔfo ne ɔsa ye sa bum ko fa yɛ ngayeɛ nikye ogua afɔleɛ ne aso, ná ɔfa see yera ye wɔ afɔleɛ bokyea ne aso ɔma AWURADE; ɔte bɔne nwo afɔleɛ.

Lewitikɔso 6:15

Aburoo afɔleɛ esam paa ɔne ngoo ne, ɔne ɛyɛɛ amukoraa bɔ ogua aburoo afɔleɛ ne aso ne, odi kyɛ ɔsɔfo ne sa ye sa bum ko, ná ɔyera ye wɔ afɔleɛ bokyea ne aso maa ɔyɛ ngayeɛ nikye bɔ ɔbo AWURADE fona ɔ.

Numeri 5:18

Odi kyɛ ɔsɔfo ne fa braa ne bagyina AWURADE nyunu, ɔsangye braa ne ti nwiaa, ná ngayeɛ aburoo afɔleɛ bɔ ɔte nungunɛhwenɛ aburoo afɔleɛ ne, ɔ́fa wura braa ne sa nu. Odi kyɛ ɔsɔfo ne bɔbɔ otira nzue weewee bɔ ɛnomalɛ wɔ nu ne.

Numeri 5:26

Aburoo afɔleɛ ne, odi kyɛ ɔsɔfo ne sa ye sa bum ko fa yɛ ngayeɛ nikye ná ɔyera ye wɔ afɔleɛ bokyea ne aso. Afei odi kyɛ ɔma braa ne no nzue ne.

Asomafoɛ 10:4

Ɔfale esuronyi neane abɔfo ne haa na ɔhane kyɛ, “Yɛ mene, nzikyɛ dwirɛ ɔ?” Na obuale ye kyɛ, “Wɔ mbaeɛ ne w’adɔeɛ bɔ ayɔ ama ehiafoɛ ne adwu Nyameɛ nyunu, na ye wora offili wɔ.