Lewitikɔso 2:16 - AHYERƐLƐ KRONGRON

¹⁶ Ɔsɔfo ne kɔyera aburoo bɔ basi, ná bafa ngoo ne ɛyɛɛ ne amukoraa bafra ye ne bie kyɛ ngayeɛ nikye; ɔte afɔleɛ bɔ bɛbɔ ye see so bɛma AWURADE ɔ.

Lewitikɔso 2:16 Iomraidhean Croise

Edwein 141:2

Ma me mbaeɛ ɔyɛ kyɛ ɛyɛɛ wɔ wɔ nyunu, ná me sa bɔ mema so ne, ɔ́yɛ kyɛ nɔsoa afɔleɛ.

Yesaya 61:1

AWURADE Nyameɛ Sunzum wɔ me so, ɔnate kyɛ AWURADE apopa me ngoo kyɛ nga nzɛmba ngyire bɛ bɔ bɛyɛ anwumvo ɔ; wasoma me kyɛ mmangyekye bɛ bɔ bɛ wora abɔ ɔ bɛ wora, kyɛ nga ngyire bɛ bɔ bahye bɛ nnure ɔ kyɛ banya fawɔnwodi, ɔne bɛ bɔ babɔ bɛ panwu ɔ kyɛ bayakyi bɛ;

Lewitikɔso 1:9

Nakoso ye kunu nningyein ne ye gya nemɔ de, odi kyɛ bɛfa nzue benwunzi bɛ nwo. Ɔsɛ kyɛ ɔsɔfo ne yera ye mukoraati wɔ see ne aso fa yɛ naen yeralɛ afɔleɛ; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 2:12

Ɛ́mɔfa sɔ nningyein ye bɛ́brɛ AWURADE kyɛ fieso nningyein bɔ oli moa ɔ, nakoso nnɛma ɛmɔyera bɛ wɔ afɔleɛ bokyea ne aso kyɛ afɔleɛ bɔ ɔbo fona ɔ.

Lewitikɔso 2:14

“Sɛ ɛmɔfa aburoo bɔ bekoli moa bekobu ne bie bɛbɔ afɔleɛ bɛma AWURADE a, odi kyɛ ɛmɔfa aburoo monɛ bɔ bekoli moa bekobu ne bie, bɔ bahye ye see so ná basi ɔ.

Lewitikɔso 2:15

Ɛ́mɔfa ngoo bégua so, ná ɛ́mɔfa ɛyɛɛ koso bégua so; ɔte aburoo afɔleɛ.

Lewitikɔso 2:9

Odi kyɛ ɔsɔfo ne sa aburoo afɔleɛ ne bie fa yɛ ngayeɛ nikye, ná ɔyera ye wɔ afɔleɛ bokyea ne aso; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Hebrifoɛ 5:7

Mmerɛ bɔ né Yesu wɔ aseɛ ye aso wa nen, ɔfale esuɛ ne ye nye moen teateane nu fale ye mbaeɛ ne nikyeesrɛlɛ tole Nyameɛ bɔ ɔkora ye ye fi ewue nu ne nyunu, na ɔnate ye nyamesuro ti Nyameɛ tiele ye.