Lewitikɔso 19:4 - AHYERƐLƐ KRONGRON

⁴ Nnɛma ɛmɔdi mmosoen si, yeɛ nnɛma ɛmɔhuro nikyee biala bɛfa bɛyɔ amoen biala bɛfa: Me ole AWURADE ɛmɔ Nyameɛ.

Lewitikɔso 19:4 Iomraidhean Croise

1 Ahemvo 14:9

Na mmom bɛ bɔ belili wɔ nyunu bebuli maen ne, ali bɔne atra bɛ mukoraa. Ɔnate kyɛ ayɔ nyameɛ foforɛ mɔ afa, agyina amoen afa awura me apue, ná apo me ne ati,

1 Aberɛso Dwirɛ 16:26

Ofikyɛ maen maen mɔ, bɛ nyameɛ nemɔ, bɛte mmosoen, nakoso AWURADE de, ye yeɛ ɔbɔle anwuro ɔ.

2 Aberɛso Dwirɛ 28:2

Mmom Ahase yɔle bɔ Yisrael ahemvo mɔ bɛyɔle ne bie. Ohurole nikyee fa yɔle Baal mmosoen mɔ.

Edwein 96:5

Ofikyɛ maen maen mɔ bɛ nyameɛ nemɔ, bɛte mmosoen mbaen, nakoso AWURADE de, ye yeɛ ɔbɔle anwuro ɔ.

Ɛksadɔso 20:23

Nnɛma ɛmɔfa ɛdwetɛ bɛyɛ nyameɛ foforɛ mɔ bɛboka me so, anaa sikaa kɔkorɛ bɛyɛ nyameɛ foforɛ mɔ bɛfa.

Ɛksadɔso 32:4

Olele sikaa kɔkorɛ bɔ bɛfa bɛbrɛle ye ne, ohurole ye, na ɔfa yɔle nandwie ba amoen. Na bɛhane kyɛ, “O Yisrael, wɔ nyameɛ mɔ bɔ bɛyele wɔ befili Misraim aseɛ so bɛwale ne ɛhe!”

Ɛksadɔso 34:17

“Nnɛhuro nikyee biala fa yɔ bosoen sɔne ye.

Lewitikɔso 11:44

Ofikyɛ me ole AWURADE ɛmɔ Nyameɛ; yiti ɛ́mɔte ɛmɔ anwo, ná ɛ́mɔyɛ krongron ofikyɛ nde krongron. Nnɛma ɛmɔfa kaka biala bɔ ɔtwe ye nwo ase begua ɛmɔ nwo fiɛ.

Lewitikɔso 19:25

Nakoso ye afoɛ nnu ne aso de, ɛ́mɔli bɛ mma bɔ bekosu ne bie, amaa ɔnate so basu pee bama ɛmɔ: Me ole AWURADE ɛmɔ Nyameɛ.

Lewitikɔso 19:5

“Sɛ ɛmɔbɔ asomdwee afɔleɛ bɛma AWURADE a, odi kyɛ ɛmɔbɔ ye kyɛbɔ ɔkɔsɔ AWURADE nye ɔ.

Lewitikɔso 26:1

“Nnɛma ɛmɔyɔ mmosoen, yeɛ nnɛma ɛmɔgyina amoen bɔ base anaakyɛ bonima biala bɛma bɛ nwo; nnɛma ɛmɔfa nyɔboɛ bɔ ɛmɔali so adwii bɛpenapena ɛmɔ aseɛ so bɛsɔne bɛ, ofikyɛ me ole AWURADE ɛmɔ Nyameɛ.

Hagae 2:18

Yiti odi kyɛ ɛmɔdwene ye nwo bɛnea, ofi ɛnɛ bɔ ɔkɔ ɔ, ofi bosome ngona ne anu ye eleburanyɔ ne nna ne aso, bɔ ɔte kyẽa bɔ bɛtole AWURADE asɔneyɛɛ sua ne fapem ne. Ɛ́mɔdwene ye nwo!

1 Korintofoɛ 10:14

Yiti aliɛmaa mɔ, ɛmɔhwe ɛmɔ nwo befi bosoensolɛ nwo.

Deuteronomi 27:15

“ ‘Musue to sona biala bɔ ɔkɔyɔ amoen anaa okohuro nikyee kɔyɔ amoen ɔ: AWURADE akyiwadeɛ biala, bɔ ɔte dwumvoɛ sa noa adwuma, bɔ ɔkɔfa kosie mvealeɛ nu kɔsɔne ye ɔ’. Na mmenia ne amukoraa kosuro so kyɛ, ‘Amen!’

Deuteronomi 4:16

ná ɛmɔangua ɛmɔ nwo fiɛ banyɔ amoen bamma bɛ nwo: mekyire nikyee bɔ ye sue te kyɛ bienzua anaa brasua,

Deuteronomi 7:25

Amoen mɔ bɔ bafa bayɛ bɛ nyameɛ mɔ ne, ɛ́mɔfa see bɛ́yera bɛ. Nnɛma wɔ nye boro ɛdwetɛ anaa esikaa kɔkorɛ bɔ bafa baboro amoen nemɔ nwo ne, ná amva bie ma wanyɛ ngaen wangye wɔ, ofikyɛ ɔte AWURADE wɔ Nyameɛ akyiwadeɛ.

1 Yohane 5:21

Me ngwadaa mɔ, ɛmɔhwe ɛmɔ nwo béfi mmosoen nwo.