Lewitikɔso 19:34 - AHYERƐLƐ KRONGRON

³⁴ Ɛwɔfoɛ bɔ waatena ɛmɔ nu ne, ɛ́mɔfa ye kyɛ ɔte kuromani; ná kuro ɛwɔfoɛ ne dwirɛ kyɛ wɔ bɔbɔ wɔ nwo, ofikyɛ né ɛmɔte ɛwɔfoɛ wɔ Misraim aseɛ so: Me ole AWURADE wɔ Nyameɛ.

Lewitikɔso 19:34 Iomraidhean Croise

Edwein 146:9

AWURADE yeɛ ɔbɔ ɛwɔfoɛ mɔ nwo waen ɔ; ɔnea nyisiaafoɛ ne akunafoɛ, nakoso bɔnefoɛ atee de, ɔmaa ɔyɛ basaa.

Ɛksadɔso 22:21

“Nnɛdi ɛwɔfoɛ aminɛ, anaa nnɛsisi ye, ofikyɛ né ɛmɔ koso ɛmɔte wɔfoɛ wɔ Misraim aseɛ so.

Hesekiel 47:22

Odi kyɛ ɛmɔfa serewagualɛ so bɛkyɛ maa ɔyɛ ɛmɔ agyapadeɛ, ɛmɔ ne amanvrafoɛ bɔ baatena ɛmɔ nu ná bawowo mmaa bagua ɛmɔ nu ne. Odi kyɛ ɛmɔbu bɛ kyɛ Yisrael mmaa bɔ bɛwole bɛ maen ne anu ne ala. Bɛ ne ɛmɔ yeɛ bekonya agyapadeɛ wɔ Yisrael mmusua kure nu ɔ.

Lewitikɔso 19:18

Nnɛtɔ wɔ mmenia ne anu biala so wereɛ, yeɛ nnɛfa ebiala nwo dwirɛ sie wɔ ti anu, na mmom kuro ebiɛngo dwirɛ kyɛ wɔ bɔbɔ wɔ nwo: me ole AWURADE.

Lewitikɔso 19:3

Odi kyɛ ebiala bu oni ne ɔse, ná ɛ́mɔli m’afofingyẽa nemɔ aso. Me ole AWURADE ɛmɔ Nyameɛ.

Numeri 10:32

Asa koso, sɛ ɛne yɛ kɔ a, nikyee paa biala bɔ AWURADE kɔfa kɔlo yɛ ne, yɛ koso yɛkɔmaa ekonya bie.”

Mateo 5:43

“Ɛmɔate kyɛ bahã ye kyɛ, ‘Kuro ebiɛngo dwirɛ, ná pɔ wɔ pɔfoɛ.’

Deuteronomi 10:19

Yiti ɔsɛ kyɛ ɛmɔkuro ɛwɔfoɛ dwirɛ, ofikyɛ né ɛmɔ koso ɛmɔte wɔfoɛ wɔ Misraim aseɛ so.

Deuteronomi 23:7

“Nnɛpɔ Edomniɛ, ofikyɛ ɔte eliɛma. Nnɛpɔ Misraimniɛ, ofikyɛ né ɛte ɛwɔfoɛ wɔ ye aseɛ so.

Deuteronomi 23:8

Ofi b’aworɛ ndoatoasoɛ bɔ ɔtɔ so nza ne aso de, bɛ bosofoɛ kora ba AWURADE badwa nu.

Rutu 2:10

Yeɛ Rutu kotole aseɛnwo berɛ, ɔfale ye nye butuli berɛ, na obisale Boase kyɛ, “Ɔwale ye sɛ bɔ alo me sɔa ye, bɔ ayɛ me paa sɔaa ye, wɔ aberɛ bɔ nde ɛwɔfoɛ ɔ?”