Lewitikɔso 19:32 - AHYERƐLƐ KRONGRON

³² “Fa ebulɛ ma panyi, di nworowaa ni, ná suro wɔ Nyameɛ: Me ole AWURADE.

Lewitikɔso 19:32 Iomraidhean Croise

Gyenesise 31:35

Na Rahɛl sele ɔse kyɛ, “Nnɛma me mene fɛ ɛyaa kyɛ mengɔhora dwɔso wɔ wɔ nyunu ɔ, ofikyɛ mabu me sa.” Yiti Laban hɔle so penane, nakoso wannwu ye awuro mmosoen nemɔ.

Gyenesise 48:12

Yosef pagyale ngwadaa nemɔ fili Yisrael gya so, na Yosef kunduni fale ye nyunu butuli berɛ.

1 Ahemvo 2:19

Yiti Bahyeba hɔle Nana Solomon berɛ kyɛ ɔkwaafa Adoniya dwirɛ ne to ye nyunu. Nana Solomon dwɔsole ooyiale Bahyeba, na ɔbɔle ye nu ase mane Bahyeba. Afei Solomon tenane ye ahennie bia so, na ɔmaa bɛfale ahennie bia bɛbrɛle ye maame maa ɔtenane ye sa famaa so.

2 Ahemvo 17:36

Na mmom ɛ́mɔsɔne AWURADE, bɔ ole tumi piri ne tumi asaa yele ɛmɔ fili Misraim aseɛ so wale ne. Odi kyɛ ye yeɛ ɛmɔkoto ye ná ɛmɔbɔ afɔleɛ bɛma ye ɔ.

YOB NWOMAA NE 32:4

Elihu nwondɛle mane Yob dwudwo yiele koraka, ofikyɛ né bɛtra Elihu panyi.

YOB NWOMAA NE 32:6

Na Elihu, bɔ ɔse ole Businiɛ Barakɛl ne, obuale ye nwo bie kyɛ, “Nnyini, na ɛmɔ de, ɛmɔte mbanyi, na ɛhe yeɛ né ɔmaa mesuro bɔ yiti ngane me noa ndole nu, bɔ ɔmaa mangyire m’adwene ɔ.

Anyandera 16:31

Egyein te animnyam abotire, sɛ ɔba kyɛ enya ye wɔ tenenee bra nu a.

Anyandera 20:29

Mmerandeɛ b’animnyam ole b’anwoserɛ, yeɛ egyein te nworowaa mɔ b’anwonyemene.

Anyandera 23:22

Tie wɔ baba bɔ ɔwole wɔ ne dwirɛ, yeɛ sɛ wɔ maame yɛ aworowaa a, nnɛbu ye animtia.

Yesaya 3:5

Mmenia kɔhyɛ bɛ mmango so, bɛkɔhyɛ bɛ biɛngo so, ebiala kɔhyɛ obiɛngo so. Mmerandeɛ ne ndaluwa bɛ nye ngɔsɔ mbanyi, yeɛ kwahweabaa koso ye nye ngɔsɔ animnyamniɛ.

Awuye 5:12

Bɛkyekye bɛ nnehyeɛ mɔ sa besinze berɛ beku bɛ, bɛmva anidie bɛmma mbanyi.

Lewitikɔso 19:14

Nnɛnoma asotiniwaaniɛ, yeɛ nnɛfa nikyee to anyesiniwaaniɛ atee nu maa ɔfofo so, ná mmom suro wɔ Nyameɛ: Me ole AWURADE.

Romanfoɛ 13:7

Ɛ́mɔtua ebiala deɛ bɔ ɔfata ye ɔ bɛ́ma ye! Ɛ́mɔtua ɛtoɔ bɛ́ma bɔ ɛtoɔ fata ye ɔ; ɛ́mɔtua ndɔ bɛ́ma bɔ ndɔ fata ye ɔ; ɛ́mɔsuro bɔ odi kyɛ besuro ye ɔ; yeɛ ɛ́mɔfa anidie bɛ́ma bɔ anidie fata ye ɔ.

1 Timoteo 5:1

Nnɛtwi panyi nyunu, na mmom tu ye foɛ kyɛ wɔ baba; yeɛ yɛ mmerandeɛ nemɔ kyɛ eliɛma mmienzua;

1 Petro 2:17

Ɛ́mɔfa anidie bɛ́ma mmenia amukoraa! Ɛ́mɔhurohuro aliɛmaa mɔ agyidifoɛ dwirɛ! Ɛ́mɔsuro Nyameɛ! Ɛ́mɔfa anidie bɛ́ma ɛhene ne!