Lewitikɔso 19:3 - AHYERƐLƐ KRONGRON

³ Odi kyɛ ebiala bu oni ne ɔse, ná ɛ́mɔli m’afofingyẽa nemɔ aso. Me ole AWURADE ɛmɔ Nyameɛ.

Lewitikɔso 19:3 Iomraidhean Croise

Gyenesise 48:12

Yosef pagyale ngwadaa nemɔ fili Yisrael gya so, na Yosef kunduni fale ye nyunu butuli berɛ.

Nehemia 9:14

Ɛmaa benwuni w’afofikyẽa krongron ne, yeɛ ɛnate wɔ somvoɛ Mose so mane bɛ ahyɛdeɛ ne nhyehyɛleɛ ne mmeraa.

Ɛksadɔso 16:29

Ɛmɔanwu ye kyɛ, AWURADE ama ɛmɔ afofikyẽa, na ye sɔ ati yeɛ kyẽa bɔ ɔtɔ so nzia ne, ɔma ɛmɔ elenyɔ aleɛ ɔ. Yiti ɔsɛ kyɛ ebiala tena ye awuro; nnɛma ebiala tu ye gya baa fite fi ye awuro kyẽa bɔ ɔtɔ so nzoo ne.”

Ɛksadɔso 20:12

“Di ɛse ne eni ni, amaa ɔnate so anya ngoa tendenn wɔ aseɛ bɔ AWURADE wɔ Nyameɛ ɔ́fa ma wɔ ne aso.

Ɛksadɔso 20:8

“Kaye afofikyẽa ne, ná di ye krongron.

Ɛksadɔso 21:15

“Ebiala bɔ ɔkɔbɔ ɔse anaa oni nen, ɔsɛ kyɛ beku ye.

Ɛksadɔso 21:17

“Ebiala bɔ ɔkɔnoma ɔse anaa oni nen, ɔsɛ kyɛ beku ye.

Anyandera 1:8

Mma, tie wɔ baba dwirɛ, yeɛ nnɛpo wɔ maame foɛtulɛ,

Anyandera 23:22

Tie wɔ baba bɔ ɔwole wɔ ne dwirɛ, yeɛ sɛ wɔ maame yɛ aworowaa a, nnɛbu ye animtia.

Anyandera 30:11

Mmenia biemɔ wɔ berɛ a, bɛnoma bɛ baba, yeɛ bɛnga kyɛ bɛ maame onya saleɛ.

Anyandera 30:17

Anyeɛ bɔ ɔgoro ye baba anwo, ɔne bɔ ɔpo kyɛ okotie ye maame dwirɛ ne, bɔnza nu anene mɔ kotutu sɔ anyeɛ ne, na kɔleɛ mma mɔ kosuso koli.

Yesaya 58:13

“Sɛ ɛhyɛ wɔ nwo so wɔ ɛnatelɛ nu wɔ afofikyẽa ne, ná anyɔ bɔ wɔ bɔbɔ ekuro ɔ wɔ me kyẽa krongron ne, ná mmom ɛfrɛ afofikyẽa ne anigye kyẽa, ɔne AWURADE kyẽa krongron ne kyɛ anidie kyẽa; sɛ edi ye ni, ná anni wɔ bɔbɔ wɔ ti piri, ná anyɔ bɔ wɔ bɔbɔ ekuro ɔ, anaakyɛ angekã edwirɛ mbaen mbaen a,

Hesekiel 20:12

Asa koso, mvale m’afofingyẽa nemɔ mane bɛ, kyɛ ɔte sɛngyerɛnneɛ bɔ ɔla me ne bɛ y’afia ɔ, amaa ɔnate so banwu kyɛ me, AWURADE, me yeɛ mete bɛ nwo ɔ.

Lewitikɔso 11:44

Ofikyɛ me ole AWURADE ɛmɔ Nyameɛ; yiti ɛ́mɔte ɛmɔ anwo, ná ɛ́mɔyɛ krongron ofikyɛ nde krongron. Nnɛma ɛmɔfa kaka biala bɔ ɔtwe ye nwo ase begua ɛmɔ nwo fiɛ.

Lewitikɔso 19:25

Nakoso ye afoɛ nnu ne aso de, ɛ́mɔli bɛ mma bɔ bekosu ne bie, amaa ɔnate so basu pee bama ɛmɔ: Me ole AWURADE ɛmɔ Nyameɛ.

Lewitikɔso 19:30

Ɛ́mɔli m’afofingyẽa so, ná ɛ́mɔli me nekaa krongron ne ni: Me ole AWURADE.

Lewitikɔso 19:31

“Nnɛma ɛmɔkɔ nzamangɔmhyɛlɛfoɛ ne ahɔmeɛ mɔ berɛ bɛkɔpena mmokalɛ befi bɛ berɛ maa begua ɛmɔ nwo fiɛ: Me ole AWURADE ɛmɔ Nyameɛ.

Lewitikɔso 19:34

Ɛwɔfoɛ bɔ waatena ɛmɔ nu ne, ɛ́mɔfa ye kyɛ ɔte kuromani; ná kuro ɛwɔfoɛ ne dwirɛ kyɛ wɔ bɔbɔ wɔ nwo, ofikyɛ né ɛmɔte ɛwɔfoɛ wɔ Misraim aseɛ so: Me ole AWURADE wɔ Nyameɛ.

Lewitikɔso 23:3

Elesia yeɛ ɔsɛ kyɛ ɛmɔfa bɛ́yɔ adwuma ɔ, nakoso kyẽa bɔ ɔtɔ so nzoo ne de, ɔte nwomelelɛ kyẽa bɔkɔɔ. Ɔte nyianu krongron, ná onni kyɛ ɛmɔyɔ adwuma biala; ɔte afofikyẽa ma AWURADE wɔ nekaa biala bɔ ɛmɔkɔtena ɔ.

Lewitikɔso 26:2

Ɛ́mɔli m’afofingyẽa ne aso ná ɛ́mɔli me nekaa krongron ne ni: Me ole AWURADE.

Malaki 1:6

Baa di ɔse ni, yeɛ akoaa di ye mene ni. Na sɛ nde Seɛ de a, né nzaade m’anidie wɔ nisua? Na sɛ nde meneɛ de a, né nzaade esurolɛ bɔ besuro me ne ɔwɔ nisua? Ɛmɔ, asɔfo mɔ bɔ ɛmɔbu me dumaa animtia ɔ, bɔ Asafo AWURADE ose ɛmɔ hɔ ɛne. Nakoso ɛmɔbisa kyɛ, ‘Atee beni aso yeɛ yabu wɔ dumaa animtia ɔ?’

Deuteronomi 27:16

“ ‘Musue tó sona biala bɔ onni ɔse ne oni ni ɔ.’ Na mmenia ne amukoraa kosuro so kyɛ, ‘Amen!’

Deuteronomi 5:16

“ ‘Di ɛse ne eni ni, kyɛbɔ AWURADE wɔ Nyameɛ ahyɛ wɔ ne, amaa ɔnate so anya ngoa tendenn, ná wayie wɔ yé wɔ aseɛ bɔ AWURADE wɔ Nyameɛ ɔ́fa ma wɔ ne aso.

Hebrifoɛ 12:9

Afei koso, yɛle seɛ mɔ wɔ aseɛ ye aso bɔ bɛtea yɛ ɔ, na yɛfa ebuo yɛma bɛ. Sɛ ɔte sɔ de a, aso onhia kyɛ yɛbrɛ yɛ nwo ase bɔ ɔtra so yɛma yɛ sunzum nu Seɛ ne na yanya ngoa anaa?