Lewitikɔso 19:28 - AHYERƐLƐ KRONGRON

²⁸ Sɛ ebie wu a, nnɛma ɛmɔfa nikyee bɛtete ɛmɔ nwonaen. Nnɛma ɛmɔdi ngyerɛleɛ begua ɛmɔ nwonaen nu.

Lewitikɔso 19:28 Iomraidhean Croise

1 Ahemvo 18:28

Bɛteateane nu serɛserɛ, na kyɛbɔ né bɛsɔne bɛ nyameɛ a bɛyɔ ne, bɛfale ngrandɛ ne pealɛɛ bɛpepɛle bɛ nwonaen kɔpem kyɛ mogya guale bɛ takaa ɔ.

Yeremia 16:6

Atitire mɔ ne kwahweabaa mɔ, bekowuwu wɔ aseɛ ye aso. Bengosie bɛ, bengosu bɛ, yeɛ bengogyina bɛ wue ne aso bɛngɔtete bɛ nwonaen anaa bɛngɔbɔ tikwa.

Yeremia 48:37

“Yiti, tire biala so kɔpa, bɛkɔpoa kanza biala, bɛkɔtete asaa biala nwo, ná bafa ɛsɛen tena bapɛ bɛ bo.

Lewitikɔso 19:27

Nnɛma ɛmɔye ɛmɔ ti maa ɔka ɛmɔ ti angyɛnu nwiaa, yeɛ nnɛpiapia wɔ kanza nwiaa yɛ ye basaa.

Lewitikɔso 19:29

“Nnɛma ɛwa brasua bɔ gyandera ma ye nwo gua fiɛ, amaa aseɛ ne angakyi gyanderafoɛ aseɛ, ná nzɛmmɔne anzone wɔ so.

Lewitikɔso 21:1

AWURADE sele Mose kyɛ, “Ka kyire Aarɔn mma mmienzua asɔfo nemɔ kyɛ, Nnɛma ɛmɔ nu biala kɔ ye abusuafoɛ fuin nwo ma ye nwo gua fiɛ,

Lewitikɔso 21:11

Onni kyɛ ɔkɔ efuin biala nwo, onni kyɛ ogua ye nwo fiɛ, kyɛ ɔse fuin ahɔ oo, anaa oni deɛ ahɔ oo.

Lewitikɔso 21:5

Nnɛmaa bepiapia bɛ ti nwiaa maa ɔyɛ nguruwa nguruwa, nnɛmaa bepiapia bɛ kanza nwiaa bɛyɛ ye basaa, yeɛ nnɛmaa bɛfa nikyee bɛtete bɛ nwonaen.

Marko 5:5

Alehyeleɛ ne alesaleɛ biala, né ɔwɔ asieleɛ ngumaa nemɔ anu ne mmokaa nemɔ aso ɔteatea nu, ná osa fa nyɔboɛ pepɛpepɛ ye nwo.

Yohane 20:25

Yiti asuafoɛ ngaa nemɔ bɔle ye amaneɛ kyɛ, “Yanwu Awurade.” Nakoso obuale bɛ kyɛ, “Sɛ mannwu ye sa nu mberɛgoo ne boso, ná mamva me sa mmɛseka manga mberɛgoo ne boso, na mamva me sa manga ye mvenu a, mengole ngoli.”

Deuteronomi 14:1

Ɛmɔte AWURADE ɛmɔ Nyameɛ mma. Nnɛma ɛmɔtete ɛmɔ nwo ayire bɛma awufoɛ, yeɛ nnɛma ɛmɔpiapia ɛmɔ nwoma so bɛma awufoɛ.

Nyekyire 14:11

Na nwosina bɔ ofi bɛ teeteelɛ nu ne, ɔkɔ anwuro afebɔɔ. Na bɛ bɔ bɛkoto kaka ne ne ye honi ne, yeɛ ebiala bɔ ode ye nzorɛhyɛlɛ dumaa nen, bengonya bɛ nwome biala bengole wɔ alehyeleɛ nu ne alesaleɛ nu.

Nyekyire 14:9

Na abɔfo bɔ ɔtɔ so nza lili bɛ si, na ɔteane nu sele kyɛ, “Sɛ ebie koto kaka ne ne ye honi ne, ná ode ye nzorɛhyɛlɛ ne wɔ ye nwoma so, anaa ye sa nwo a,

Nyekyire 15:2

Na nwuni nikyee bie bɔ ɔte kyɛ neanu po bɔ ɔne see bali afra ɔ. Na bɛ bɔ bali kaka ne ne ye honi ne, yeɛ ye nzorɛhyɛlɛ ne ye dumaa nwo ngondaa so ngonim ne, né begyigyi neanu po ne aso bɔ betiratira Nyameɛ sangoo ɔ.

Nyekyire 16:2

Yiti abɔfo bɔ oli moa ne hɔle oohwiele bɔ ɔwɔ ye kulie ne anu guale aseɛ so, na kena bɔ ɔbo mvamva ná otutu ɔ tutuli mmenia bɔ bele kaka ne nzorɛhyɛlɛ ne, ɔne bɛ bɔ bɛkotole ye honi ne.

Nyekyire 19:20

Na bɛhyele kaka ne, ɔne ngɔmhyɛlɛniɛ ngondomboniɛ ne koso bɔ ɔyɔle nzɛngyerɛnneɛ wɔ ye nyunu, bɔ ɔfa lakalakale bɛ bɔ bale kaka ne nzorɛhyɛlɛ ne, ɔne bɛ bɔ bɛkotole ye honi ne. Na befindini bɛ munyɔ anyekaenn so beguale see abura bɔ sɔfe ogye wɔ nu ne anu.

Nyekyire 20:4

Afei nwuni ahennie bia mɔ, na bɛmane bɛ bɔ bɛtete so nemɔ tumi kyɛ bebua ndɛen. Na bɛ bɔ ɔnate Kristo adanzeɛ ne Nyameɛ dwirɛ ne ati bɛpepɛle bɛ ti ne, nwuni bɛ kra mɔ. Bɛ de, banzɔne kaka ne anaa ye honi ne, yeɛ banne ye nzorɛhyɛlɛ ne wɔ bɛ nwoma so, anaa bɛ sa nwo. Benyane ngoa bieku, na bɛne Kristo belili hene afoɛ apee ko.