Lewitikɔso 19:23 - AHYERƐLƐ KRONGRON

²³ “Sɛ ɛmɔbadwu aseɛ ne aso, ná ɛmɔdua fieso mmakaammaa ahoroɔ a, ɛ́mɔbu bɛ mma bɔ bekosu ne kyɛ akyiwadeɛ; ɛ́mɔma ɔ́yɛ ɛmɔ akyiwadeɛ afoɛ nza, na onni kyɛ ɛmɔdi ɔ.

Lewitikɔso 19:23 Iomraidhean Croise

Ɛksadɔso 6:12

Nakoso Mose buale AWURADE kyɛ, “Yisraelfoɛ po bandie me, ɔkɔyɛ sɛɛ né Faro atie me, me bɔ me noa ɔttele ɔ?”

Ɛksadɔso 6:30

Nakoso Mose buale AWURADE wɔ ye nyunu berɛ kyɛ, “Yieee! Me noa ɔttele, ɔkɔyɛ sɛɛ né Faro atie me dwirɛ?”

Yeremia 6:10

Nwa yeɛ ndwudwo ngyire ye mmɔ ye kɔkɔ maa otie ɔ? Nea, batuatua bɛ so, bɛngora bɛnde dwirɛ. Nea, AWURADE dwirɛ ne te ngorohoɛ dwirɛ ma bɛ; bɛ nye ngye ye nwo.

Lewitikɔso 12:3

Na ye ɛlɛbɔtwɛ ne aso, odi kyɛ bɛpɛ akwadaa ne bienzua.

Lewitikɔso 14:34

“Sɛ ɛmɔbadwu Kanaan aseɛ bɔ méfa méma ɛmɔ maa ɔyɛ ɛmɔ deɛ ne aso, ná sɛ mema kwata anwonyerɛ pe awuro bie anu wɔ aseɛ bɔ ɛmɔ sa baahã ye ne aso a,

Lewitikɔso 19:22

Odi kyɛ ɔsɔfo ne fa foɛlilɛ afɔleɛ boaen nyii ne pata ma bienzua ne wɔ AWURADE nyunu, ɔnate bɔne bɔ wayɔ ne ati; na AWURADE kɔfa bɔne bɔ wayɔ ne kɔhyɛ ye.

Lewitikɔso 19:24

Ye afoɛ bɔ ɔtɔ so nna ne aso, mmaa bɔ bekosu ne amukoraati kɔyɛ krongron, bɔ ɔte ayɛyelɛ afɔleɛ ma AWURADE ɔ.

Lewitikɔso 22:27

“Sɛ bɛwo nandwie anaa boaen anaa abɔngye a, ɔkɔtena oni anwo ɛlɛsoo. Ofi ye ɛlɛbɔtwɛ ne aso ne, sɛ bɛyera ye bɛfa bɛbɔ afɔleɛ bɛma AWURADE a, ye nye kɔsɔ.

Lewitikɔso 23:14

Nnɛma ɛmɔdi aburoo monɛ ne bie, kyɛ bafa bayɛ paanoo oo, kyɛ bahye oo, anaakyɛ ye monɛ oo, kɔpem kyẽa bɔ ɛmɔkɔfa ɛmɔ Nyameɛ afɔleɛ bɛkɔbrɛ ye ɔ. Ɔte ahyɛdeɛ afebɔɔ ma ɛmɔ wɔ ɛmɔ aworɛ ndoatoasoɛ amukoraati nu, wɔ nekaa biala bɔ ɛmɔkɔtena ɔ.

Asomafoɛ 7:51

Na Setefano toale so hane kyɛ, “Yisraelfoɛ asoserɛfoɛ, ɛmɔapini b’ahone, yeɛ afei ɛmɔaprapra bɛ so asi wɔ Nyameɛ dwirɛ ne anwo. Ɛmɔte kyɛ ɛmɔ nana mɔ ala, bɔ dáa ɛmɔsi Sunzum Krongron ne ate ɔ!