Lewitikɔso 19:19 - AHYERƐLƐ KRONGRON

¹⁹ “Ɛ́mɔli m’ahyɛdeɛ so. Wɔ nyɛmmoa mɔ, sɛ bɛte ahoroɔ ahoroɔ a, nnɛmaa bedi mvrafra bɛfo bɛ nwo; nnɛdua mmakaammaa ahoroɔ nyɔ wɔ wɔ fieso, yeɛ nnɛwura ataadeɛ bɔ bafa ɛtena ahoroɔ nyɔ batoto ye nzaasaa ɔ.

Lewitikɔso 19:19 Iomraidhean Croise

Gyenesise 36:24

Sibeon mma mmienzua mɔ ɛhe: Aya ne Ana. Sɔ Ana he yeɛ mmerɛ bɔ ɔfale ye baba Sibeon afunum mɔ hɔle adidie ne, oofitele nzuehyerɛ asue ti so wɔ ɛserɛ so ne.

2 Samuel 13:29

Yiti Absalom somvoɛ nemɔ huni Amnɔn kyɛbɔ Absalom hyɛle bɛ ne. Na Dawide mma ngaa ne amu bɛfo bɛtenatenane b’afunum mɔ so bɛnwati bɛhɔle.

2 Samuel 18:9

Mvum nu, Absalom ne Dawide koɛhonɛfoɛ nemɔ bɔle numbunumbu. Né Absalom te ye afunum so. Afunum ne fale ye ɔɔfale eluii bie bɔ ye mmaen ayɛ sesakaa ɔ bo. Absalom ti nwiaa sotale bakaa mmaen ne anu maa osinzele berɛ bɔ né ye gya nga ase ɔ. Nakoso afunum bɔ ɔte ye so ne de, ɔtoale so hɔle.

1 Ahemvo 1:33

Nana Dawide sele bɛ kyɛ, “Nde ɛmɔ mene, ɛmɔ ne m’awɛmvoɛ nemɔ bɛhɔ. Ɛ́mɔma mma Solomon ɔ́tena me bɔbɔ m’afunum ne aso, ná ɛ́mɔfa ye bɛhɔ mbombonzue Gihon nwo.

Ɛsra 2:66

Né bele mbɔngɔ ɛyaa nzoo aburasa ne nzia, afunum mbiri ɛyaa nyɔ aburanna ne nnu,

Lewitikɔso 18:4

Ɛ́mɔli me nhyehyɛleɛ ne m’ahyɛdeɛ so, ná ɛ́mɔfa bɛ́bɔ bɛ bra: Me ole AWURADE ɛmɔ Nyameɛ.

Lewitikɔso 19:37

Ɛ́mɔli m’ahyɛdeɛ amukoraa ne me nhyehyɛleɛ amukoraa so, ná ɛ́mɔfa bɛ́bɔ bɛ bra: Me ole AWURADE.

Lewitikɔso 20:8

Ɛ́mɔli m’ahyɛdeɛ so, ná ɛ́mɔfa bɛ́bɔ bɛ bra: Me ole AWURADE, Me yeɛ mete ɛmɔ nwo ɔ.

Lewitikɔso 22:31

“Sɔ yeɛ odi kyɛ ɛmɔdi me mmeraa dwirɛ so ná ɛmɔfa bɛbɔ bɛ bra ɔ: Me ole AWURADE.

Lewitikɔso 25:18

“Ɛ́mɔli m’ahyɛdeɛ so ná ɛ́mɔyɛ sotie bɛ́ma me nhyehyɛleɛ nahorɛ nu, amaa ɛmɔatena aseɛ ne aso asomdwee nu.

Luka 5:36

Na obuli bɛ anyandera he koso kyɛ, “Ebiala mbɛ ɛtena monɛ sii mva nda ataadeɛ daa nu. Sɛ ɔyɔ sɔ a, né watete ɛtena monɛ ne, na sii bɔ wapɛ wafi ɛtena monɛ ne anu ne, ɔne daa ne ngɔsɛ.

Romanfoɛ 11:6

Na sɛ ɔnate adom so de a, nzaade Nyameɛ frɛlɛ ne oggyi nnwumaa so ko, na sɛ ogyi nnwumaa so de a, ahaa adom ne ɔtte adom ko.

Deuteronomi 4:1

“Afei Yisrael, tie ahyɛdeɛ ne nhyehyɛleɛ bɔ mekyirekyire ɛmɔ kyɛ ɛmɔli so ne, amaa ɔnate so ɛmɔanya ngoa, ná ɛmɔahɔ baafa aseɛ bɔ AWURADE ɛmɔ nana mɔ Nyameɛ ɔ́fa ma ɛmɔ ne.

Deuteronomi 4:5

Ɛ́mɔtie, kyɛbɔ AWURADE me Nyameɛ hyɛle me ne, sɔ ala yeɛ mahyirehyire ɛmɔ ahyɛdeɛ ne nhyehyɛleɛ ne ɔ, kyɛbɔ ɔkɔyɛ bɔ ɛmɔkoli so wɔ aseɛ bɔ ɛmɔkwaafa bɛtena so ne aso ɔ.