Lewitikɔso 19:18 - AHYERƐLƐ KRONGRON

¹⁸ Nnɛtɔ wɔ mmenia ne anu biala so wereɛ, yeɛ nnɛfa ebiala nwo dwirɛ sie wɔ ti anu, na mmom kuro ebiɛngo dwirɛ kyɛ wɔ bɔbɔ wɔ nwo: me ole AWURADE.

Lewitikɔso 19:18 Iomraidhean Croise

Gyenesise 4:23

Na Lamɛke sele ɔye mɔ kyɛ, “Ada ne Sila, ɛ́mɔtie bɔ meka ye, Lamɛke aye mɔ, ɛmɔma bɛ so bra wa, mahu biaa bie bɔ opurale me ɔ, na mahu aberandeɛ bie bɔ ɔbɔle me ɔ.

2 Samuel 13:22

Nakoso Absalom anga edwirɛ biala wangyire Amnɔn, kyɛ edwirɛ paa oo, anaa tɛɛ oo. Absalom pɔle Amnɔn, ofikyɛ né wato oliɛma Tamar mmɔnaa.

2 Samuel 13:28

Né Absalom ali moa waha wahyire ye somvoɛ nemɔ kitii kyɛ, “Ɛ́mɔfa bɛ nye bɛ́sra Amnɔn, na sɛ ɛmɔnwu kyɛ nzaa ne abo ye, ná mekã mekyire ɛmɔ kyɛ, ‘Ɛ́mɔhu Amnɔn!’ a, ɛ́mɔhu ye. Nnɛma ɛmɔsuro. Me yeɛ mahyɛ ɛmɔ kyɛ ɛ́mɔyɔ sɔ ɔ. Ɛ́mɔsi ɛmɔ ahone bɛyɛ mmienzua.”

Edwein 103:9

Ɔngɔma ye ahone ngohu yɛ so daa, yeɛ ɔngɔma ye yaa ne ngɔtena berɛ daa.

Ɛksadɔso 20:16

“Nnɛdi adanzewia tia ebiɛngo.

Anyandera 20:22

Nnɛkã kyɛ, “Ngɔfa bɔne ngotua bɔne kerɛ.” Na mmom fa wura AWURADE sa, na ɔkɔboka wɔ.

Lewitikɔso 19:34

Ɛwɔfoɛ bɔ waatena ɛmɔ nu ne, ɛ́mɔfa ye kyɛ ɔte kuromani; ná kuro ɛwɔfoɛ ne dwirɛ kyɛ wɔ bɔbɔ wɔ nwo, ofikyɛ né ɛmɔte ɛwɔfoɛ wɔ Misraim aseɛ so: Me ole AWURADE wɔ Nyameɛ.

Mateo 19:16

Na yieee, biaa bie wale Yesu berɛ oobisale ye kyɛ, “Kyerɛkyerɛniɛ, nikyee paa beni yeɛ nyɔ ná manya daa ngoa ɔ?”

Mateo 19:19

Di ɛse ne eni ni; yeɛ kuro ebiɛngo dwirɛ kyɛ wɔ bɔbɔ wɔ nwo.”

Yohane 13:34

Ahyɛdeɛ foforɛ yeɛ mefa mema ɛmɔ ɔ, kyɛ ɛmɔhurohuro ɛmɔ nwo dwirɛ; na kyɛbɔ mahuro ɛmɔ dwirɛ nen, sɔ ala yeɛ ɛmɔ koso ɛmɔhurohuro ɛmɔ nwo dwirɛ ɔ!

Asomafoɛ 16:28

Na Pɔɔlo teane nu serɛserɛ sele kyɛ, “Nnɛdi wɔ nwo awue, na yɛ mukoraa yɛwɔ wa!”

Romanfoɛ 12:17

Nnɛma ɛmɔfa bɔne betua ebiala bɔne kerɛ. Na mmom ɛ́mɔdwene bɔ ɔte paa wɔ mmenia mukoraa bɛ nye so ɔ nwo.

Romanfoɛ 12:19

Aliɛmaa mɔ, nnɛma ɛmɔtotɔ ɛmɔ nwo wereɛ, na mmom ɛ́mɔyakyi bɛ́ma Nyameɛ ahonehulɛ ne. Ofikyɛ bahyerɛ kyɛ, “Wereɛtɔlɛ te me deɛ, na ngotua so kerɛ, Awurade noa dwirɛ ɛne.”

Romanfoɛ 13:4

Ofikyɛ wɔ yeeyɛlɛ ti bɛte Nyameɛ somvoɛ. Nakoso sɛ ɛyɔ bɔne de a, ye de ɔsɛ kyɛ esuro ɔ, ɔnate kyɛ bendira ɛhɔtɔ ne mbaen! Bɛte Nyameɛ somvoɛ bɔ bɛtɔ wereɛ bɛma bɛ yaafɛlɛ ba sona bɔ ɔyɔ bɔne so ɔ.

Romanfoɛ 13:9

Mmeraa ne nwa, “Nnɛsɛkye agyaa, nnɛdi awue, nnɛwua, [nnɛdi adanzewia], nnɛma wɔ nye boro ebie nikye.” Na sɛ mmeraa dwirɛ biala boka so a, babɔ ye porɛ wɔ edwirɛ he anu kyɛ, “Kuro ebiɛngo dwirɛ kyɛ wɔ bɔbɔ wɔ nwo.”

Galatiafoɛ 5:14

Ofikyɛ babɔ mmeraa ne amukoraa porɛ komapɛ kyɛ, “Kuro ebiɛngo dwirɛ kyɛ wɔ bɔbɔ wɔ nwo.”

Galatiafoɛ 5:20

bosoensolɛ, bayie, ɛpɔen, ngondii, ahoɔyea, ɛyaafɛlɛ, pɛsɛmangomenya, ɛyakalɛ, ndoto,

Ɛfesofoɛ 4:31

Ɛ́mɔgyi amvamviri, ahonetɛɛ, ɛyaafɛlɛ, basabasayɔlɛ, ɛsoentolɛ ne bra fiɛ biala bégua.

Deuteronomi 32:25

Bɛ mma kɔtotɔ ngrandɛ noa wɔ dwaaso, na ɛserɛ kɔha bɛ wɔ sua nu. Mmerandeɛ ne ndaluwa kowuwu, nnɔma ne mbanyi bɔ bafu gyein koso sɔ ala.

Deuteronomi 32:35

Wereɛtɔlɛ ne akatuaa te me deɛ, ɔngɔhyɛ biala, bekosoti; ofikyɛ b’amaneɛnwunɛ kyẽa ne apingye, na b’ayieleɛ ɔ́ba ndɛndɛ.

Kolosefoɛ 3:8

Nakoso kekesaala ye de, ɛ́mɔgyi ɛhemɔ amukoraa bégua: ɛyaafɛlɛ, ahone tɛɛ, ɛpɔen, musue dwirɛ ne edwudwolɛ fiɛ.

Hebrifoɛ 10:30

Ofikyɛ, yɛse bɔ ɔhane kyɛ, “Wereɛtɔlɛ te me deɛ, na ngotua so kerɛ;” na ye ala yeɛ osa hane kyɛ, “Awurade kobua ye mmenia ndɛen.”

Yakobo 2:8

Yiti sɛ ɛmɔdi dehyeɛ mmeraa ne aso nahorɛ nu, kyɛbɔ Ahyerɛlɛ ne kã kyɛ, “Kuro ebiɛngo dwirɛ kyɛ wɔ bɔbɔ wɔ nwo” ne a, ye de né ɛmɔayɛ nikye.

1 Petro 2:1

Yiti ɛ́mɔgyi bɔne yɔleɛ amukoraa, nnakannaka amukoraa, nyaatwomyɛlɛ, ɛpɔen ne nzekure amukoraa bégua.

1 Yohane 4:21

Na ahyɛdeɛ bɔ wafa wama yɛ ɛhe: ebiala bɔ okuro Nyameɛ dwirɛ ne, odi kyɛ okuro oliɛma koso dwirɛ.