Lewitikɔso 19:16 - AHYERƐLƐ KRONGRON

¹⁶ Nnɛkyinikyini kekã mmenia nwo dwirɛ tɛɛ, nnɛdi adanzewia ma ebiɛngo nya ewue, ná enya ye wue si mvasoɛ: Me ole AWURADE.

Lewitikɔso 19:16 Iomraidhean Croise

YOB NWOMAA NE 17:5

Ebiala bɔ ɔye ye damvo mɔ ma, maa ɔnate so onya b’agyapadeɛ nu kyɛfa ne, sɔ bɔne ne nwo akatuaa kɔwa ye mma so.

Edwein 101:5

Ebiala bɔ ɔfea toatoa obiɛngo ne, ngɔmaa ɔkɔhã ye noa kɔto nu. Sona bɔ ɔte nduhoɛ ne anwomasoɛ ne de, mengɔpene ye.

Edwein 15:3

bɔ ɔmva ye noa ngeka mmenia nwo dwirɛ tɛɛ, bɔ ɔnyɔ obiɛngo bɔne, ná ommu obiɛngo animtia ɔ.

Edwein 50:20

Ɛtena ase ɛkekã eliɛma nwo dwirɛ; na eni awa po, ɛpepɛ ye gya ndii nu.

Ɛksadɔso 20:16

“Nnɛdi adanzewia tia ebiɛngo.

Ɛksadɔso 23:1

“Nnɛbɔ edwirɛ bɔ ɔtte nahorɛ nwo dawure. Nnɛfa wɔ nwo bɔ amumuyɛɛniɛ ná edi adanzewia.

Ɛksadɔso 23:7

Nnɛto ebiɛngo soen, yeɛ nnɛku sona bɔ odi be ná ɔtengyɛ ɔ, ofikyɛ mengobua amumuyɛɛniɛ be.

Anyandera 10:18

Bɔ ɔpɔ sona, nakoso ɔkatakata so ne, ɔnga nahorɛ, yeɛ bɔ ɔkekã obiɛngo nwo dwirɛ sɛkye ye ne, ɔte kwaseaa.

Anyandera 11:13

Nzekurebɔlɛniɛ natenate ɔma ye noa yɛ kurokuro wɔ edwirɛ bɔ bɛfeafea so ɔ nwo, nakoso sona bɔ ɛkora fa wɔ wora wura ye nu ne de, ɔfa edwirɛ sie.

Anyandera 20:19

Sona bɔ okyinikyini di nzekure ne, ɔma ye noa yɛ kurokuro wɔ edwirɛ bɔ bɛfeafea so ɔ nwo, yiti nnɛfa wɔ nwo bɔ sona bɔ ye noa te kurokuro ɔ.

Yeremia 6:28

Bɛ mukoraa bɛte asoserɛfoɛ bɔ bayɛ lɔen ɔ, bɛnate bedi nzekure; bɛte kɔɔbere ne buralɛ, bɛ mukoraa bɛte ngondombofoɛ.

Yeremia 9:4

Odi kyɛ ebiala ɔnea ye nwo yé wɔ obiɛngo anwo, na nnɛfa wɔ wora wura eliɛma nu, ofikyɛ aliɛmaa biala ɔpepɛ sona gya ndii nu, na abiɛngoɛ biala ɔnate di nzekure.

Hesekiel 22:9

Wɔ nu mmenia bɛpɛ dwirɛ bɛto mmenia so beku bɛ; mmokaa so asɔneyɛɛ so yeɛ wɔ nu mmenia bedidi ɔ, na nyanzoen bra yeɛ bɛbɔ ye wɔ wɔ nu ɔ.

Mateo 27:4

na ɔhane kyɛ, “Mayɔ bɔne kyɛ maye mogya bɔ odi be ɔ mama ɔ.” Na bebuale kyɛ, “Yɛ de, ɔfa yɛ nwo nzu? Wɔ yeɛ ɔte wɔ dwirɛ ɔ!”

Deuteronomi 27:25

“ ‘Musue tó sona bɔ okole fea-ase-ma ná okohu obiɛngo bɔ odi be ɔ.’ Na mmenia ne amukoraa kosuro so kyɛ, ‘Amen!’

1 Timoteo 3:11

Sɔ ala yeɛ ɔsɛ kyɛ bɛ ye mɔ koso bɛyɛ mmenia bɔ bɛ nyunu le animnyam ɔ, bɔ bɛmmɔ nzekure, na mmom bɛ nwo dwo, ná bedi nahorɛ wɔ nikyee biala nu ɔ.

2 Timoteo 3:3

bengonya sona nwo dɔ, amvamvirifoɛ, ɛsoentolɛfoɛ, bɛ bɔ bɛnhyɛ b’akɔnnɔ so ɔ, bɛ bɔ bɛ ti anu te awosii, bɛ bɔ bɛpo nikye paa biala,

Tito 2:3

Sɔ ala yeɛ kyirekyire nworowaa nemɔ ma bɛbɔ bra bɔ ɔte krongron ɔ. Ɔnzɛ kyɛ bedi nzekure anaa bɛyɛ akɔnomnzafoɛ; na mmom ɔsɛ kyɛ bekyirekyire bɔ ɔte paa ɔ,

1 Petro 2:1

Yiti ɛ́mɔgyi bɔne yɔleɛ amukoraa, nnakannaka amukoraa, nyaatwomyɛlɛ, ɛpɔen ne nzekure amukoraa bégua.

1 Samuel 24:10

Tie, ɛnɛ kyẽa ye, wɔ nye tua kyɛbɔ AWURADE fale wɔ wurale me sa, wɔ nyɔboɛ bɔ wasi sua ne anu ɔ. Ebiemɔ sele me kyɛ ngu wɔ, nakoso mamaa anya wɔ ti adidi nu. Na ngane kyɛ, ‘Mengɔfa me sa ngɔhã me mene, ofikyɛ AWURADE apopa ye ngoo.’