Lewitikɔso 19:15 - AHYERƐLƐ KRONGRON

¹⁵ “Nnɛma ɛmɔbua ndɛengyea. Nnɛkã kyɛ ebie te ehianiɛ yiti ebua ye be, yeɛ nnɛkã kyɛ ebie te sona titire yiti ɛkɔ so tu ye dwirɛ hyɛ kyẽa, na mmom bua ebiɛngo ndɛen turoloo.

Lewitikɔso 19:15 Iomraidhean Croise

YOB NWOMAA NE 13:8

Aso ɛmɔgyi Nyameɛ si anaa, anaakyɛ ɛmɔka bie bɛma ye?

YOB NWOMAA NE 32:21

Mengɔyɛ nyeyemuɛ biala, yeɛ mengɔhã adɛfɛdɛfɛ dwirɛ ngɔfa ebiala nwo.

YOB NWOMAA NE 34:19

ye bɔ ɔnnea atitirefoɛ bɛ dibea, ná ommu sikafoɛ ndra ehiafoɛ ne, ofikyɛ bɛ mukoraa bɛte ye sa noa adwuma.

Edwein 82:2

“Kyinzu koraa yeɛ ɛmɔkobua ndɛengyea, ná ɛmɔayɛ nyeyemuɛ bagyina bɔnefoɛ si maa waadwu ɔ. Sela

Ɛksadɔso 18:21

Afei koso, neanea mmenia ne amukoraa nu, ná ye mmenia bɔ bɛfata, bɔ besuro Nyameɛ, bɔ bedi nahorɛ, bɔ bekyi fea-ase-ma, ná maa bɛlela mmenia apee apee, ɛyaa ɛyaa, aburannu aburannu ne buru buru noa.

Anyandera 18:5

Ɔtte mayee kyɛ ɛkɔma bɔnefoɛ koli be, ná ekobua teneneeniɛ ndɛengyea ɔ.

Anyandera 24:23

Nworɛniɛ ne, ɛhemɔ koso te ye noa dwirɛ: Ɔtte mayee kyɛ ekobua ndɛengyea ɔ.

Anyandera 31:9

Te wɔ noa dwudwo, bua ndɛen bɔ ɔtengyɛ ɔ, di ehiafoɛ ne bɛ bɔ bɛyɛ anwumvo ɔ bɛ dwirɛ ma bɛ.

Lewitikɔso 19:35

“Nnɛma ɛmɔdi aminɛ wɔ nikyee susulɛ nwo, ɔfa ye tendenn, nu nonɛ, ɔne ye somaa nwo.

Yohane 7:24

Nnɛma ɛmɔnea sona nyunu bebua ye ndɛen, na mmom ɛ́mɔbua ndɛen bɔ ɔtengyɛ ɔ!”

Asomafoɛ 23:3

Yeɛ Pɔɔlo koso sele ye kyɛ, “Wɔ yeɛ Nyameɛ kɔbɔ wɔ ɔ. Wɔ, fasue bɔ bahã ye nwo fufue ɔ! Wɔ yeɛ ɛte berɛ egyina mmeraa ne aso ebua me ndɛen ɔ, nakoso wɔ wora ebu mmeraa ne aso ɛhyɛ kyɛ bɛbɔ me!”

Deuteronomi 1:17

Nnɛma ɛmɔbua ndɛengyea, na mmom ɛ́mɔyɛ asoɛ bétie kwahweabaa mɔ dwirɛ kyɛbɔ ɛmɔtie atitirefoɛ ne ala. Nnɛma ɛmɔsuro sona nyunu, ofikyɛ ndɛenbualɛ ne te Nyameɛ deɛ. Na edwirɛ biala bɔ ɔbo ɛmɔ so ne, ɛ́mɔfa bɛbra me gya so, na ngoli.’

Deuteronomi 10:17

Ofikyɛ AWURADE ɛmɔ Nyameɛ ne, ɔte nyameɛ mɔ nu Nyameɛ ɔne meneɛ mɔ nu Meneɛ, Nyameɛ piri bɔ ye nwo yɛ suro, bɔ ɔnyɛ nyeyemuɛ, bɔ onne fea-ase-ma ɔ.

Deuteronomi 16:19

Nnɛbua ndɛengyea, nnɛsisi ebie wɔ ndɛenbualɛ nu, yeɛ nnɛde fea-ase-ma, ofikyɛ fea-ase-ma ma nworɛniɛ bu ye nye gua ndɛen turoloo so, na ɔmaa mmenia bua bɛ bɔ bedi be ɔ ndɛengyea.

Deuteronomi 27:19

“ ‘Musue tó sona biala bɔ okobua ɛwɔfoɛ, awisianiɛ anaa kunaniɛ ndɛengyea ɔ.’ Na mmenia ne amukoraa kosuro so kyɛ, ‘Amen!’