Lewitikɔso 19:14 - AHYERƐLƐ KRONGRON

¹⁴ Nnɛnoma asotiniwaaniɛ, yeɛ nnɛfa nikyee to anyesiniwaaniɛ atee nu maa ɔfofo so, ná mmom suro wɔ Nyameɛ: Me ole AWURADE.

Lewitikɔso 19:14 Iomraidhean Croise

Gyenesise 42:18

Ɛlɛsa ne aso, Yosef sele bɛ kyɛ, “Ɛ́mɔyɔ ɛhe na ɛmɔanya bɛ ti badidi nu, ofikyɛ mesuro Nyameɛ:

Nehemia 5:15

Amrado mɔ bɔ belili me nyunu moa ne de, bɛfale anwokyere kandinga paa yeɛ bɛtole maen ne aso ɔ. Bedidele aleɛ ne nzaa befili mmenia ne berɛ, asora ɛdwetɛ sekel aburanna ne koso. Bɛ somvoɛ nemɔ po, bɛyɛle maen ne aso abakomasɛm. Nakoso me de, manyɔ sɔ, ofikyɛ mesuro Nyameɛ.

Edwein 111:10

AWURADE surolɛ te nworɛnwunɛ ye bohyɛlɛ; bɛ bɔ bɛyɔ sɔ ne, benya nimdeɛ paa. Odi kyɛ bɛye ye ayɛ afebɔɔ.

Lewitikɔso 19:15

“Nnɛma ɛmɔbua ndɛengyea. Nnɛkã kyɛ ebie te ehianiɛ yiti ebua ye be, yeɛ nnɛkã kyɛ ebie te sona titire yiti ɛkɔ so tu ye dwirɛ hyɛ kyẽa, na mmom bua ebiɛngo ndɛen turoloo.

Lewitikɔso 19:32

“Fa ebulɛ ma panyi, di nworowaa ni, ná suro wɔ Nyameɛ: Me ole AWURADE.

Lewitikɔso 25:17

Nnɛma ɛmɔ nu biala sisi obiɛngo, na mmom suro wɔ Nyameɛ; ofikyɛ me ole AWURADE ɛmɔ Nyameɛ.

Romanfoɛ 12:14

Ɛ́mɔyirayira bɛ bɔ bɛtane ɛmɔ nye ɔ, ɛ́mɔyirayira bɛ, na nnɛma ɛmɔnoma bɛ.

Romanfoɛ 14:13

Yiti ɛ́mɔma yɛyakyi kyɛ yɛkobua yɛ nwo yɛ nwo ndɛen ɔ. Na mmom ɛ́mɔma yɛyɛ y’adwene kyɛ yɛngɔfa pambim anaa sundidua yɛngɔto yɛ biɛngo atee nu ɔ.

1 Korintofoɛ 10:32

Nnɛma ɛmɔyɔ bɔ ɔkɔha Yudafoɛ anaa Helafoɛ anaa Nyameɛ asɔre ne;

Deuteronomi 27:18

“ ‘Musue tó sona biala bɔ okohyire anyesiniwaaniɛ atee maa okomini ɔ.’ Na mmenia ne amukoraa kosuro so kyɛ, ‘Amen!’

1 Petro 1:17

Na sɛ ɛmɔfrɛ bɔ ɔnnea sona nyunu yeɛ obua ndɛen kyɛbɔ ebiala nnwumaa te ɔ kyɛ Baba a, ye de ɔsɛ kyɛ ɛmɔfa esuronyi bɛbɔ ɛmɔ bra wɔ mmerɛ bɔ ɛmɔaayɛ amanvrafoɛ ɔ.

1 Petro 2:17

Ɛ́mɔfa anidie bɛ́ma mmenia amukoraa! Ɛ́mɔhurohuro aliɛmaa mɔ agyidifoɛ dwirɛ! Ɛ́mɔsuro Nyameɛ! Ɛ́mɔfa anidie bɛ́ma ɛhene ne!

Nyekyire 2:14

Nakoso mebɔ wɔ kwaadu kãa, ofikyɛ ele mmenia biemɔ wɔ wɔ berɛ bɔ basɔ Balaam ngyerɛkyerɛ nu ɔ, ye bɔ ohyirele Balake kyɛ ɔto Yisraelfoɛ sundidua ma beli bosoen so aleɛ, ná bɛbɔ adwaman ɔ.