Lewitikɔso 19:12 - AHYERƐLƐ KRONGRON

¹² “Nnɛma ɛmɔfa me dumaa bɛta edwirɛ bɔ nahorɛ ɔnne nu ɔ nwo ndaen, ná angua wɔ Nyameɛ dumaa nwo fiɛ: Me ole AWURADE.

Lewitikɔso 19:12 Iomraidhean Croise

Edwein 15:4

Sɔ sona ne, amumuyɛɛfoɛ bɛla ye nye so mbaen, na ɔfa anidie ma bɛ bɔ besuro AWURADE ɔ. Sɛ ɔta ndaen ma ye nwo kyere ye po a, ommu so;

Ɛksadɔso 20:7

“Nnɛbɔ AWURADE wɔ Nyameɛ dumaa mbaen mbaen; ofikyɛ ebiala bɔ ɔkɔbɔ AWURADE dumaa mbaen mbaen ne, ɔngɔma ɔngɔfa ye nwo ngoli tɔtorɔtɔɔ.

Yesaya 48:1

O Yakob boso ama, ɛ́mɔtie dwirɛ he, ɛmɔ bɔ bɛfa Yisrael dumaa bɛfrɛ ɛmɔ ɔ, bɔ ɛmɔte Yuda bosofoɛ, bɔ ɛmɔfa AWURADE dumaa bɛta ndaen, bɔ ɛmɔbɔ Yisrael Nyameɛ dumaa, nakoso ɛmɔnyɔ sɔ nahorɛ ne tenenee nu ɔ.

Yeremia 34:16

Nakoso ɛmɔsesane ɛmɔ adwene bɛfale efiɛ bɛhane me dumaa, na ebiala osa ɔɔhyele ye kanganiɛ bienzua anaa brasua, bɔ wamaa wafa ye nwo wali kyɛbɔ né ye nye la so ne, na ɛmɔsa bɛfale bɛ bɛwale ngoaasolɛ nu maa bɛɛyɛle ɛmɔ nganga ne afaneɛ mɔ.

Yeremia 4:2

ná sɛ ɛta ndaen kyɛ, ‘Kyɛ AWURADE te ase ye!’ wɔ nahorɛ nu, pɛpɛɛpɛyɛlɛ nu ne tenenee nu a, ye de, maen maen mɔ bekonya bɛ saleɛ wɔ ye nu, na ye nu yeɛ bekonya b’animnyam ɔ.

Yeremia 5:2

Ɔwɔ nu kyɛ bɛta ndaen kyɛ, “Kyɛ AWURADE te ase ye” de, nakoso ngondombo ndaen yeɛ bɛta ɔ.

Yeremia 7:9

Aso ɛmɔkowua, ɛmɔkoli awue, ɛmɔkɔsɛkye agyaa, ɛmɔkɔta ngondombo ndaen, ɛmɔkɔyera ɛyɛɛ bɛkɔma Baal, ɛmɔkoli nyameɛ foforɛ mɔ bɔ ɛmɔnze bɛ ɔ bɛ si,

Lewitikɔso 18:21

Nnɛfa wɔ mma mɔ nu biala maa bɛfa see bɛyera ye bɛbɔ afɔleɛ bɛma bosoen Moleke, amaa ɔnate so angua wɔ Nyameɛ dumaa nwo fiɛ. Me ole AWURADE.

Lewitikɔso 20:3

Me bɔbɔ deinn ngotu me nye ngosie sɔ sona ne aso, na ngɔpɛ ye asue ngofi ye maen nu, ofikyɛ wafa ɔwa wama Moleke; wafa efiɛ waha me nekaa krongron ne, na wagua me dumaa krongron ne anyunu ase.

Lewitikɔso 24:11

Biaa bɔ oni yeɛ ɔte Yisraelniɛ ne, ɔbɔle Dumaa bɔ bɛmmɔ ne ɔfa nomale, na ɔkekane musue dwirɛ tiale ye dumaa. Bɛfale ye bɛwale Mose nyunu. Oni dumaa ole Selomite, bɔ oni ole Dibri bɔ ofi Dan abusua kure nu ne.

Lewitikɔso 6:3

anaakyɛ wanwu ye nikyee bɔ yeɛ wamini nakoso wanga nahorɛ, anaakyɛ ɔta ndaen fa kata nahorɛ so, anaakyɛ bɔne bɔ mmenia yɔ ne anu biala,

Sakaria 5:3

Na osele me kyɛ, “Ɛhe te ɛnomalɛ bɔ okyinikyini fa aseɛ so amukoraa ɔ. Ebiala bɔ okowua ne, bɔ ɔwɔ ye bue faen ne yeɛ bekogyina so bɛkɔpɛ ye asue bekofi wa ɔ; yeɛ ebiala bɔ ɔkɔta ndaen mbaen ne, bɔ ɔwɔ ye bue faen ne yeɛ bekogyina so bɛkɔpɛ ye asue bekofi wa ɔ.

Sakaria 5:4

Ngɔsoma ye maa ɔkɔhɔ, Asafo AWURADE noa dwirɛ ɛne, na okowura awueniɛ n’awuro, yeɛ bɔ ɔfa me dumaa ta ndaen mbaen ɔ awuro; okosikye ye awuro berɛ, na ɔkɔyera awuro ne, nu mmakaa ne nu nyɔboɛ.”

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

Deuteronomi 5:11

Nnɛbɔ AWURADE wɔ Nyameɛ dumaa mbaen mbaen; ofikyɛ ebiala bɔ ɔkɔbɔ AWURADE dumaa mbaen mbaen ne, ɔngɔma ɔngɔfa ye nwo ngoli tɔtorɔtɔɔ.

Yakobo 5:12

Aliɛmaa mɔ, ɛhe amukoraa asi ne, nnɛma ɛmɔta ndaen! Nnɛma ɛmɔfa nyameɛso anaa aseɛ anaa nikyee biala bɛta ndaen. Na mmom ɛ́mɔma ɛmɔ “Yoo” yɛ yoo, ná ɛmɔ “Daabi” yɛ daabi, ná bammua ɛmɔ foɛ.