Lewitikɔso 19:11 - AHYERƐLƐ KRONGRON

¹¹ “Nnɛma ɛmɔwua, yeɛ nnɛma ɛmɔlakalaka bɛ biɛngo; nnɛma ɛmɔpepɛ anoanu bekyirekyire bɛ nwo.

Lewitikɔso 19:11 Iomraidhean Croise

2 Samuel 17:20

Na mmerɛ bɔ Absalom somvoɛ nemɔ bɛɛtole braa ne wɔ awuro berɛ ne, bebisale ye kyɛ, “Ahimaase ne Yonatan bɛwɔ nisua?” Na braa ne buale bɛ kyɛ, “Bapɛ asue ne bahɔ.” Bɛpenane bɛ alaa, nakoso bannwu bɛ, yiti besa bɛhɔle Yerusalem.

1 Ahemvo 13:18

Yeɛ ngɔmhyɛlɛniɛ aworowaa ne sele ye kyɛ, “Me koso nde ngɔmhyɛlɛniɛ kyɛ wɔ ala. Na abɔfo nate AWURADE dwirɛ so wahã wahyire me kyɛ, ‘Kɔhã kyire ye maa osa ye si ɔbra w’awuro wa oodidi na ɔno nzue.’ ” Nakoso né ngɔmhyɛlɛniɛ aworowaa ne ɔlakalaka ye.

Edwein 101:7

Nnakannakaniɛ biala de, ɔngɔtena m’awuro berɛ; yeɛ ngondomboniɛ biala koso, ongogyina me nyunu.

Edwein 116:11

Nne ahunundetelɛ ngane kyɛ, “Kuro sona biala te ngondomboniɛ.”

Ɛksadɔso 20:15

“Nnɛwua.

Ɛksadɔso 20:16

“Nnɛdi adanzewia tia ebiɛngo.

Ɛksadɔso 20:17

“Nnɛma wɔ nye yɛ eliɛngo awuro nwo koakoa. Nnɛma wɔ nye yɛ eliɛngo aye nwo koakoa, anaa ye akoaa, ye afaneɛ, ye nandwie, ye afunum, anaa nikyee biala bɔ eliɛngo deɛ ahɔ ɔ.”

Ɛksadɔso 22:1

“Sɛ ebie wua nandwie anaa boaen, ná oku ye, anaa ɔyɛ ye atɔen a, ɔsɛ kyɛ ɔfa nandwie nnu tua nandwie ko ne kerɛ, ná ɔfa mmoaen nna tua boaen ko ne kerɛ. Ɔsɛ kyɛ awueniɛ ne tua mbata, nakoso sɛ wangora ye tua a, ye de ɔsɛ kyɛ bɛyɛ ye atɔen betua kerɛ.

Ɛksadɔso 22:7

“Sɛ ebie fa ye sikaa anaa nningyein ma obiɛngo sie, ná bewua ye wɔ sɔ sona ne awuro a, sɛ bɛkye awueniɛ ne a, ɔsɛ kyɛ awueniɛ ne tua ye mmɔhoɛ nyɔ.

Ɛksadɔso 23:1

“Nnɛbɔ edwirɛ bɔ ɔtte nahorɛ nwo dawure. Nnɛfa wɔ nwo bɔ amumuyɛɛniɛ ná edi adanzewia.

Anyandera 24:28

Nnɛdi adanzewia tia ebiɛngo, yeɛ nnɛfa wɔ noa kekã nnakannaka dwirɛ.

Yeremia 6:13

Ofikyɛ ofi bɛ nu kwahweabaa mɔ so bɔ ɔkwaadwu bɛ nu titire paa mɔ so ɔ, apoobɔlɛ ali ebiala ti; ofi ngɔmhyɛlɛniɛ so bɔ ɔkwaadwu ɔsɔfo so po, ebiala nga nahorɛ.

Lewitikɔso 19:10

Wɔ bobe boo koso, nnɛporo so mmaa ne amukoraa, yeɛ bɔ waporo wagua ye bo ne koso, nnɛsesa. Yakyi ye berɛ ma ehiafoɛ ne ɛwɔfoɛ mɔ. Me ole AWURADE ɛmɔ Nyameɛ.

Romanfoɛ 3:4

Dabida! Ɔwɔ nu kyɛ kuro sona biala te ngondomboniɛ de, nakoso Nyameɛ de ɔtte sɔ, odi nahorɛ, kyɛbɔ bahyerɛ kyɛ, “Kyɛbɔ bekonwu kyɛ wɔ noa dwirɛ te nahorɛ, na sɛ bebua wɔ ndɛen a, ali be ɔ.”

Ɛfesofoɛ 4:25

Yiti ɛ́mɔyakyi ngondombopɛlɛ, ná ebiala li nahorɛ ohyire obiɛngo; ofikyɛ yɛte yɛ nwo yɛ nwo akwaa.

Ɛfesofoɛ 4:28

Nnɛma awueniɛ wua ko, na mmom ɔsɛ kyɛ ɔbɔ mmɔden ɔfa ye sa yɔ adwuma bɔ ɔfata ɔ; amaa wanya bie wafa waboka sona bɔ wahia ye ɔ.

Deuteronomi 5:19

“ ‘Nnɛwua.

Kolosefoɛ 3:9

Nnɛma ɛmɔpepɛ ngondombo bekyirekyire ɛmɔ nwo, ofikyɛ ɛmɔagyi ɛmɔ suban daa ne, ɔne ye yɔleɛ tɛɛ ne bagua,

1 Timoteo 1:10

adwamanbɔlɛfoɛ, mmienzua bɔ bɛne mmienzua bɛda ɔ, bɛ bɔ bɛtɔne mmenia, ngondombofoɛ, ndaentolɛfoɛ, yeɛ nikyee biala bɔ ɔboka so bɔ otia ngyerɛkyerɛ paa ɔ;

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”