Lewitikɔso 19:10 - AHYERƐLƐ KRONGRON

¹⁰ Wɔ bobe boo koso, nnɛporo so mmaa ne amukoraa, yeɛ bɔ waporo wagua ye bo ne koso, nnɛsesa. Yakyi ye berɛ ma ehiafoɛ ne ɛwɔfoɛ mɔ. Me ole AWURADE ɛmɔ Nyameɛ.

Lewitikɔso 19:10 Iomraidhean Croise

Yesaya 17:6

Nakoso ɛte bobe a ebie ka nu, kyɛbɔ bɛwoso olive bakaa a ebie ka so ne, mmaa nyɔ anaa nza ka bakaa mmaen frɔmfrɔm ne aso anwuro, bɔ nna anaa nnu ka ye mmaen bɔ wasu dɔsɔɔ ne aso ɔ, AWURADE Yisrael Nyameɛ noa dwirɛ ɛne.

Yesaya 24:13

Sɔ ala yeɛ okosi aseɛ so wɔ maen maen mɔ nu ɔ. Ɔkɔyɛ kyɛ olive bakaa bɔ baporo ye mma bagua ɔ, anaakyɛ bobe bɔ bate ye mma maa waha ye si kãa bie ɔ.

Yeremia 49:9

Sɛ bobetelɛfoɛ bɛba wɔ berɛ a, aso bɛngɔyakyi bobe mmaa ne kãa wɔ so? Sɛ awuefoɛ bɛba kɔngɔen a, aso nna bɔ bekuro ɔ yeɛ bekowua ɔ?

Lewitikɔso 11:44

Ofikyɛ me ole AWURADE ɛmɔ Nyameɛ; yiti ɛ́mɔte ɛmɔ anwo, ná ɛ́mɔyɛ krongron ofikyɛ nde krongron. Nnɛma ɛmɔfa kaka biala bɔ ɔtwe ye nwo ase begua ɛmɔ nwo fiɛ.

Lewitikɔso 19:11

“Nnɛma ɛmɔwua, yeɛ nnɛma ɛmɔlakalaka bɛ biɛngo; nnɛma ɛmɔpepɛ anoanu bekyirekyire bɛ nwo.

Lewitikɔso 19:25

Nakoso ye afoɛ nnu ne aso de, ɛ́mɔli bɛ mma bɔ bekosu ne bie, amaa ɔnate so basu pee bama ɛmɔ: Me ole AWURADE ɛmɔ Nyameɛ.

Lewitikɔso 19:9

“Sɛ ɛmɔfa ɛmɔ fieso aleɛ a, nnɛma ɛmɔbu maa okodwu eboo ne noa, yeɛ nnɛsesa ye bo nwɔngyerɛmma ne.

Lewitikɔso 23:22

“Sɛ ɛmɔfa ɛmɔ fieso aleɛ a, nnɛbu maa okodwu fie ne noa, yeɛ nnɛsesa ye bo nwɔngyerɛmma ne; yakyi ɛhene mɔ ma ehiafoɛ ne ɛwɔfoɛ mɔ: Me ole AWURADE ɛmɔ Nyameɛ.”

Lewitikɔso 25:6

Aleɛ bɔ okosu wɔ aseɛ ne aso wɔ ye afofi afoɛ ne anu ne, ɔkɔyɛ ɛmɔ aleɛ: ɛne wɔ ngoaa ne w’afaneɛ mɔ, w’apaafoɛ ɔne ɛwɔfoɛ bɔ baatena wɔ berɛ ɔ;

Obadia 1:5

Sɛ awuefoɛ bɛba wɔ so, sɛ awerɔm awuefoɛ bɛba wɔ so kɔngɔen a, (nea kyɛbɔ basi bayɛ wɔ pasaa ɔ!) aso bengowua alaa bɔ bɛ kunu kuro ɔ? Sɛ bobe telɛfoɛ nemɔ bɛba wɔ bobe boo nu a, aso ahaa bɛngɔyakyi bobe si ne bie wɔ so?

Mika 7:1

Edwirɛ ato me oo! Ofikyɛ mayɛ kyɛ ebie bɔ bate borɔdoma bayie, bɔ bate bobe si ne bayie, bɔ bennya ye mma biribiraa ne bie benni ɔ. Borɔdoma mma bɔ wali moa wasu, bɔ me komvi wɔ so ne, ebie nne berɛ.

Deuteronomi 24:19

“Sɛ ebu wɔ boo nu aburoo, ná wɔ wora fi aburoo bɔ akyekye ye tire tire ne bie wɔ fie ne aso a, nnesa kɔfa. Yakyi ye berɛ ma ɛwɔfoɛ, ayisiaa ne kunafoɛ, na ɔnate so AWURADE wɔ Nyameɛ koyira wɔ wɔ wɔ sa noa adwuma mukoraati nu.

Deuteronomi 24:20

Sɛ ɛte wɔ olive mmaa a, nnesa kɔtweetwee bɔ waha so ne. Yakyi ye so ma ɛwɔfoɛ, ayisiaa ne kunafoɛ.

Deuteronomi 24:21

Sɛ ɛte wɔ bobe boo nu mmaa a, nnesa kɔtete ngoko ngoko bɔ waha so ne. Yakyi ye so ma ɛwɔfoɛ, ayisiaa ne kunafoɛ.

Maenbulɛfoɛ 8:2

Yiti Gideon buale bɛ kyɛ, “Nikyee titire beni yeɛ mayɔ bɔ odwu bɔ ɛmɔayɔ ye ɔ? Aso Efraim bobe bɔ wate maa waha ye si ne, ɔnzone ɔndera Abiesa bobe abiribira?

Rutu 2:2

Ɛlɛho bie, Moaboniɛ Rutu sele Naomi kyɛ, “Maa ngɔ ebie bɔ okonwu me anwumvoin ɔ ye fieso, ná nni ye si mbena ayuo bɔ bate basesa maa waha berɛ ne bie.” Na obuale ye kyɛ, “Mma, atee la ase.”