Lewitikɔso 18:4 - AHYERƐLƐ KRONGRON

⁴ Ɛ́mɔli me nhyehyɛleɛ ne m’ahyɛdeɛ so, ná ɛ́mɔfa bɛ́bɔ bɛ bra: Me ole AWURADE ɛmɔ Nyameɛ.

Lewitikɔso 18:4 Iomraidhean Croise

Edwein 105:45

amaa ɔnate so Yisraelfoɛ bali ye ahyɛdeɛ so, ná bali ye mmeraa so. Ɛ́mɔye AWURADE ayɛ!

Edwein 119:4

Afa wɔ nhyehyɛleɛ ayɛ ahyɛdeɛ, kyɛ yɛli so nahorɛ nu.

Hesekiel 20:19

Me ole AWURADE ɛmɔ Nyameɛ ne; ɛ́mɔli m’ahyɛdeɛ so, ná ɛmɔli me mmeraa so nahorɛ nu;

Hesekiel 36:27

Ngɔfa me sunzum ngowura ɛmɔ nu, ngɔmaa ɛmɔkoli m’ahyɛdeɛ so, na ɛmɔkɔnea kyɛ ɛmɔkoli me nhyehyɛleɛ so ɔ.

Hesekiel 37:24

“Me somvoɛ Dawide koli bɛ so hene. Mmoaenneafoɛ komapɛ yeɛ ɔkɔnea bɛ mukoraa bɛ so ɔ. Bɛkɔfa me nhyehyɛleɛ bɛkɔbɔ bɛ bra, na bɛkɔnea kyɛ bekoli m’ahyɛdeɛ so ɔ.

Lewitikɔso 18:2

“Ka kyire Yisraelfoɛ kyɛ, ‘Me ole AWURADE ɛmɔ Nyameɛ.

Lewitikɔso 18:26

Nakoso ɛmɔ de, ɛ́mɔli m’ahyɛdeɛ ne me nhyehyɛleɛ so, na nnɛma ɛmɔyɔ sɔ akyiwadeɛ nemɔ anu biala, kuromani oo, anaa ɛwɔfoɛ bɔ waatena ɛmɔ nu oo.

Lewitikɔso 18:5

Yiti ɛ́mɔli m’ahyɛdeɛ ne me nhyehyɛleɛ so, na sona bɔ okoli so ne, okonya ngoa: Me ole AWURADE.

Lewitikɔso 19:19

“Ɛ́mɔli m’ahyɛdeɛ so. Wɔ nyɛmmoa mɔ, sɛ bɛte ahoroɔ ahoroɔ a, nnɛmaa bedi mvrafra bɛfo bɛ nwo; nnɛdua mmakaammaa ahoroɔ nyɔ wɔ wɔ fieso, yeɛ nnɛwura ataadeɛ bɔ bafa ɛtena ahoroɔ nyɔ batoto ye nzaasaa ɔ.

Lewitikɔso 19:37

Ɛ́mɔli m’ahyɛdeɛ amukoraa ne me nhyehyɛleɛ amukoraa so, ná ɛ́mɔfa bɛ́bɔ bɛ bra: Me ole AWURADE.

Lewitikɔso 20:22

“Ɛ́mɔli m’ahyɛdeɛ amukoraa ne me nhyehyɛleɛ amukoraa so, ná ɛ́mɔfa bɛ́bɔ bɛ bra, ná mamma aseɛ bɔ méfa ɛmɔ mékɔ so ne wambo ɛmɔ.

Luka 1:6

Né bɛ munyɔ bɛtengyɛ wɔ Nyameɛ nyunu, na belili Awurade mmeraa dwirɛ ne ye ahyɛdeɛ so pɛpɛɛpɛ.

Yohane 15:14

Sɛ ɛmɔdi m’ahyɛdeɛ so a, ye de ɛmɔte me damvo mɔ.

Deuteronomi 6:1

“Afei mmeraa dwirɛ, ahyɛdeɛ ne nhyehyɛleɛ bɔ AWURADE ɛmɔ Nyameɛ hyɛle me kyɛ ngyirekyire ɛmɔ ma ɛmɔli so wɔ aseɛ bɔ ɛmɔkwaapɛ asue Yɔɔdan bɛkɔɔfa ne ɛhe;