Lewitikɔso 18:30 - AHYERƐLƐ KRONGRON

³⁰ Ɛ́mɔli m’ahyɛdeɛ so, na mmenia bɔ né bɛte aseɛ ne aso daa ne, akyiwadeɛ bɔ bɛyɔle ne, nnɛma ɛmɔyɔ bie, ná ɔnate so ɛmɔangua ɛmɔ nwo fiɛ: Me ole AWURADE ɛmɔ Nyameɛ.”

Lewitikɔso 18:30 Iomraidhean Croise

1 Ahemvo 14:24

Né asɔneyɛɛ so gyanderafoɛ mmienzua koso wɔ maen ne anu. Maen maen mɔ bɔ AWURADE foane bɛ fili Yisraelfoɛ nyunu ne, b’amumuyɛɛ ne amukoraa, Yudafoɛ yɔle bie.

1 Ahemvo 21:26

Olili mmosoen si yɔle akyiwadeɛ, kyɛ Amorifoɛ bɔ AWURADE foane bɛ fili Yisraelfoɛ nyunu nemɔ ala.)

Ɛsra 9:1

Yɛyɔle ɛhemɔ amukoraa yɛyiele nen, Yisrael mbanyi wale me berɛ beesele kyɛ, “Yisraelfoɛ, bɔ asɔfo ne Lewifoɛ mɔ boka so ɔ, bande bɛ nwo bamvi mmenia bɔ bɛwɔ aseɛ nemɔ aso bɔ bɛ yɔleɛ te akyiwadeɛ ne anwo. Sɔ mmenia nemɔ ole: Kanaanfoɛ, Hitifoɛ, Perisifoɛ, Yebusifoɛ, Amonfoɛ, Moabofoɛ, Misraimfoɛ ne Amorifoɛ.

Lewitikɔso 18:29

Ofikyɛ ebiala bɔ ɔkɔyɔ akyiwadeɛ hemɔ anu biala ne, odi kyɛ bɛpɛ ye asue befi maen ne anu.

Lewitikɔso 19:1

AWURADE sele Mose kyɛ,

Lewitikɔso 20:23

Maen maen bɔ mefoa bɛ mefi ɛmɔ nyunu ne, bɛ yɔleɛ nemɔ, nnɛma ɛmɔyɔ bie. Ɔnate kyɛ bɛyɔle sɔ nningyein nemɔ ati, mvɛle bɛ so yaa paa.

Lewitikɔso 22:9

Asɔfo nemɔ beli m’ahyɛdeɛ so, amaa bangua me nekaa krongron ne anwo fiɛ, ná banni fɔ ná banwuwu: Me ole AWURADE bɔ mete bɛ nwo ɔ.

Deuteronomi 11:1

“Yiti ɔsɛ kyɛ ekuro AWURADE wɔ Nyameɛ dwirɛ, ná edi ye dwirɛ, ye ahyɛdeɛ, ye nhyehyɛleɛ ne ye mmeraa dwirɛ so mmerɛ biala.

Deuteronomi 12:30

nea wɔ nwo yé ná sɛ AWURADE sɛkye bɛ fi wɔ nyunu yie a, amma nikyee fee wandwetwe wɔ ma angɔanni bɛ si, ná ammisa bɛ mmosoen nemɔ nwo dwirɛ kyɛ, ‘Atee beni yeɛ maen hemɔ bɛfa so bɛso bɛ nyameɛ mɔ ɔ? Me koso mepena kyɛ meyɔ sɔ bie.’

Deuteronomi 12:31

Nnɛfa sɔ atee ne aso sɔne AWURADE wɔ Nyameɛ, ofikyɛ musue nningyein mukoraati bɔ ɔte AWURADE akyiwadeɛ ne yeɛ bayɔ bama bɛ nyameɛ nemɔ ɔ. Bɛyera bɛ mma mmienzua ne mmrasua po wɔ see nu bɛfa bɛbɔ afɔleɛ bɛma bɛ nyameɛ nemɔ.

Maenbulɛfoɛ 20:6

Yeɛ mvale me sómaa ne fuin mbepɛle nu ahuronzi ahuronzi maa bɛfa bɛhɔle Yisrael aseɛ so nekaa biala; ofikyɛ Gibeafoɛ babɔ musue ne nyanzoen bra wɔ Yisrael.