Lewitikɔso 18:29 - AHYERƐLƐ KRONGRON

²⁹ Ofikyɛ ebiala bɔ ɔkɔyɔ akyiwadeɛ hemɔ anu biala ne, odi kyɛ bɛpɛ ye asue befi maen ne anu.

Lewitikɔso 18:29 Iomraidhean Croise

Ɛksadɔso 12:15

“Ɛmɔkoli paanoo kabrɛdi ɛlɛsoo. Kyẽa bɔ oli moa ne, ɔsɛ kyɛ ɛmɔye mɔle harewaa biala befi ɛmɔ awuro mɔ nu, ofikyɛ ofi kyẽa bɔ oli moa ne alaa bɔ ɔkwaadwu kyẽa bɔ ɔtɔ so nzoo nen, sona biala bɔ okoli mɔle harewaa ne, bɛkɔpɛ ye asue bekofi Yisraelfoɛ nu.

Ɛksadɔso 30:33

Ebiala bɔ ɔkɔfrafra nningyein kɔyɔ bie, anaakyɛ ɔkɔfa kogua sona bɔ ɔtte sɔfo nwo nen, bɛkɔpɛ ye asue bekofi ye maen nu.’ ”

Lewitikɔso 17:10

“Sɛ ebiala bɔ ofi Yisrael awuro anaakyɛ ɛwɔfoɛ mɔ bɔ baatena bɛ nu, odi mogya biala a, ngotu me nye ngosie sɔ sona ne aso, na ngɔpɛ ye asue ngofi maen ne anu.

Lewitikɔso 18:28

Sɛ ɛmɔfa efiɛ bɛka aseɛ ne a, AWURADE kɔma aseɛ ne kɔpo ɛmɔ, kyɛbɔ ɔmane aseɛ ne pole maen bɔ né bɛte so daa ne.

Lewitikɔso 18:30

Ɛ́mɔli m’ahyɛdeɛ so, na mmenia bɔ né bɛte aseɛ ne aso daa ne, akyiwadeɛ bɔ bɛyɔle ne, nnɛma ɛmɔyɔ bie, ná ɔnate so ɛmɔangua ɛmɔ nwo fiɛ: Me ole AWURADE ɛmɔ Nyameɛ.”

Lewitikɔso 20:6

“Na ebiala bɔ ɔkɔhɔ nzamangɔmhyɛlɛfoɛ ne ahɔmeɛ so, ná okoli bɛ si ne, ngotu me nye ngosie sɔ sona ne aso, na ngɔpɛ ye asue ngofi ye maen nu.

Lewitikɔso 7:20

nakoso ebiala bɔ ye nwo nde ná okoli AWURADE asomdwee afɔleɛ naen ne bie nen, sɔ sona ne, odi kyɛ bɛpɛ ye asue befi maen ne anu.

Lewitikɔso 7:21

Na sɛ ebiala nwo ka nikyee bɔ ye nwo nde: sɛ nikyee fiɛ bɔ ofi sona nu oo, anaa kaka bɔ ye nwo nde oo, anaa abɔdeɛ biala bɔ ye nwo nde oo, na sɛ odi AWURADE asomdwee afɔleɛ naen ne bie a, odi kyɛ bɛpɛ sɔ sona ne asue befi maen ne anu.”

Malaki 2:12

Na bienzua biala bɔ ɔyɔ sɔ, kyɛ okyirekyire oo, anaa osua oo, AWURADE konua ye boso ama mukoraa bɛ bo kofi Yakob ɛtena sua nu, bɔ ebiala ngɔha bɔ ɔkɔfa afɔleɛ kɔbrɛ Asafo AWURADE ɔ.