Lewitikɔso 18:25 - AHYERƐLƐ KRONGRON

²⁵ Efiɛ hane aseɛ ne, maa yiti nduale ye amumuyɛɛ so kerɛ, na mmane aseɛ ne pole so mmenia.

Lewitikɔso 18:25 Iomraidhean Croise

1 Ahemvo 21:26

Olili mmosoen si yɔle akyiwadeɛ, kyɛ Amorifoɛ bɔ AWURADE foane bɛ fili Yisraelfoɛ nyunu nemɔ ala.)

Ɛsra 9:11

bɔ ɛnate wɔ somvoɛ mɔ so ɛhyɛle kyɛ, ‘Aseɛ bɔ ɛmɔkwaafa bɛtena so ne, ɔte aseɛ bɔ so ama nemɔ bafa bɛ bra fiɛ ne b’akyiwadeɛ yɔleɛ bahã ye ɔ. Bafa bɛ yɔleɛ fiɛ bayi ye tɛkyɛ fi ye ti kɔka ye ti.

Edwein 106:38

Bɛhane mogya bɔ onni fɔ ɔ beguale, bɔ ɔte bɛ mma mmienzua ne mmrasua bɛ mogya, bɔ bɛfa bɛbɔle afɔleɛ bɛmane Kanaan mmosoen mɔ ɔ; na mogya ne mane efiɛ hane aseɛ ne.

Edwein 89:32

ye de ngɔfa mbire ngɔhwe bɛ so wɔ bɛ mmeraatolɛ nwo, ná mafa bakaa mahwe bɛ so wɔ b’amumuyɛɛ nwo.

Yesaya 24:5

Efiɛ ahã aseɛ ye, so ama bɛ yɔleɛ ti, ofikyɛ bato mmeraa ne, batu ahyɛdeɛ ne bagua, yeɛ babu apam afebɔɔ ne aso.

Yesaya 26:21

Ofikyɛ AWURADE fi ye atenaleɛ berɛ ɔ́ba, kyɛ aseɛ so ama b’amumuyɛɛ ti ɔbaahwe bɛ so. Aseɛ kɔma mogya bɔ bahã bagua so ɔ nwo kɔla ali, na ɔngɔfa bɛ bɔ bahu bɛ wɔ so ne ngɔfea ko.

Yeremia 14:10

Bɔ AWURADE kã kyire sɔ maen ye ɛhe, “Ɔyɛ bɛ fɛ kyɛ bekyinikyini ɔ, bɛnhyɛ bɛ nwo so wɔ bɛ hyininɛ nu. Yiti AWURADE nne bɛ ndo nu, afei ɔkɔkaye b’amumuyɛɛ, ná wahwe bɛ so wɔ bɛ bɔne nwo.”

Yeremia 16:18

Na ngoli moa ngotua bɛ b’amumuyɛɛ ne bɛ bɔne so kerɛ mmɔhoɛ nyɔ, ofikyɛ bagua m’aseɛ nwo fiɛ, na bafa bɛ nningyein fiɛ ne b’akyiwadeɛ mɔ fuin bayi m’agyapadeɛ ne aso to.”

Yeremia 2:7

Mvale ɛmɔ mmale aseɛ bɔ ɔkye aleɛ ɔ so, kyɛ ɛmɔli so aleɛ ne so nningyein paa nemɔ. Nakoso ɛmɔdwuli m’aseɛ ne aso ne, ɛmɔfale efiɛ bɛhane ye, ná ɛmɔmane m’agyapadeɛ yɛle akyiwadeɛ.

Yeremia 23:2

Yiti bɔ AWURADE Yisrael Nyameɛ kã fa me maen so neafoɛ nemɔ nwo ɛhe, “Ɛmɔabɔ me mmoaen kure ne basande, ɛmɔafoa bɛ maa bahɔ, na ɛmɔannea bɛ so. Yiti ngotu me nye ngosie ɛmɔ so, ɔnate ɛmɔ bɔne yɔleɛ ne ati, AWURADE noa dwirɛ ɛne.

Yeremia 5:29

Aso onni kyɛ metwe bɛ so wɔ sɔ nningyein hemɔ nwo anaa? AWURADE noa dwirɛ ɛne. Na maen bɔ ɔte sɔaa, onni kyɛ metɔ bɛ so wereɛ anaa?”

Yeremia 5:9

Aso onni kyɛ metwe bɛ so wɔ sɔ nningyein hemɔ nwo anaa? AWURADE noa dwirɛ ɛne. Na maen bɔ ɔte sɔa, onni kyɛ metɔ bɛ so wereɛ anaa?

Yeremia 9:9

Aso onni kyɛ metwe bɛ so wɔ sɔ nningyein hemɔ nwo anaa? AWURADE noa dwirɛ ɛne. Na maen bɔ ɔte sɔaa, onni kyɛ me kra tɔ bɛ so wereɛ anaa?

Hosea 2:13

Ngyẽa bɔ ɔfa sɔnene Baal mɔ ne, ngɔhwe ye so wɔ ye nwo, mmerɛ bɔ ɔyerale ɛyɛɛ mane bɛ, bɔ ɔfale ye asomade ne ye mbembenanneɛ mɔ siesiele ye nwo, oolili ye kurofoɛ nemɔ asi mane ye wora fili me ne, AWURADE noa dwirɛ ɛne.

Hosea 8:13

M’ayɛyelɛ afɔleɛ ne, bɛfa naen bɛbɔ, bedi, nakoso AWURADE onne bɛ ndo nu. Afei ɔkɔkaye b’amumuyɛɛ, ɔkɔhwe bɛ so wɔ bɛ bɔne nwo, na bekosa bɛkɔhɔ Misraim.

Hosea 9:9

Bɛ bɔbɔ bagua bɛ nwo fiɛ paa, kyɛ Gibea mmerɛ ne anu ala; yiti ɔkɔkaye b’amumuyɛɛ, na ɔkɔhwe bɛ so bɛ bɔne nwo.

Lewitikɔso 18:26

Nakoso ɛmɔ de, ɛ́mɔli m’ahyɛdeɛ ne me nhyehyɛleɛ so, na nnɛma ɛmɔyɔ sɔ akyiwadeɛ nemɔ anu biala, kuromani oo, anaa ɛwɔfoɛ bɔ waatena ɛmɔ nu oo.

Lewitikɔso 18:28

Sɛ ɛmɔfa efiɛ bɛka aseɛ ne a, AWURADE kɔma aseɛ ne kɔpo ɛmɔ, kyɛbɔ ɔmane aseɛ ne pole maen bɔ né bɛte so daa ne.

Romanfoɛ 8:22

Yɛse kyɛ ɔbaadwu ɛnɛ ye, abɔdeɛ amukoraa ɔpene, na wafo aworɛ so bɔ onwu amaneɛ ɔ.

Deuteronomi 18:12

Ofikyɛ ebiala bɔ ɔyɔ sɔ nningyein nen, wayɛ ye nwo akyiwadeɛ wama AWURADE. Na ɔnate sɔ akyiwadeɛ yɔleɛ nemɔ ati yeɛ AWURADE wɔ Nyameɛ ɔ́foa bɛ fi wɔ nyunu ɔ.

Deuteronomi 21:23

nnɛyakyi ye fuin ne bakaa ne aso kɔngɔen ne amu. Sie ye sɔ kyẽa ne ala, ofikyɛ sona bɔ basinze ye bakaa so ne, Nyameɛ anoma ye. Yiti aseɛ bɔ AWURADE wɔ Nyameɛ ɔ́fa ma wɔ maa ɔyɛ w’agyapadeɛ ne, nnɛfa efiɛ ka ye.

Deuteronomi 9:5

Nna wɔ tengyɛlɛ anaa wɔ ti anu fufue ti yeɛ ɔmaa ɛkwaafa b’aseɛ ne ɔ, na mmom sɔ maen hemɔ b’amumuyɛɛ ti yeɛ AWURADE wɔ Nyameɛ ɔ́foa bɛ fi wɔ nyunu ɔ; amaa ɔnate so edwirɛ bɔ AWURADE tale ye nwo ndaen hyirele wɔ nana mɔ, Abraham, Yisake ne Yakob nen, wasi so agyinayɛɛ.