Lewitikɔso 18:24 - AHYERƐLƐ KRONGRON

²⁴ “Nnɛma ɛmɔyɔ ɛhemɔ anu biala begua ɛmɔ nwo fiɛ, ofikyɛ maen maen bɔ méfoa bɛ méfi ɛmɔ nyunu ne, ɔnate sɔ yɔleɛ hemɔ aso yeɛ beguale bɛ nwo fiɛ ɔ,

Lewitikɔso 18:24 Iomraidhean Croise

Gyenesise 15:16

Na sɛ odwu wɔ boso ama mɔ aworɛ ndoatoasoɛ bɔ ɔtɔ so nna ne aso a, bekosa bɛkɔwa wa; ofikyɛ Amorifoɛ amumuyɛɛ kwangoa ne onnya oyyili [bɔ ɔkɔmaa ngɔfoa bɛ ngofi aseɛ ne aso ɔ].

1 Ahemvo 9:7

ye de ngɔpɛ Yisraelfoɛ asue ngofi aseɛ bɔ mafa mama bɛ ne aso, na sua bɔ mate ye nwo mafa me dumaa mato so ne, ngɔye me nye ngofi so. Na Yisrael kɔkakyi maen amukoraa bɛ noa nu anyandera ne ngorohoɛ dwirɛ.

2 Aberɛso Dwirɛ 33:2

Ɔyɔle bɔ ɔte bɔne wɔ AWURADE nyunu ɔ. Maen maen mɔ bɔ AWURADE foane bɛ fili Yisraelfoɛ nyunu ne, akyiwadeɛ nningyein bɔ bɛyɔle ne, ye koso ɔyɔle bie.

Ɛsra 9:1

Yɛyɔle ɛhemɔ amukoraa yɛyiele nen, Yisrael mbanyi wale me berɛ beesele kyɛ, “Yisraelfoɛ, bɔ asɔfo ne Lewifoɛ mɔ boka so ɔ, bande bɛ nwo bamvi mmenia bɔ bɛwɔ aseɛ nemɔ aso bɔ bɛ yɔleɛ te akyiwadeɛ ne anwo. Sɔ mmenia nemɔ ole: Kanaanfoɛ, Hitifoɛ, Perisifoɛ, Yebusifoɛ, Amonfoɛ, Moabofoɛ, Misraimfoɛ ne Amorifoɛ.

Edwein 106:39

Yiti bɛ yɔleɛ mane bɛ nwo guale fiɛ, na bɛ yɔleɛ ne kakyili adwamanbɔlɛ.

Yeremia 44:4

Nakoso ndoale so nzomane me somvoɛ ngɔmhyɛlɛfoɛ amukoraa wɔ ɛmɔ berɛ kyɛ beese ɛmɔ kyɛ, ‘Ao, nnɛma ɛ́mɔyɔ musue nikye he bɔ mekyi ne!’

Hesekiel 36:17

“Sona awa, mmerɛ bɔ né Yisrael awuro ama bɛte b’aseɛ so ne, bɛfale bɛ suban ne bɛ yɔleɛ beguale aseɛ ne anwo fiɛ. Na me nye so de, bɛ bra ne yɛle kyɛ brasua bɔ wabu ye sa ɔ ye nwo bɔ ɔnde ɔ.

Lewitikɔso 18:3

Misraim aseɛ bɔ né ɛmɔte so ne, nnɛma ɛmɔyɔ bɛ yɔleɛ ne bie, yeɛ Kanaan aseɛ bɔ méfa ɛmɔ mékɔ so ne, bɛ yɔleɛ ne, nnɛma ɛmɔyɔ bie. Nnɛma ɛmɔdi b’ahyɛdeɛ so.

Lewitikɔso 18:30

Ɛ́mɔli m’ahyɛdeɛ so, na mmenia bɔ né bɛte aseɛ ne aso daa ne, akyiwadeɛ bɔ bɛyɔle ne, nnɛma ɛmɔyɔ bie, ná ɔnate so ɛmɔangua ɛmɔ nwo fiɛ: Me ole AWURADE ɛmɔ Nyameɛ.”

Numeri 35:34

Nnɛfa efiɛ ka aseɛ bɔ ɛte so, bɔ me koso nde so bie ne. Ofikyɛ me AWURADE, nde Yisraelfoɛ nu.”

1 Korintofoɛ 3:17

Yiti sɛ ebie sɛkye Nyameɛ asɔneyɛɛ sua a, Nyameɛ koso kɔsɛkye ye, ofikyɛ Nyameɛ asɔneyɛɛ sua te krongron, na ɛmɔ ole ye Asɔneyɛɛ sua ne.

Deuteronomi 12:31

Nnɛfa sɔ atee ne aso sɔne AWURADE wɔ Nyameɛ, ofikyɛ musue nningyein mukoraati bɔ ɔte AWURADE akyiwadeɛ ne yeɛ bayɔ bama bɛ nyameɛ nemɔ ɔ. Bɛyera bɛ mma mmienzua ne mmrasua po wɔ see nu bɛfa bɛbɔ afɔleɛ bɛma bɛ nyameɛ nemɔ.

Deuteronomi 18:12

Ofikyɛ ebiala bɔ ɔyɔ sɔ nningyein nen, wayɛ ye nwo akyiwadeɛ wama AWURADE. Na ɔnate sɔ akyiwadeɛ yɔleɛ nemɔ ati yeɛ AWURADE wɔ Nyameɛ ɔ́foa bɛ fi wɔ nyunu ɔ.

Deuteronomi 9:4

“Na sɛ AWURADE wɔ Nyameɛ foa bɛ fi wɔ nyunu a, ɔyɛ a nnɛkã kyɛ, ‘Ɛtengyɛlɛ bɔ metengyɛ ti yeɛ AWURADE afa me wawa ɛwa kyɛ mmamva aseɛ ye ɔ.’ Na mmom, ɔnate maen hemɔ b’amumuyɛɛ ti yeɛ AWURADE ɔ́foa bɛ fi wɔ nyunu ɔ.

Deuteronomi 9:5

Nna wɔ tengyɛlɛ anaa wɔ ti anu fufue ti yeɛ ɔmaa ɛkwaafa b’aseɛ ne ɔ, na mmom sɔ maen hemɔ b’amumuyɛɛ ti yeɛ AWURADE wɔ Nyameɛ ɔ́foa bɛ fi wɔ nyunu ɔ; amaa ɔnate so edwirɛ bɔ AWURADE tale ye nwo ndaen hyirele wɔ nana mɔ, Abraham, Yisake ne Yakob nen, wasi so agyinayɛɛ.

Maenbulɛfoɛ 20:10

Yisrael abusua kure amukoraa, yɛkɔye mmenia ɛyaa ko biala nu buru; mmenia apee ko biala nu ɛyaa ko, yeɛ mmenia apee buru biala nu apee ko. Sɔ mmenia ne yeɛ bɛkɔfa aleɛ bɛkɔbrɛ koɛhonɛfoɛ bɔ bɛkwaatɔ Benyaminfoɛ kuro Gibea so wereɛ ne ɔ, ɔnate nyanzoen bra amukoraa bɔ Gibeafoɛ babɔ ye wɔ Yisrael ne ati.”

Maenbulɛfoɛ 20:5

Gibea mbanyi wale me so, na bɛpɛle awuro ne anwo beyiale kɔngɔen ne. Ahaa bɛpena me beku me, na bɛtole me sómaa ne mmɔnaa toonn maa owuli ɔ.

Maenbulɛfoɛ 20:6

Yeɛ mvale me sómaa ne fuin mbepɛle nu ahuronzi ahuronzi maa bɛfa bɛhɔle Yisrael aseɛ so nekaa biala; ofikyɛ Gibeafoɛ babɔ musue ne nyanzoen bra wɔ Yisrael.