Lewitikɔso 18:21 - AHYERƐLƐ KRONGRON

²¹ Nnɛfa wɔ mma mɔ nu biala maa bɛfa see bɛyera ye bɛbɔ afɔleɛ bɛma bosoen Moleke, amaa ɔnate so angua wɔ Nyameɛ dumaa nwo fiɛ. Me ole AWURADE.

Lewitikɔso 18:21 Iomraidhean Croise

1 Ahemvo 11:33

Ofikyɛ Solomon apo me waasɔne Sidonfoɛ bosoen brasua Asetate ɔne Moabofoɛ bosoen Kemose, yeɛ Amonfoɛ bosoen Milkom, na wanni me dwirɛ so. Wanyɔ bɔ ɔtengyɛ wɔ me nye so ɔ, yeɛ wanni m’ahyɛdeɛ ne me nhyehyɛleɛ so kyɛbɔ ye baba Dawide de olili so ne.

1 Ahemvo 11:7

Afei Solomon sili asɔneyɛɛ mane Moabofoɛ bosoen Kemose bɔ ɔte akyiwadeɛ ne, ɔne Amonfoɛ bosoen Moleke bɔ ɔte akyiwadeɛ ne wɔ bokaa bɔ ɔwɔ Yerusalem eyia afiteleɛ ne aso.

2 Ahemvo 16:3

Mmom ɔyɔle bɔ Yisrael ahemvo mɔ bɛyɔle ne bie. Maen maen bɔ AWURADE foane bɛ fili Yisraelfoɛ nyunu ne, musue nningyein bɔ né bɛyɔ ne, ye koso ɔyɔle bie. Ɔfale ɔwa bienzua po bɔle afɔleɛ wɔ see nu kyɛbɔ né maen maen nemɔ bɛyɔ ne ala.

2 Ahemvo 17:31

Awifoɛ yɔle bɛ deɛ mɔ bɔ bɛfrɛ bɛ Nibase ne Tatake. Sefawimfoɛ yerale bɛ mma mɔ wɔ see nu bɛbɔle afɔleɛ bɛmane Sefawim nyameɛ mɔ bɔ bɛfrɛ bɛ Adramelɛke ne Anamelɛke.

2 Ahemvo 21:6

Ɔfale ɔwa bienzua bɔle afɔleɛ wɔ see nu. Ɔhɔle abisa, ɔyele ngonyaa, na ɔfale ye nwo bɔle nzamangɔmhyɛlɛfoɛ ne abayifoɛ. Ɔyɔle bɔ ɔte bɔne pee wɔ AWURADE nyunu fa huli AWURADE ahone.

2 Ahemvo 23:10

Yosia fale efiɛ hane Tofete bɔ ɔwɔ Ben Hinom bɔnza ne anu ne, amaa ɔnate so ebiala wamva ɔwa bienzua anaa ɔwa brasua wammɔ afɔleɛ wɔ see nu wamma bosoen Moleke ko.

2 Aberɛso Dwirɛ 28:3

Ɔyerale ɛyɛɛ wɔ Hinom Awa bɔnza ne anu, na ɔfale ye mma mmienzua bɔle afɔleɛ wɔ see nu, kyɛbɔ maen maen mɔ bɔ AWURADE foane bɛ fili Yisraelfoɛ nyunu ne, bɛ musue nningyein bɔ né bɛyɔ ne, ɔte ne ala.

Yeremia 19:5

Basisi Baal asɔneyɛɛ mɔ koso, kyɛ bɛyera bɛ mma mɔ wɔ see nu bɛfa bɛbɔ naen yeralɛ afɔleɛ bɛma Baal. Ɛhe te nikyee bɔ nna me yeɛ nhyɛle bɛ kyɛ bɛyɔ ɔ, nngane, yeɛ ɔwwale m’adwene nu po.

Yeremia 32:35

Besisili Baal asɔneyɛɛ mɔ wɔ Hinom Awa bɔnza ne anu, kyɛ bɛfa bɛ mma mmienzua ne bɛ mma mmrasua bɛfa see nu (bɛbɔ afɔleɛ) bɛma Moleke, ɔwɔ nu kyɛ mamva ahyɛdeɛ mamma bɛ kyɛ bɛyɔ sɔ, yeɛ wamma me ti anu kyɛ bɛyɔ sɔ akyiwadeɛ ne bɛ́ma Yuda ɔyɔ bɔne.

Yeremia 7:31

Na basisi Tofete asɔneyɛɛ nemɔ bɔ ɔwɔ Hinom awa bɔnza ne anu ne, kyɛ bɛfa bɛyera bɛ mma mmienzua ne bɛ mma mmrasua wɔ see nu. Ɛhe te nikyee bɔ mamva ye nwo ahyɛdeɛ mamma bɛ ɔ, yeɛ wamma me ti anu po.

Hesekiel 20:26

na nguale bɛ nwo fiɛ wɔ b’ayɛyɛdeɛ nu, nyakyili bɛ maa bɛfale bɛ bamuɛbaa mɔ amukoraa bɛbɔle afɔleɛ wɔ see nu, amaa ɔnate so masɛkye bɛ pasapasa. Nyɔle sɔ, kyɛbɔ ɔkɔyɛ bɔ bekonwu kyɛ me ole AWURADE ɔ.

Hesekiel 20:31

Sɛ ɛmɔfa ɛmɔ ayɛyɛdeɛ ne bɛba, ná ɛmɔfa ɛmɔ mma mɔ bɛbɔ afɔleɛ wɔ see nu a, ɛhe kyire kyɛ ɛmɔkɔ so bɛfa ɛmɔ mmosoen begua ɛmɔ nwo fiɛ maa waadwu ɛnɛ. O Yisrael awuro ama, aso odi kyɛ mema ɛmɔba me berɛ abisa anaa? Kyɛ nde ase ye de, mengɔma ɛmɔngɔwa me berɛ abisa, AWURADE Nyameɛ noa dwirɛ ɛne.

Hesekiel 23:37

kyɛ basɛkye agyaa, bali awue, bafa bɛ mmosoen nemɔ basɛkye agyaa, na bɛ mma mmienzua bɔ bɛwole bɛ bɛmane me ne po, bafa bɛ babɔ afɔleɛ wɔ see nu maa bali.

Lewitikɔso 19:12

“Nnɛma ɛmɔfa me dumaa bɛta edwirɛ bɔ nahorɛ ɔnne nu ɔ nwo ndaen, ná angua wɔ Nyameɛ dumaa nwo fiɛ: Me ole AWURADE.

Lewitikɔso 21:6

Odi kyɛ bɛyɛ krongron bɛma bɛ Nyameɛ, na ɔnzɛ kyɛ begua bɛ Nyameɛ dumaa nwo fiɛ; ofikyɛ afɔleɛ bɔ bɛbɔ ye see so bɛma AWURADE, bɔ ɔte bɛ Nyameɛ aleɛ ne, bɛ yeɛ bɛbɔ ɔ; yiti odi kyɛ bɛyɛ krongron.

Lewitikɔso 22:2

“Ka kyire Aarɔn ne ye mma mmienzua nemɔ kyɛ, Yisraelfoɛ akyɛdeɛ krongron bɔ batu basie berɛ bama me ne, ɔsɛ kyɛ bɛnea ye yé, ná bangua me dumaa krongron ne anwo fiɛ: Me ole AWURADE.

Lewitikɔso 22:32

Nnɛma ɛmɔgua me dumaa krongron ne anwo fiɛ, amaa ɔnate so babu me krongron wɔ Yisraelfoɛ nu: Me ole AWURADE bɔ mete ɛmɔ nwo ɔ.

Lewitikɔso 24:15

Na ka kyire Yisraelfoɛ kyɛ, Ebiala bɔ ɔkɔnoma Nyameɛ ne, ye bɔne kɔbɔ ye bɔbɔ ye ti so.

Amose 2:7

Bɛ yeɛ betiatia ehiafoɛ ti so bɛkã bɛ ti bewura nnɛterɛ nu, ná besisi mmenia bɔ bɛyɛ anwumvo ɔ; ebie ne ɔse bɛ ne afaneɛ ko bɛda bɛfa begua me dumaa krongron ne anwo fiɛ.

Amose 5:26

Nakoso ɛmɔsoale ɛmɔ hene Sakute, ɔne ɛmɔ nzramaa amoen Kiyun bɔ ɛmɔayɔ bama ɛmɔ nwo ne.

Mika 6:7

Aso AWURADE nye kɔgye mmoaen nyii apee apee nwo, anaakyɛ ngoo asue apee buru apee buru nwo? Aso mva me bamuɛbaa ndua me mmeraatolɛ nwo kerɛ, anaakyɛ mva me bɔbɔ me kunu ba ndua me kra bɔne nwo kerɛ anaa?

Malaki 1:12

Nakoso ɛmɔ de, ɛmɔagua ye nwo fiɛ, bɔ ɛmɔnwa: AWURADE poen ne anwo agua efiɛ, ɛkora bu so nningyein ne so aleɛ po animtia.

Asomafoɛ 7:43

Na mmom ɛmɔsoale bosoen Moloke ɛtena sua ɔne ɛmɔ nyameɛ Refan nzramaa; bɛte ohoni mɔ bɔ ɛmɔyɔle kyɛ ɛmɔsɔne bɛ ɔ. Ɛhe ati ngɔpɛ ɛmɔ asue maa ɛmɔkɔhɔ Babilɔn asi dɔ.’

Romanfoɛ 1:23

Bɛfale Nyameɛ bɔ onwu ɔ n’animnyam bɛsesane honi mɔ bɔ bɛte kyɛ kuro sona bɔ owu ɔ, ɔne nnomaa ne ndɔteboa ne ngaka bɔ bɛtwe bɛ nwo ase ɔ.

Romanfoɛ 2:24

Ofikyɛ bahyerɛ kyɛ, “Ɔnate ɛmɔ Yudafoɛ ti, Amaenmaensofoɛ bedwudwo betia Nyameɛ.”

Deuteronomi 12:31

Nnɛfa sɔ atee ne aso sɔne AWURADE wɔ Nyameɛ, ofikyɛ musue nningyein mukoraati bɔ ɔte AWURADE akyiwadeɛ ne yeɛ bayɔ bama bɛ nyameɛ nemɔ ɔ. Bɛyera bɛ mma mmienzua ne mmrasua po wɔ see nu bɛfa bɛbɔ afɔleɛ bɛma bɛ nyameɛ nemɔ.

Deuteronomi 18:10

Ɔnzɛ kyɛ benwu ebiala wɔ wɔ nu bɔ ɔfa ɔwa bienzua anaa brasua ɔbɔ afɔleɛ wɔ see nu ɔ, anaa bɔ odi ahɔen, anaa ngonyaayelɛniɛ, anaa bayifoɛ, anaa musueyelɛniɛ,