Lewitikɔso 17:7 - AHYERƐLƐ KRONGRON

⁷ Ɔnate ɛhe aso bɛngɔhɔ so bɛngɔbɔ b’afɔleɛ mɔ bɛngɔma mmosoen mɔ bɔ besoma mbɔngye ne, mekyire mmosoen bɔ bafa bɛ nwo bawura bɛ sa ne. Ɛhe kɔyɛ ahyɛdeɛ afebɔɔ kɔma bɛ wɔ b’aworɛ ndoatoasoɛ mukoraati nu.’

Lewitikɔso 17:7 Iomraidhean Croise

2 Aberɛso Dwirɛ 11:15

Né Yeroboam bɔbɔ deinn wayeye ye asɔfo mɔ bɔ bɛsɔne wɔ asɔneyɛɛ nemɔ aso, ɔne bɔ bɛsɔne mbɔngye mmosoen ne nandwie mmaa mmosoen bɔ ye bɔbɔ Yeroboam wagyinagyina nemɔ ɔ.

Edwein 106:37

Bɛfale bɛ mma mmienzua ne mmrasua bɛbɔle afɔleɛ bɛmane sunzummɔne mɔ.

Edwein 106:39

Yiti bɛ yɔleɛ mane bɛ nwo guale fiɛ, na bɛ yɔleɛ ne kakyili adwamanbɔlɛ.

Ɛksadɔso 22:19

“Sona bɔ ɔne kaka kɔla nen, ɔsɛ kyɛ beku sɔ sona ne.

Ɛksadɔso 22:20

“Sona biala bɔ ɔkɔbɔ afɔleɛ kɔma bosoen, bɔ wammɔ wamma AWURADE ngome twe nen, ɔsɛ kyɛ beku ye korakorakorakora.

Ɛksadɔso 27:21

Ɛtena sua atenaleɛ berɛ, bɔ ɔwɔ mbɛmuɛ tena bɔ onwi Adanzeɛ ne nyunu ne, Aarɔn ne ye mma mmienzua mɔ yeɛ bɛkɔnea kyɛ kanea nemɔ asosɔ wɔ AWURADE nyunu ɔ, ofi nɔsoa bɔ ɔkwaadwu ngyerɛmɔ. Na sɔ ahyɛdeɛ ne kɔla berɛ daa kɔma Yisraelfoɛ wɔ b’aworɛ ndoatoasoɛ amukoraati nu.

Ɛksadɔso 32:8

Atee bɔ ngyirele bɛ ne, bakwati ye ndɛndɛ so. Bahuro nikyee bafa bayɔ nandwie ba, bakoto ye, yeɛ babɔ afɔleɛ bama ye, na baha kyɛ, O Yisrael, wɔ nyameɛ mɔ bɔ bɛyele wɔ befili Misraim aseɛ so bɛwale ne ɛhe!”

Ɛksadɔso 34:15

Nnɛne aseɛ ne aso ama yɛ apam, amaa sɛ bɛbɔ adwaman bekodi bɛ mmosoen nemɔ asi, ná bɛbɔ afɔleɛ bɛma bɛ mmosoen nemɔ, ná bɛ nu bie to ye sa frɛ wɔ a, angɔanni ye afɔleɛ ne bie.

Yeremia 3:1

Mebisa ɛmɔ kyɛ, “Sɛ bienzua bie yira ɔye, ná braa ne fi ye berɛ kɔ, ná sɛ biaa foforɛ gya ye a, aso biaa ne kosa koogya ye bieku? Aso sɔ aseɛ ne nwo ngogua fiɛ petee? Ayɛ gyanderaniɛ ɛne wɔ kurofoɛ pee babɔ adwaman, nakoso ɛpena kyɛ esa ba me berɛ? AWURADE noa dwirɛ ɛne.

Hesekiel 23:3

Bɛbɔle gyandera wɔ Misraim; bɛbɔle gyandera wɔ bɛ mmaayaa nu’. Berɛ yeɛ bɛmaa bemiamiane bɛ nyɔfone ná bɛsosɔle bɛ nyɔfone mbokua nu ɔ.

Hesekiel 23:8

Ye gyandera bra bɔ ɔbɔle fili mmerɛ bɔ né ɔwɔ Misraim ne, wanyakyi; ofikyɛ ofi ye mmaayaa nu yeɛ mmienzua ne ye bala basosɔ ye ababunu nyɔfone nu, ná bɛ ne ye babɔ adwaman ɔ.

Lewitikɔso 17:8

“Na sá ka kyire bɛ kyɛ, ‘Ebiala bɔ ofi Yisrael awuro anaakyɛ ɛwɔfoɛ biala bɔ waatena Yisraelfoɛ nu, sɛ ɔbɔ naen yeralɛ afɔleɛ, anaa ɔbɔ afɔleɛ biala,

Lewitikɔso 20:5

ye de me bɔbɔ ngotu me nye ngosie sɔ sona ne ɔne ye abusuafoɛ so, na ngɔpɛ bɛ asue ngofi bɛ maen nu; sɔ sona ne ɔne mmenia amukoraa bɔ bali ye si bɛ ne ye baaso Moleke ne.

Lewitikɔso 3:17

Na ɛhe kɔyɛ ahyɛdeɛ afebɔɔ kɔma ɛmɔ wɔ ɛmɔ aworɛ ndoatoasoɛ amukoraati nu, wɔ nekaa biala bɔ ɛmɔkɔtena ɔ, kyɛ nnɛma ɛmɔdi ɛloe anaa mogya.”

Yohane 12:31

Afei ewiase ndɛenbualɛ ne wadwu; bɔ odi wiase he aso ne, bekye yeɛ bɛbaaye ye befi berɛ ɔ.

Yohane 14:30

Me ne ɛmɔ yɛngodwudwo pee ko, ɔnate kyɛ bɔ odi wiase he aso ne, ɔ́ba, na olle tumi biala wɔ me so.

1 Korintofoɛ 10:20

Mekyire kyɛ aleɛ bɔ bosoensolɛfoɛ bɛfa bɛbɔ afɔleɛ ne, bɛfa bɛma sunzummɔne mɔ, na bɛmva bɛmma Nyameɛ; yiti menguro kyɛ ɛmɔ ne sunzummɔne mɔ kɔbɔ afɛ ɔ.

2 Korintofoɛ 4:4

Bɛ yeɛ ewiase wa nyameɛ ama bɛ bɔ benne benni ne, b’adwene ali naakye, amaa Kristo bɔ ole Nyameɛ sue n’animnyam nzɛmba kanea ne, wanda bɛ so.

Ɛfesofoɛ 2:2

bɔ daa ne, ɛmɔbɔle ɛmɔ bra kyɛbɔ wiase brabɔlɛ te ɔ, bɔ ɛmɔlili ewienu tumi panyi ne si, bɔ ɔte sunzum bɔ kekesaala ye odi dwumaa wɔ asoserɛfoɛ nu ne.

Deuteronomi 31:16

Na AWURADE sele Mose kyɛ, “Ɔngɔhyɛ biala, ɛkɔtoa wɔ mbanyi mɔ. Nakoso mmenia hemɔ de, Amaenmaensofoɛ nyameɛ mɔ bɔ bɛwɔ aseɛ bɔ bɛ́kɔ so ne aso ne, bɛkɔbɔ adwaman bekooli bɛ si. Bɛkɔpo me, yeɛ bekobu m’apam bɔ me ne bɛ yɛyɛle ne aso.

Deuteronomi 32:17

Bɛbɔle afɔleɛ bɛmane mmosoen, bɔ nna Nyameɛ ahɔ ɔ, nyameɛ foforɛ biemɔ bɔ bɛnze bɛ ɔ, ɔne nyameɛ foforɛ biemɔ bɔ anomasi wa ala yeɛ bɛwale ɔ, bɔ ɛmɔ nana mɔ anzuro bɛ ɔ.

Nyekyire 9:20

Nakoso adasa mmaa ngaa bɔ ɛhawo hemɔ wangukũ bɛ ne, banzakyera b’adwene bamvi bɛ sa noa nnwumaa nwo, banyakyi sunzummɔne mɔ sɔnenɛ, yeɛ banyakyi sikaa kɔkorɛ, ɛdwetɛ, kɔɔbere, nyɔboɛ ne bakaa amoen mɔ bɔ bɛngora bennwu nikye, anaa bɛnde dwirɛ, anaa bɛnnate ɔ sɔnenɛ;