Lewitikɔso 17:5 - AHYERƐLƐ KRONGRON

⁵ Ɛhe kɔma Yisraelfoɛ kɔfa b’afɔleɛ bɔ bɛbɔ ye wɔ ɛserɛ so ne bɛkɔbrɛ AWURADE. Odi kyɛ bɛfa bɛbrɛ ɔsɔfo ne maa ɔfa ma AWURADE wɔ ɛtena sua atenaleɛ anoa nu berɛ, ná ɔ́fa bɔ asomdwee afɔleɛ ma AWURADE.

Lewitikɔso 17:5 Iomraidhean Croise

Gyenesise 21:33

Abraham luale akyea wɔ Beɛ Hyeba, na ɔsɔnene AWURADE bɔ ɔte Ɛdangama Nyameɛ ne berɛ.

Gyenesise 22:13

Abraham mane ye nye so, na yieee, onwuni boaen nyii bie [wɔ ye si dɔ], bɔ ndire asosɔ ye mmɛen nu akyekye ye abɔ berɛ ɔ. Abraham hɔle ɔɔfale boaen nyii ne, na ɔfale boaen ne mmom sili ɔwa ne gya nu ɔbɔle naen yeralɛ afɔleɛ ne.

Gyenesise 22:2

Na Nyameɛ sele kyɛ, “Fa ɛwa ne, ɛwa komapɛ twe Yisake, bɔ ɔla w’ahone nwo ne, kɔ Moria aseɛ so, ná fa ye bɔ naen yeralɛ afɔleɛ wɔ berɛ, wɔ mmokaa nemɔ nu ko bɔ ngohyire wɔ ne aso.”

Gyenesise 31:54

Na Yakob bɔle afɔleɛ wɔ bokaa ne aso, na ɔfrɛle ye mmenia kyɛ beedidi; bedidili na bɛbɔle asiripɛ wɔ mmokaa aseɛ ne aso.

1 Ahemvo 14:23

Ofikyɛ besa besisili asɔneyɛɛ mɔ, bosoen bonima mɔ ne bosoen Asera dosii mɔ bɛmane bɛ nwo wɔ bokaa biala so, ɔne bakaa monɛ biala abo.

1 Ahemvo 3:2

Sɔ mmerɛ ne, né Yisraelfoɛ bɛbɔ afɔleɛ wɔ asɔneyɛɛ nemɔ aso, ofikyɛ né bennya bessili sua bɛffale AWURADE dumaa bɛttole so.

1 Ahemvo 3:3

Solomon hurole AWURADE dwirɛ, na olili ye baba Dawide ahyɛdeɛ so. Nakoso né ɔyɛ a, ɔbɔ afɔleɛ ná ɔyera ɛyɛɛ wɔ asɔneyɛɛ nemɔ aso.

2 Ahemvo 16:4

Ɔbɔle afɔleɛ ɔyerale ɛyɛɛ wɔ asɔneyɛɛ nemɔ aso, wɔ mmokaa nemɔ aso, ɔne bakaa monɛ biala bo.

2 Ahemvo 17:10

Besili mmosoen bonima mɔ ne Asera dosii mɔ wɔ mmokaa ndendenn so ɔne bakaa monɛ biala abo.

2 Aberɛso Dwirɛ 28:4

Ɔbobɔle afɔleɛ yerale ɛyɛɛ wɔ asɔneyɛɛ nemɔ aso, pambaa nemɔ aso, yeɛ bakaa monɛ biala bo.

Ɛksadɔso 24:5

Afei ɔsomane Yisrael mmerandeɛ, na bɛfale nandwie bɛɛbɔle naen yeralɛ afɔleɛ ne asomdwee afɔleɛ bɛmane AWURADE.

Hesekiel 20:28

Ofikyɛ, aseɛ bɔ ndale ye nwo ndaen kyɛ ngɔfa ngɔma bɛ ne, mvale bɛ mmale so nen, nekaa biala bɔ benwuni pambaa tendenn biala, anaa bakaa pusaa biala nen, bɛbɔle b’afɔleɛ wɔ berɛ, na bɛfale b’ayɛyɛdeɛ bɔ bɛfa bɛba ne behuli m’ahone. Berɛ yeɛ bɛbɔle ɛyɛɛ fonafona afɔleɛ, ná bɛbɔle bɛ nzaa afɔleɛ ɔ.

Hesekiel 22:9

Wɔ nu mmenia bɛpɛ dwirɛ bɛto mmenia so beku bɛ; mmokaa so asɔneyɛɛ so yeɛ wɔ nu mmenia bedidi ɔ, na nyanzoen bra yeɛ bɛbɔ ye wɔ wɔ nu ɔ.

Hesekiel 43:27

Na sɛ sɔ ngyẽa ne so yie a, afei ofi ɛlɛbɔtwɛ ne aso bɔ ɔkɔ ne, odi kyɛ asɔfo nemɔ bɛbɔ ɛmɔ naen yeralɛ afɔleɛ ne asomdwee afɔleɛ ne wɔ afɔleɛ bokyea ne aso, na ngole ɛmɔ ngɔto nu, AWURADE Nyameɛ noa dwirɛ ɛne.”

Hesekiel 44:15

“Nakoso Lewifoɛ bɔ bɛte asɔfo, bɔ bɛte Sadoke boso ama, bɔ bɛyɔle me nekaa krongron ne anu adwuma, mmerɛ bɔ Yisraelfoɛ belili makyebu befili me nwo ne, bɛ de, bekopingye me bɛkɔso me, na bekogyina me nyunu bɛkɔfa ɛloe ne mogya bɛkɔbrɛ me, AWURADE Nyameɛ noa dwirɛ ɛne.

Lewitikɔso 17:4

ná wamva ye wamma ɛtena sua atenaleɛ anoa nu berɛ, wamma ammɔ afɔleɛ wamma AWURADE wɔ AWURADE ɛtena sua ne anyunu a, okoli mogya hagualɛ nwo fɔ. Waha mogya wagua, na odi kyɛ bɛpɛ ye asue befi maen ne anu.

Lewitikɔso 17:6

Odi kyɛ ɔsɔfo ne hwie mogya ne gua AWURADE afɔleɛ bokyea ne anwo wɔ ɛtena sua atenaleɛ anoa nu berɛ, ná ɔ́yera ɛloe ne maa ɔyɛ nwosina bɔ ɔbo AWURADE fona ɔ.

Deuteronomi 12:2

Maen maen bɔ ɛmɔkwaatu bɛ befi berɛ ne, nekaa biala bɔ bɛsɔne bɛ nyameɛ mɔ nen, kyɛ mmokaa mbiri so oo, mmaa mmaa so oo, anaa bakaa monɛ biala bo oo, odi kyɛ ɛmɔsɛkye berɛ bɔkɔɔ.