Lewitikɔso 17:4 - AHYERƐLƐ KRONGRON

⁴ ná wamva ye wamma ɛtena sua atenaleɛ anoa nu berɛ, wamma ammɔ afɔleɛ wamma AWURADE wɔ AWURADE ɛtena sua ne anyunu a, okoli mogya hagualɛ nwo fɔ. Waha mogya wagua, na odi kyɛ bɛpɛ ye asue befi maen ne anu.

Lewitikɔso 17:4 Iomraidhean Croise

Gyenesise 17:14

Na bienzua biala bɔ bambɛ ye bienzua nen, bɛkɔpɛ ye asue bekofi ye maen nu, ofikyɛ wabu m’apam ne aso.”

Edwein 32:2

Sona bɔ AWURADE mva ye amumuyɛɛ mmɔ ye kwaadu, bɔ nnakannaka suban biala nne ye nu ne, onya saleɛ.

Ɛksadɔso 12:15

“Ɛmɔkoli paanoo kabrɛdi ɛlɛsoo. Kyẽa bɔ oli moa ne, ɔsɛ kyɛ ɛmɔye mɔle harewaa biala befi ɛmɔ awuro mɔ nu, ofikyɛ ofi kyẽa bɔ oli moa ne alaa bɔ ɔkwaadwu kyẽa bɔ ɔtɔ so nzoo nen, sona biala bɔ okoli mɔle harewaa ne, bɛkɔpɛ ye asue bekofi Yisraelfoɛ nu.

Ɛksadɔso 12:19

Ɛlɛsoo ne anu, ɔnzɛ kyɛ benwu mɔle harewaa wɔ ɛmɔ awuro; ofikyɛ ebiala bɔ okoli mɔle harewaa nen, sɛ ɛwɔfoɛ ahɔ oo, anaa bɛwole ye maen ne anu oo, bɛkɔpɛ sɔ sona ne asue bekofi Yisraelfoɛ nu.

Ɛksadɔso 30:33

Ebiala bɔ ɔkɔfrafra nningyein kɔyɔ bie, anaakyɛ ɔkɔfa kogua sona bɔ ɔtte sɔfo nwo nen, bɛkɔpɛ ye asue bekofi ye maen nu.’ ”

Ɛksadɔso 30:38

Na ebiala bɔ ɔkɔfrafra nningyein kɔyɔ bie kɔfofã kotie nen, bɛkɔpɛ ye asue bekofi ye maen nu.”

Yesaya 66:3

“Sona bɔ oku nandwie ne, ɔte kyɛ bɔ oku mmenia ɔ ala, bɔ ɔfa boaen bɔ afɔleɛ ne, ɔte kyɛ bɔ obu kyea kɔme anu ɔ, bɔ ɔbɔ aburoo afɔleɛ ne, ɔte kyɛ bɔ ɔfa prako mogya bɔ afɔleɛ ɔ, bɔ ɔyera ɛyɛɛ ne, ɔte kyɛ sona bɔ ɔsɔ amoen ɔ. Bɛ de, bali bɛ bɔbɔ bɛ ti piri, na b’akyiwadeɛ nemɔ yeɛ bɛ kra nye gye ye nwo ɔ.

Hesekiel 20:40

“Ofikyɛ me bokaa krongron ne aso, Yisrael bokaa tendenn ne aso, berɛ yeɛ Yisrael awuro ama amukoraa, bɛ mukoraa bɔ bɛwɔ aseɛ ne aso ɔ bɛkɔso me ɔ. AWURADE Nyameɛ noa dwirɛ ɛne. Berɛ yeɛ ngole bɛ ngɔto nu ɔ, na berɛ yeɛ ngɔnea ate kyɛ ɛmɔkɔfa ɛmɔ ndoboa, ɛmɔ fieso aleɛ bɔ ɛmɔkoli moa bɛkɔfa ɔ, ɔne ɛmɔ afɔleɛ krongron bɛkɔbrɛ me ɔ.

Lewitikɔso 1:3

“Sɛ ye afɔleɛ ne te naen yeralɛ afɔleɛ bɔ ofi nandwie kure ne anu a, odi kyɛ ɔfa nyii bɔ ollili nnɛen biala ɔ; odi kyɛ ɔbɔ afɔleɛ ne wɔ ɛtena sua atenaleɛ anoa nu berɛ, amaa AWURADE ale ye ato nu.

Lewitikɔso 17:10

“Sɛ ebiala bɔ ofi Yisrael awuro anaakyɛ ɛwɔfoɛ mɔ bɔ baatena bɛ nu, odi mogya biala a, ngotu me nye ngosie sɔ sona ne aso, na ngɔpɛ ye asue ngofi maen ne anu.

Lewitikɔso 17:14

“Ofikyɛ anwoɔnaen biala, ye mogya yeɛ ɔte ye ngoa ɔ; yiti mahã mahyire Yisraelfoɛ kyɛ, Nnɛma ɛmɔdi abɔdeɛ biala ye mogya, ofikyɛ anwoɔnaen biala ye mogya yeɛ ɔte ye ngoa ɔ; na ebiala bɔ okoli mogya ne, odi kyɛ bɛpɛ ye asue.

Lewitikɔso 17:3

Yisrael awuro ama ne, sɛ ebie ku nandwie anaa boaen akrɔngrɔma anaa abɔngye wɔ asikyeleɛ nu berɛ, anaa wɔ asikyeleɛ ne asi,

Lewitikɔso 17:5

Ɛhe kɔma Yisraelfoɛ kɔfa b’afɔleɛ bɔ bɛbɔ ye wɔ ɛserɛ so ne bɛkɔbrɛ AWURADE. Odi kyɛ bɛfa bɛbrɛ ɔsɔfo ne maa ɔfa ma AWURADE wɔ ɛtena sua atenaleɛ anoa nu berɛ, ná ɔ́fa bɔ asomdwee afɔleɛ ma AWURADE.

Lewitikɔso 17:9

ná wamva wamma ɛtena sua atenaleɛ anoa nu berɛ wamma ammɔ afɔleɛ ne wamma AWURADE a, odi kyɛ bɛpɛ ye asue befi maen ne anu.

Lewitikɔso 18:29

Ofikyɛ ebiala bɔ ɔkɔyɔ akyiwadeɛ hemɔ anu biala ne, odi kyɛ bɛpɛ ye asue befi maen ne anu.

Lewitikɔso 20:16

Sɛ brasua bie fa ye nwo ma kaka bie maa ɔne ye bɛda a, ku brasua ne ɔne kaka ne; odi kyɛ beku bɛ ɔ, na bɛ wue kɔbɔ bɛ ti so.

Lewitikɔso 20:18

Sɛ bienzua bie ne brasua bɔ wabu ye sa bɛda a, wabukye nekaa bɔ brasua ne mogya fi ba ɔ so, yeɛ brasua ne koso wabukye nekaa bɔ ye bɔbɔ ye mogya fi ba ɔ so; odi kyɛ bɛpɛ bɛ munyɔ asue befi maen ne anu.

Lewitikɔso 20:3

Me bɔbɔ deinn ngotu me nye ngosie sɔ sona ne aso, na ngɔpɛ ye asue ngofi ye maen nu, ofikyɛ wafa ɔwa wama Moleke; wafa efiɛ waha me nekaa krongron ne, na wagua me dumaa krongron ne anyunu ase.

Lewitikɔso 3:2

Odi kyɛ ɔfa ye sa to kaka ne ti afia, ná oku ye wɔ ɛtena sua atenaleɛ anoa nu berɛ; na Aarɔn mma mmienzua bɔ bɛ yeɛ bɛte asɔfo ne, odi kyɛ bɛfa mogya ne behwie begua afɔleɛ bokyea ne anwo bɛbra beyia.

Lewitikɔso 7:18

Sɛ ebie di asomdwee afɔleɛ naen ne bie ye ɛlɛsa ne aso a, afɔleɛ ne ngɔsɔ Nyameɛ nye, yeɛ Nyameɛ ngole sona bɔ ɔbɔle ne ngɔto nu; naen ne te akyiwadeɛ na sona bɔ okoli ne, ye musue kɔbɔ ye ti so.

Yohane 10:7

Yeɛ Yesu sele bɛ bieku kyɛ, “Nahorɛ nu paa, mekã mekyire ɛmɔ kyɛ, me ole mmoaen nemɔ b’anoa ne.

Yohane 10:9

Me ole anoa ne; na sɛ ebie fa me so kɔ nu a, bekole ye ngoa; na okoli nu akɔneaba, na okonya nekaa bɔ okodidi ɔ.

Yohane 14:6

Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so.

Romanfoɛ 4:6

Ɛhe ati yeɛ Dawide hane kyɛ, sona bɔ Nyameɛ akwati nnwumaa paa na wabu ye teneneeniɛ ne, saleɛ te ye deɛ. Ɔnwa:

Romanfoɛ 5:13

Né bɔne wɔ wiase dada koraka yeɛ mmeraa ne ba ɔ, na mmom nekaa bɔ mmeraa nne berɛ nen, bemmu bɔne nwo ngondaa.

Romanfoɛ 5:20

Mmeraa ne de ɔwale maa bɔne trɛle, nakoso nekaa bɔ bɔne trɛle nen, Nyameɛ adom ne trɛle maa ɔbole so.

Deuteronomi 21:8

AWURADE, yɛsrɛ wɔ ala, wɔ mmenia Yisraelfoɛ bɔ elele bɛ ne, kyikyi bɛ bɔne ne. Mogya bɔ odi be ne, nnɛprapra ye nwo foɛlilɛ gua wɔ mmenia Yisraelfoɛ so; na mmom fa mogya he nwo foɛlilɛ kyɛ bɛ.’