Lewitikɔso 17:11 - AHYERƐLƐ KRONGRON

¹¹ Ofikyɛ anwoɔnaen biala, ye ngoa wɔ ye mogya nu; na mafa mogya mama ɛmɔ wɔ afɔleɛ bokyea ne aso kyɛ ɛ́mɔfa bɛ́yɛ mbata bɛ́ma ɛmɔ kra. Ngoa wɔ mogya nu, yiti mogya yeɛ odi kyɛ bɛfa bɛyɛ mbata ɔ.

Lewitikɔso 17:11 Iomraidhean Croise

Gyenesise 9:4

Nakoso naen bɔ ye ngoa, bɔ ɔte ye mogya tɛ wɔ ye nu de, nnɛma ɛmɔdi.

Lewitikɔso 1:5

Na afei ohu nandwie nyii ne wɔ AWURADE nyunu, ná Aarɔn mma mmienzua nemɔ bɔ bɛ yeɛ bɛte asɔfo ne, bɛ́fa mogya ne, ná béhwie bégua afɔleɛ bokyea bɔ ogyi ɛtena sua atenaleɛ anoa nu berɛ ne anwo bɛ́bra béyia.

Lewitikɔso 16:11

“Odi kyɛ Aarɔn fa nandwie nyii ne ɔbɔ bɔne nwo afɔleɛ ma ye nwo, ná ɔpata ma ye nwo ne ye awuro ama. Ɔsɛ kyɛ oku nandwie nyii ne ná ɔfa bɔ bɔne nwo afɔleɛ ma ye nwo.

Lewitikɔso 17:12

Yiti mahã mahyire Yisraelfoɛ kyɛ, ‘Nnɛma ɛmɔ nu biala di mogya, yeɛ nnɛma ɛwɔfoɛ biala bɔ waatena ɛmɔ nu koso di mogya.

Lewitikɔso 17:14

“Ofikyɛ anwoɔnaen biala, ye mogya yeɛ ɔte ye ngoa ɔ; yiti mahã mahyire Yisraelfoɛ kyɛ, Nnɛma ɛmɔdi abɔdeɛ biala ye mogya, ofikyɛ anwoɔnaen biala ye mogya yeɛ ɔte ye ngoa ɔ; na ebiala bɔ okoli mogya ne, odi kyɛ bɛpɛ ye asue.

Lewitikɔso 4:25

Na odi kyɛ ɔsɔfo ne ɔfa ye sa mmɛseka bɔ bɔne nwo afɔleɛ mogya ne anu ná ɔfa kekã naen yeralɛ afɔleɛ bokyea mmɛen nemɔ. Mogya ne ngaa ne, odi kyɛ ohwie ogua naen yeralɛ afɔleɛ bokyea ne abo.

Lewitikɔso 4:26

Odi kyɛ ɔyera ye loe ne amu wɔ afɔleɛ bokyea ne aso kyɛbɔ ɔyerale asomdwee afɔleɛ ɛloe nen. Ɔsɔfo ne kɔpata wɔ sona ne bɔne nwo kɔma ye, na Nyameɛ kɔfa ye bɔne kɔhyɛ ye.

Lewitikɔso 8:15

Mose huni kaka ne, ɔfale ye mogya ne bie, na ɔfale ye sa mmɛseka bɔle mogya ne anu yeyɛle afɔleɛ bokyea mmɛen nemɔ anwo bra yiale. Ɔpetene afɔleɛ bokyea ne anwo, na ohwiele mogya ne guale afɔleɛ bokyea ne abo, ɔtele bokyea ne anwo, na ɔnate ɛhe aso fa yɛle bɔne nwo mbata mane afɔleɛ bokyea ne.

Mateo 20:28

kyɛbɔ Sona Awa ne wamma kyɛ bɛso ye, na mmom kyɛ ɔbaaso, ná ɔfa ye ngoa ɔto berɛ ode mmenia pee ngoa ne.”

Mateo 26:28

ofikyɛ ɛhe yeɛ ɔte me mogya bɔ ogyi berɛ ma apam bɔ mmenia pee ti béhwie bégua bɛ́ma bɔnefakyɛ ɔ.

Marko 14:24

Na osele bɛ kyɛ, “Ɛhe te me mogya bɔ ɔte apam foforɛ mogya bɔ mmenia pee ti béhwie bégua ɔ.

Romanfoɛ 3:25

Ye yeɛ Nyameɛ afa ye wasie berɛ kyɛ mbata nikye bɔ ɔnate ye mogya nu gyidie so, bɔ wafa wahyire ye tenenee kyɛ bɔne bɔ bayɔ ye daa ne, wakyikyi wafi berɛ wɔ Nyameɛ aboterɛ nu;

Romanfoɛ 5:9

Yiti sɛ ɔnate ye mogya so wabua yɛ be de a, né nzaade ɔkɔfa Kristo so kole yɛ kofi ye ahonehulɛ ne anu maa ɔkɔbo so.

Ɛfesofoɛ 1:7

Ɔnate ye mogya ne aso yeɛ wale yɛ ɔ, bɔ ye ole yɛ mvomsoɛ fahyɛlɛ ne, kyɛbɔ ye adom mmorosoɛ ne te ne,

Deuteronomi 12:23

Nakoso nea yé né anni ye mogya ne, ofikyɛ mogya ne te ngoa, na ɔnzɛ kyɛ edi ngoa ne fra naen ne.

Kolosefoɛ 1:14

na ye nu yeɛ yanya ngoalelɛ bɔ ɔte bɔnefakyɛ ɔ.

Kolosefoɛ 1:20

Ɔnate ye so Nyameɛ ahwe nningyein mukoraa bɔ bɛwɔ aseɛ so ne nyameɛso wabata ye bɔbɔ ye nwo; na ɔnate ye mmeamudua nu mogya ne aso yeɛ wama sɔ asomdwee ye awa ɔ.

Hebrifoɛ 13:12

Ye sɔ ne ati, Yesu koso nwuni amaneɛ wɔ kuro piri n’anoa ne asi, amaa ɔnate ye bɔbɔ ye mogya so wate adasa mmaa nwo wafi bɛ bɔne nwo.

Hebrifoɛ 9:22

Na kyɛbɔ mmeraa ne kyire ne, ɔpena yɛ kyɛ mogya yeɛ bɛfa bɛte nningyein amukoraa nwo ɔ, na sɛ mogya angua a, bɔnefakyɛ nne berɛ.

1 Petro 1:2

bɛ bɔ Baba Nyameɛ waneanea nu waye bɛ fi tetetete, bɔ ɔnate Sunzum Krongron so wate bɛ nwo wama Yesu Kristo nwo sotie ɔne ye mogya nu anwopetenɛ ne: Adom ne asomdwee mmorosoɛ ɔyɛ ɛmɔ deɛ.

1 Yohane 1:7

Nakoso sɛ yɛnate kanea nu, kyɛbɔ ye koso ɔwɔ kanea nu ne a, né yɛ ne yɛ nwo yɛ nwo yatira abiɛngoɛ, na Ɔwa Yesu Kristo mogya ne te yɛ nwo fi bɔne mukoraa nu.

1 Yohane 2:2

Ɔte yɛ bɔne nwo mbata; nna yɛ ngome yɛ deɛ nwo; na mmom ɔte wiase amukoraa koso bɔne nwo mbata.

Nyekyire 1:5

ɔne bɔ ofi Yesu Kristo bɔ ɔte danzeniɛ nahorɛniɛ ne, awufoɛ nu bamuɛbaa ne aseɛ so ahemvo mɔ bɛ hene ne berɛ ne, ɔbra ɛmɔ so. Ye bɔ okuro yɛ dwirɛ, ná wafa ye mogya wanwunzi yɛ nwo wafi yɛ bɔne nu,