Lewitikɔso 17:10 - AHYERƐLƐ KRONGRON

¹⁰ “Sɛ ebiala bɔ ofi Yisrael awuro anaakyɛ ɛwɔfoɛ mɔ bɔ baatena bɛ nu, odi mogya biala a, ngotu me nye ngosie sɔ sona ne aso, na ngɔpɛ ye asue ngofi maen ne anu.

Lewitikɔso 17:10 Iomraidhean Croise

Gyenesise 9:4

Nakoso naen bɔ ye ngoa, bɔ ɔte ye mogya tɛ wɔ ye nu de, nnɛma ɛmɔdi.

2 Samuel 23:17

ofikyɛ ɔhane kyɛ, “Daabi, AWURADE pa gua kyɛ ngɔno nzue ne ɔ! Sɛ meno a, mmenia bɔ bɛfale bɛ ngoa bɛtole serewa bɛɛsale nzue ne bɛwale ne, né mano bɛ mogya!” Yiti wanno. Sɔ koɛhonɛfoɛ ahoneserɛfoɛ nza nemɔ yeɛ bɛyɔle sɔ nikyee ne ɔ.

Edwein 34:16

AWURADE tu ye nye sie bɔnefoɛ so, kyɛ okonua bɛ boso kofi aseɛ so.

Ɛksadɔso 30:33

Ebiala bɔ ɔkɔfrafra nningyein kɔyɔ bie, anaakyɛ ɔkɔfa kogua sona bɔ ɔtte sɔfo nwo nen, bɛkɔpɛ ye asue bekofi ye maen nu.’ ”

Yeremia 21:10

Ofikyɛ matu me nye masie kuro he aso kyɛ ngɔfa bɔ ɔtte mayee ɔ ngoli ye, na mmom nna paa ɔ, AWURADE noa dwirɛ ɛne. Bɛkɔfa bekowura Babilɔn hene sa, na ɔkɔfa see kɔyera ye.’

Yeremia 44:11

Yiti Asafo AWURADE, Yisrael Nyameɛ nwa nyoo: Ɛ́mɔtie, ngotu me nye ngosie ɛmɔ so maa musue kɔto ɛmɔ, na ɔnate so ngonua Yuda amukoraa bɛ boso.

Hesekiel 14:8

Ngotu me nye ngosie sɔ sona ne aso, ngɔfa ye ngɔkakyi sɛngyerɛnneɛ ne ngorohoɛ dwirɛ, ngotu ye ngofi me maen nu, ná ɛmɔanwu kyɛ me ole AWURADE.

Hesekiel 15:7

Ngotu me nye ngosie bɛ so. Ɔwɔ nu kyɛ benyane bɛ ti bedidili nu befili see nu de, nakoso see foforɛ kɔyera bɛ; na sɛ metu me nye mesie bɛ so a, ɛmɔkonwu kyɛ me ole AWURADE.

Hesekiel 33:25

Yiti se bɛ kyɛ, AWURADE Nyameɛ nwa nyoo: Ɛmɔdi naen bɔ ye mogya wɔ ye nu ɔ, ɛmɔsɔne ɛmɔ mmosoen nemɔ, yeɛ ɛmɔkã mogya begua; na ɔkɔyɛ sɛɛ né ɛmɔanya aseɛ ne bafa bayɛ ɛmɔ deɛ?

Hesekiel 44:7

Ye ole kyɛ, ɛmɔma amanvrafoɛ bɛba nu, ɛmɔma mmenia bɔ bɛte bɛmbɛ-bɛ-bienzuafoɛ wɔ ahone nu ne anwoɔnaen nu ɔ bɛba me nekaa krongron ne anu bɛbagua m’awuro ne anwo fiɛ, wɔ mmerɛ bɔ ɛmɔfa m’aleɛ, ɛloe ne mogya bɛbrɛ me ɔ. Na ɛmɔafa ɛmɔ akyiwadeɛ yɔleɛ ne amukoraa babu m’apam ne aso.

Lewitikɔso 17:11

Ofikyɛ anwoɔnaen biala, ye ngoa wɔ ye mogya nu; na mafa mogya mama ɛmɔ wɔ afɔleɛ bokyea ne aso kyɛ ɛ́mɔfa bɛ́yɛ mbata bɛ́ma ɛmɔ kra. Ngoa wɔ mogya nu, yiti mogya yeɛ odi kyɛ bɛfa bɛyɛ mbata ɔ.

Lewitikɔso 19:26

“Nnɛma ɛmɔdi naen bɔ ye mogya wɔ ye nu ɔ. Nnɛma ɛmɔkɔ abisa, yeɛ nnɛma ɛmɔyɛ bayie.

Lewitikɔso 26:17

Ngotu me nye ngosie ɛmɔ so, na ɛmɔkɔtotɔ ɛmɔ pɔfoɛ mɔ ngrandɛ noa. Ɛmɔ pɔfoɛ mɔ koli ɛmɔ so, na ɛmɔkɔnwati wɔ aberɛ bɔ ebiala ɔmvoa ɛmɔ ɔ.

Lewitikɔso 3:17

Na ɛhe kɔyɛ ahyɛdeɛ afebɔɔ kɔma ɛmɔ wɔ ɛmɔ aworɛ ndoatoasoɛ amukoraati nu, wɔ nekaa biala bɔ ɛmɔkɔtena ɔ, kyɛ nnɛma ɛmɔdi ɛloe anaa mogya.”

Amose 9:4

Sɛ bɛkye bɛ nnure bɛkɔ bɛ pɔfoɛ mɔ nyunu po a, dɔ yeɛ ngɔhyɛ ngrandɛ maa okohũhũ bɛ ɔ; na ngotu me nye ngosie bɛ so ngɔfa bɔ ɔtte mayee ɔ ngoli bɛ, na mmom nna paa ɔ.”

Asomafoɛ 15:20

Na mmom odi kyɛ yɛkyerɛ krataa yɛkɔma bɛ, kyɛ, onni kyɛ bedi aleɛ biala bɔ bafa babɔ afɔleɛ bama bosoen, bɛhwe bɛ nwo befi adwamanbɔlɛ nwo; yeɛ afei onni kyɛ bedi kaka biala bɔ wawu ye mogya nu, anaakyɛ mogya.

Asomafoɛ 15:29

Nnɛma ɛmɔdi aleɛ biala bɔ bafa babɔ afɔleɛ bama bosoen; nnɛma ɛmɔdi mogya; nnɛma ɛmɔdi kaka biala bɔ wawu ye mogya nu; yeɛ afei ɛmɔhwe bɛ nwo befi adwamanbɔlɛ nwo. Na sɛ ɛmɔtwe bɛ nwo befi ɛhemɔ nwo a, ɔte paa. Yɛbisa bɛ.”

Deuteronomi 12:16

Nakoso ye mogya ne ngome yeɛ nnɛma ɛmɔdi ɔ; hwie gua aseɛnwo kyɛ nzue.

Deuteronomi 12:23

Nakoso nea yé né anni ye mogya ne, ofikyɛ mogya ne te ngoa, na ɔnzɛ kyɛ edi ngoa ne fra naen ne.

Deuteronomi 15:23

Ye mogya ne angome yeɛ nnɛdi ɔ; hwie gua aseɛnwo kyɛ nzue.

Hebrifoɛ 10:29

Sɛ ɔte sɔ de a, nzaade sona bɔ okobu Nyameɛ Awa ne animtia, ná wabu apam mogya bɔ bafa bate ye nwo ne kyɛ ye nwo nde, ná wafa adom Sunzum ne nyunu watwitwi ase ne, nzikyɛ asohwenɛ yeɛ ɛmɔsusu kyɛ ɔfata ye ɔ?

1 Samuel 14:32

Yiti koɛhonɛfoɛ nemɔ te guale koɛ nu nzesadeɛ ne aso. Bɛhyele mmoaen, nandwie ne nandwie mmaa behuni bɛ wɔ aseɛnwo berɛ nekaa bɔ bɛhyele bɛ ne, na belili naen ne bɛfrale ye mogya.

1 Samuel 14:33

Na ebie ɔɔbɔle Sɔɔlo amaneɛ kyɛ, “Tie, koɛhonɛfoɛ nemɔ gu so bɛ́yɔ bɔne bétia AWURADE, ofikyɛ begu so bédi naen bɛfra ye mogya.” Na Sɔɔlo sele kyɛ, “Ɛmɔali edwirɛ tɛɛ! Ɛ́mɔmunu nyɔbotaen bɛ́brɛ me wa kekesaala ye!”