Lewitikɔso 16:4 - AHYERƐLƐ KRONGRON

⁴ Odi kyɛ owura nwera ataadeɛ tendenn krongron ne, ná owura nwera pieto ɔfa kata ye nwo, ná ɔbɔ nwera abɔsoɛ ne, ná ɔbɔ nwera abotire ne; ɛhemɔ te ndaadeɛ krongron. Ɔsɛ kyɛ ɔfa nzue bia koraka né wawura ndaadeɛ nemɔ.

Lewitikɔso 16:4 Iomraidhean Croise

Ɛksadɔso 28:2

Pomba ndaadeɛ krongron ma eliɛma Aarɔn ma onya animnyam ne dibea.

Ɛksadɔso 29:4

Fa Aarɔn ne ye mma mmienzua nemɔ bra ɛtena sua atenaleɛ anoa nu berɛ, ná fa nzue nwunzinwunzi bɛ nwo.

Ɛksadɔso 30:20

Mmerɛ biala, sɛ bɛ́kɔ ɛtena sua atenaleɛ nu berɛ a, ɔsɛ kyɛ bɛfa nzue benwunzi bɛ nwo, ná banwu. Yeɛ sɛ bepingye afɔleɛ bokyea ne nwo kyɛ bɛkwaasɔne, anaakyɛ bɛkwaayera afɔleɛ bɛma AWURADE a, ɔsɛ kyɛ bɛyɔ sɔ ala.

Ɛksadɔso 40:12

“Fa Aarɔn ne ye mma mmienzua nemɔ bra ɛtena sua atenaleɛ anoa nu berɛ, ná fa nzue nwunzinwunzi bɛ nwo.

Yesaya 53:2

Ofikyɛ ofifili kyɛ bakaa horɔhorɔ bie wɔ ye nyunu, kyɛ ndii bɔ wafifi wɔ aseɛ wosee nu ɔ. Wannya sue anaa animnyam bɔ ɔkɔmaa yɛkɔnea ye ɔ, yeɛ wannya anwonyemene bɔ ɔkɔmaa yɛkohuro ye dwirɛ ɔ.

Hesekiel 44:19

Na sɛ bɛbaahɔ maen ne berɛ wɔ aluo berɛ pato nu berɛ a, odi kyɛ bepuropuro ndaadeɛ bɔ bewura bɛyɔle ɛsɔnenɛ adwuma ne begua pumbu krongron nemɔ anu, ná bewura ndaadeɛ mbaen bie; amaa ɔnate so bɛ ndaadeɛ ne amma mmenia ne anyɛ krongron.

Hesekiel 9:2

Na nwuni mmienzua nzia bie; befili anwuro dɔ anoa piri bɔ ye nye kyire sorɔ dɔ atee ne aso ne anu bɛwale. Né bɛ nu biala tira ye kodiawu akodeɛ; né biaa bie bɔ ɔhera nwera ɔ ɔboka bɛ so, na né wafa nikyee bɔ bɛfa bɛkyerɛ ɔ wasĩ. Na bewurale nu beegyinane kɔɔbere afɔleɛ bokyea ne anwo berɛ.

Lewitikɔso 16:23

“Odi kyɛ Aarɔn wura ɛtena sua atenaleɛ ne anu, ná opuro nwera ataadeɛ bɔ owurale koraka yeɛ ɔkɔ nekaa krongron ne, ná ɔyakyi bɛ berɛ.

Lewitikɔso 16:24

Na odi kyɛ ɔfa nzue obia wɔ nekaa bɔ ɔte krongron ɔ, ná owura ye ataadeɛ ne, ná osa ofite babɔ ye naen yeralɛ afɔleɛ, ɔne maen naen yeralɛ afɔleɛ ne, ná ɔpata ma ye bɔbɔ ye nwo ɔne maen ne.

Lewitikɔso 16:32

Ɔsɔfo bɔ bapopa ye ngoo ná bate ye nwo maa waasi ye baba gya nu wayɛ ɔsɔfo ne, ye yeɛ ɔkɔyɛ mbata ne ɔ; odi kyɛ owura nwera ataadeɛ krongron ne.

Lewitikɔso 6:10

Odi kyɛ ɔsɔfo ne wura ye nwera ataadeɛ ne, ná ówura ye nwera pieto ne ɔ́fa kata ye nwo. Naen yeralɛ afɔleɛ bɔ bayera ye wɔ afɔleɛ bokyea ne aso ne, odi kyɛ ɔsesa ye nzoen ɔfa gua afɔleɛ bokyea ne ngyɛnu.

Lewitikɔso 6:3

anaakyɛ wanwu ye nikyee bɔ yeɛ wamini nakoso wanga nahorɛ, anaakyɛ ɔta ndaen fa kata nahorɛ so, anaakyɛ bɔne bɔ mmenia yɔ ne anu biala,

Luka 1:35

Na abɔfo ne buale ye kyɛ, “Sunzum Krongron ne kɔwa wɔ so, na Anwuro Anwuroniɛ ne, ye tumi komundu wɔ so; yiti baa krongron bɔ ɛkɔwo ye ne, bɛkɔfrɛ ye Nyameɛ Awa.

Filipifoɛ 2:7

na mmom ɔfale ye dibea tole berɛ fale akoaa tebea tole ye nwo so, na bɛwole ye maa ɔɔyɛle dasaniɛ ye sɛso.

Hebrifoɛ 10:22

yiti ɛ́mɔma yɛfa nahorɛ ahone ne gyidie bɔ osi pi, ɔne ahone bɔ bate ye nwo bafi bɔne tiboa nu, ɔne nipadua bɔ bafa nzue gyengɔgyengɔ babia ye ɔ yɛhwe yɛpingye Nyameɛ.

Hebrifoɛ 2:14

Na ɔnate kyɛ mmaa nemɔ te anwoɔnaen ne mogya ne ati, Yesu bɔbɔ yɛle ye nwo kyɛ bɛ ala, ɔfale sɔ sona sue ne bie, amaa ɔnate ye wue ne aso wasɛkye abɔnzam bɔ ye yeɛ ole ewue so tumi ne;

Hebrifoɛ 7:26

Yiti ɔsɔfo panyi paa bɔ ɔte sɔa yeɛ ɔfata kyɛ yɛnya ɔ. Ɔte krongron, mvomsoɛ anaa bɔne biala nne ye nwo, baye ye basie ahameɛ bafi bɔnefoɛ nu, na babɔ ye panyi paa wɔ nyameɛso.