Lewitikɔso 16:30 - AHYERƐLƐ KRONGRON

³⁰ Ofikyɛ sɔ kyẽa ne yeɛ bɛpata bɛma ɛmɔ, ná bɛfa bɛte ɛmɔ nwo befi ɛmɔ bɔne amukoraa nwo, ma ɛmɔ nwo te wɔ AWURADE nyunu ɔ.

Lewitikɔso 16:30 Iomraidhean Croise

Edwein 51:10

Ao Nyameɛ, bɔ ahone bɔ nu te ɔ wura me nu, ná fa sunzum bɔ ɔtengyɛ ɔ wura me nu.

Edwein 51:2

Nwunzi me nwo sannwuu fi m’amumuyɛɛ nwo, ná pete me nwo fi me bɔne nwo.

Edwein 51:7

Fa sufiɛ pete me nwo, na me nwo kofi; nwunzi me nwo, na me nwo kɔyɛ fufue kɔtra ewure.

Yeremia 33:8

B’amumuyɛɛ amukoraa bɔ ɔnate so bayɔ bɔne batia me ne, ngɔte bɛ nwo ngofi ye nwo. Na b’amumuyɛɛ amukoraa bɔ ɔnate so bayɔ bɔne, ná bayɔ mvomsoɛ batia me ne, ngɔfa ngɔhyɛ bɛ.

Lewitikɔso 23:27

“Sɔ bosome nzoo ne ala, ye kyẽa bɔ ɔtɔ so buru ne, ɔte mbata kyẽa; ɛ́mɔyɛ nyianu krongron. Odi kyɛ ɛmɔkye ɛhɔen ná ɛ́mɔbɔ see so afɔleɛ bɛma AWURADE.

Lewitikɔso 23:28

Nnɛma ɛmɔyɔ adwuma biala sɔ kyẽa ne amukoraa, ofikyɛ ɔte mbata kyẽa bɔ yeɛ bɛpata bɛma ɛmɔ wɔ AWURADE ɛmɔ Nyameɛ nyunu ɔ.

Ɛfesofoɛ 5:26

kyɛbɔ ɔkɔfa nzue ebialɛ nu kɔte ye nwo wɔ edwirɛ ne anu kɔyɛ ye krongron ɔ,

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.