Lewitikɔso 16:29 - AHYERƐLƐ KRONGRON

²⁹ “Odi kyɛ ɛhe yɛ ahyɛdeɛ ma ɛmɔ: bosome nzoo ne, ye kyẽa bɔ ɔtɔ so buru ne, odi kyɛ ɛmɔkye ɛhɔen; kuromani oo, ɛwɔfoɛ bɔ waatena ɛmɔ nu oo, nnɛma ebiala yɔ adwuma biala.

Lewitikɔso 16:29 Iomraidhean Croise

1 Ahemvo 8:2

Na Yisraelfoɛ amukoraa beeyiale nu wɔ Nana Solomon nyunu wɔ (Asese) aluolue bo wɔ Etanim bosome, bɔ ɔte bosome bɔ ɔtɔ so nzoo ne anu.

Ɛsra 3:1

Bosome bɔ ɔtɔ so nzoo ne dwuli, bɔ né Yisraelfoɛ baatenatena nguro nemɔ aso nen, bɛ mukoraa bɛbɔle nu bɛɛboale bɛ noa wɔ Yerusalem.

Ɛsra 8:21

Yeɛ mva ndole dwaa wɔ asue Ahawa noa berɛ, kyɛ ɔsɛ kyɛ ebiala yɛ akɔngyere ɔbrɛ ye nwo ase wɔ Nyameɛ nyunu, ná yɛsrɛ ye maa ɔbɔ yɛ ne yɛ mma mɔ ne yɛ nningyein mukoraa nwo waen wɔ y’ateetulɛ ne anu.

Edwein 35:13

Nakoso me de, anwonyerɛ bɔle bɛ ne, ngerale ɛsɛen tena (nnili aworabɔlɛ); ngyele ɛhɔen mva mmrɛle me kra ase. Nzili me ti ase mmɔle mbaeɛ

Edwein 69:10

Mmerɛ bɔ nyɔle akɔngyere mva mmrɛle me kra ase ne, ɔnate so maa bɛbɔle me alapaa.

Ɛksadɔso 12:16

Ɔsɛ kyɛ ɛmɔyɛ nyianu krongron wɔ kyẽa bɔ oli moa ne, yeɛ kyẽa bɔ ɔtɔ so nzoo ne koso ɛ́mɔyɛ nyianu krongron. Nnɛma ɛmɔyɔ adwuma wɔ sɔ ngyẽa ne; sana aleɛ bɔ ebiala koli angome yeɛ ɛ́mɔyɔ ye nwo adwuma ɔ.

Ɛksadɔso 20:10

Nakoso kyẽa bɔ ɔtɔ so nzoo ne de, ɔte afofikyẽa ma AWURADE wɔ Nyameɛ. Nnɛyɔ adwuma biala sɔ kyẽa ne: wɔ oo, ɛwa bienzua oo, ɛwa brasua oo, w’akoaa oo, w’afaneɛ oo, w’ayɛmmoa oo, anaa ɛwɔfoɛ bɔ ɔte wɔ kuro ɔ.

Ɛksadɔso 30:10

Afoɛ biala, ɔsɛ kyɛ Aarɔn bɔ bɔne nwo afɔleɛ wɔ ye mmɛen nemɔ aso. Ɔkɔfa bɔne nwo mbata afɔleɛ mogya kɔpata komapɛ afoɛ biala, wɔ ɛmɔ aworɛ ndoatoasoɛ mukoraati nu. Ɔte krongron paa ma AWURADE.”

Ɛksadɔso 31:14

Ɛ́mɔli afofikyẽa ne aso, ofikyɛ ɔte krongron ma ɛmɔ. Sona biala bɔ okogua afofikyẽa ne nwo fiɛ nen, ɔsɛ kyɛ beku ye; sona biala bɔ ɔkɔyɔ adwuma sɔ kyẽa nen, ɔsɛ kyɛ bɛpɛ ye asue befi ye maen nu.

Ɛksadɔso 31:15

Elesia yeɛ ɔsɛ kyɛ ɛmɔfa bɛyɔ adwuma ɔ, nakoso kyẽa bɔ ɔtɔ so nzoo ne de, ɔte nwomelelɛ kyẽa bɔkɔɔ, bɔ ɔte krongron ma AWURADE ɔ. Na sona biala bɔ ɔkɔyɔ adwuma afofikyẽa nen, ɔsɛ kyɛ beku ye.

Yesaya 58:13

“Sɛ ɛhyɛ wɔ nwo so wɔ ɛnatelɛ nu wɔ afofikyẽa ne, ná anyɔ bɔ wɔ bɔbɔ ekuro ɔ wɔ me kyẽa krongron ne, ná mmom ɛfrɛ afofikyẽa ne anigye kyẽa, ɔne AWURADE kyẽa krongron ne kyɛ anidie kyẽa; sɛ edi ye ni, ná anni wɔ bɔbɔ wɔ ti piri, ná anyɔ bɔ wɔ bɔbɔ ekuro ɔ, anaakyɛ angekã edwirɛ mbaen mbaen a,

Yesaya 58:3

Bɛnwa: ‘Nzu ati yeɛ yayɛ akɔngyere bɔ ennwu ye ɔ? Nzu ati yeɛ yabrɛ yɛ kra ase bɔ ɛnze ɔ?’ Ɛ́mɔtie, sɛ ɛmɔyɛ akɔngyere a, bɔ ɛmɔ bɔbɔ ɛmɔkuro yeɛ ɛmɔyɔ ɔ, na ɛmɔhyɛ ɛmɔ adwumayɔlɛfoɛ amukoraa so.

Yesaya 58:5

Aso akɔngyere bɔ ɔsɔ me nye ɛhe, kyẽa bɔ sona brɛ ye kra ase ne anaa? Aso akɔngyere okyire bɛ ti ase bɔ bɛbɔ ye kyɛ ngyɛngyɛma, ɔne kyɛ ɛkɔtrɛtrɛ ɛsɛen tena ne nzoen nu ɛkɔla so ɔ? Eh, aso ɛhe yeɛ ɛfrɛ ye akɔngyere ɔ, ɔne kyẽa bɔ ɔsɔ AWURADE nye ne anaa?

Daniel 10:12

Yeɛ osele me kyɛ, “Daniel, nnɛsuro, ofikyɛ ofi kyẽa bɔ ɛyɛle w’adwene kyɛ ɛkɔte ye bo, ná ɛbrɛle wɔ nwo ase wɔ wɔ Nyameɛ nyunu nen, wate wɔ sufrɛ ne, na wɔ sufrɛ ne ati yeɛ mawa ɔ.

Daniel 10:3

Manni aleɛ fɛɛ biala, naen anaa nzaa biala anga me noa, yeɛ mambopa toonn dapɛn nza mumua.

Lewitikɔso 23:21

Sɔ kyẽa ne ala, odi kyɛ ɛmɔyia nu; ɔte nyianu krongron. Nnɛma ɛmɔyɔ adwuma biala. Ɛhe te ahyɛdeɛ afebɔɔ ma ɛmɔ wɔ ɛmɔ aworɛ ndoatoasoɛ amukoraati nu, wɔ nekaa biala bɔ ɛmɔkɔtena ɔ.

Lewitikɔso 23:3

Elesia yeɛ ɔsɛ kyɛ ɛmɔfa bɛ́yɔ adwuma ɔ, nakoso kyẽa bɔ ɔtɔ so nzoo ne de, ɔte nwomelelɛ kyẽa bɔkɔɔ. Ɔte nyianu krongron, ná onni kyɛ ɛmɔyɔ adwuma biala; ɔte afofikyẽa ma AWURADE wɔ nekaa biala bɔ ɛmɔkɔtena ɔ.

Lewitikɔso 23:36

Ɛlɛsoo yeɛ ɛ́mɔbɔ see so afɔleɛ bɛ́ma AWURADE ɔ; na ye ɛlɛbɔtwɛ ne aso, ɛ́mɔyɛ nyianu krongron ná ɛ́mɔbɔ see so afɔleɛ bɛma AWURADE; ɔte nyianu krongron; nnɛma ɛmɔyɔ adwuma biala.

Lewitikɔso 25:9

Na bosome bɔ ɔtɔ so nzoo ne, eleburu ne aso bɔ yeɛ ɔte mbata kyẽa ne, maa behu totorobɛndo serɛserɛ; maa behũ ye wɔ ɛmɔ maen ne anu amukoraa.

Lewitikɔso 3:17

Na ɛhe kɔyɛ ahyɛdeɛ afebɔɔ kɔma ɛmɔ wɔ ɛmɔ aworɛ ndoatoasoɛ amukoraati nu, wɔ nekaa biala bɔ ɛmɔkɔtena ɔ, kyɛ nnɛma ɛmɔdi ɛloe anaa mogya.”

Numeri 29:7

“Sɔ bosome nzoo ne ala, ye eleburu ne aso, ɛ́mɔyɛ nyianu krongron. Ɛ́mɔhye hɔen, na nnɛma ɛmɔyɔ adwuma biala.

Asomafoɛ 27:9

Yɛsɛkyele mmerɛ pee wɔ berɛ; na nzue ne aso falɛ yɛle suro, ɔnate kyɛ né Bɔnefakyɛ Akɔngyere Kyẽa ne apɛnu. Yiti Pɔɔlo tuli bɛ foɛ kyɛ,

1 Korintofoɛ 11:31

Na sɛ yɛpɛnzɛpɛnzɛ yɛ nu nahorɛ nu a, bengobua yɛ ndɛen.

Hebrifoɛ 4:10

ofikyɛ ebiala bɔ wawura Nyameɛ nwomelelɛ ne anu nen, ye koso wale ye nwome wɔ ye nnwumaa nwo, kyɛbɔ Nyameɛ lele ye nwome wɔ ye deɛ nwo ne.

1 Samuel 7:6

Yiti beeyiale nu wɔ Misepa, na bɛsale nzue behwie beguale ase bɛbɔle afɔleɛ bɛmane AWURADE. Bɛhyele hɔen sɔ kyẽa ne, na bɛhane kyɛ, “Yayɔ bɔne yatia AWURADE.” Na Samuel tenane Misepa buli Yisrael maen ne.