Lewitikɔso 16:24 - AHYERƐLƐ KRONGRON

²⁴ Na odi kyɛ ɔfa nzue obia wɔ nekaa bɔ ɔte krongron ɔ, ná owura ye ataadeɛ ne, ná osa ofite babɔ ye naen yeralɛ afɔleɛ, ɔne maen naen yeralɛ afɔleɛ ne, ná ɔpata ma ye bɔbɔ ye nwo ɔne maen ne.

Lewitikɔso 16:24 Iomraidhean Croise

Ɛksadɔso 28:40

“Pomba ataadeɛ aguasoɛ, abɔsoɛ, ɔne kyerɛ mɔ ma Aarɔn mma mmienzua nemɔ ma benya animnyam ne dibea.

Ɛksadɔso 28:41

Ɛkɔfa kowura eliɛma Aarɔn, ɔne ye mma mmienzua mɔ bɔ bɛboka ye so ne. Afei ɛkɔfa ɛpopalɛ ngoo kogua bɛ ti so, ɛkɔyɛ bɛ sɔfo, ná ate bɛ nwo maa bayɛ krongron, ná bali sɔfo baso me.

Hesekiel 42:14

Sɛ asɔfo nemɔ bɛbaawura nekaa krongron ne anu a, onni kyɛ befi berɛ bɛkɔ aluo berɛ pato ne anu dɔ, sana bepuro bɛ ndaadeɛ bɔ bɛfa bɛsɔne ne begua berɛ koraka, ofikyɛ ndaadeɛ nemɔ te krongron. Odi kyɛ bɛfa ndaadeɛ mbaen bie bewura, koraka né bapingye nekaa bɔ mmenia le atee kyɛ bɛkɔ ne.”

Lewitikɔso 14:9

Na ye ɛlɛsoo ne aso, odi kyɛ ɔpoa ye nwo nwiaa amukoraa: ye ti nwiaa, ye kanza ne ye ndo nwiaa; ɔ́poa ye nwo nwiaa amukoraa. Ɔsɛ kyɛ ɔpo ye nwo nningyein, ná ɔ́fa nzue bia, na ye nwo kɔte.

Lewitikɔso 16:25

Ɛloe bɔ ɔwɔ bɔne nwo afɔleɛ ne anu ne, odi kyɛ ɔsɔfo ne yera ye wɔ afɔleɛ bokyea ne aso.

Lewitikɔso 22:6

Ɔsɔfo biala bɔ ye nwo kɔha sɔ nningyein nen, ye nwo kogua fiɛ maa okoodwu nɔsoa, na onni kyɛ odi akyɛdeɛ krongron ne bie, sana wafa nzue wabia koraka.

Lewitikɔso 9:7

Yeɛ Mose sele Aarɔn kyɛ, “Twe pingye afɔleɛ bokyea ne, ná bɔ bɔne nwo afɔleɛ ɔne naen yeralɛ afɔleɛ ma wɔ nwo, ná yɛ mbata ma wɔ bɔbɔ wɔ nwo ne wɔ mmenia ne; ná fa mmenia nemɔ afɔleɛ nningyein ne bra baapata ma bɛ, kyɛbɔ AWURADE ahyɛ ne.”

Hebrifoɛ 9:10

Ofikyɛ ɔfa aleɛ, anonneɛ, ɔne bɛ nwo petenɛ ahoroɔ ngome nwo; na ɛhemɔ te anwoɔnaen nu nziesie bɔ ɔwɔ berɛ kodwu mmerɛ bɔ Nyameɛ kɔhyehyɛ nikyee biala foforɛ ɔ.