Lewitikɔso 16:22 - AHYERƐLƐ KRONGRON

²² Yisraelfoɛ bɛ bɔne amukoraa, abɔngye ne kɔsoa kɔhɔ aseɛ bɔ kuro sona biala ɔtte so ɔ so; na odi kyɛ ɔkɔyakyi abɔngye ne wɔ eburo dɔ.

Lewitikɔso 16:22 Iomraidhean Croise

Edwein 103:10

Ɔnnea yɛ bɔne nwo ɔne yɛ nni, yeɛ ɔnnea y’amumuyɛɛ nwo ndua yɛ so kerɛ.

Edwein 103:12

Kyɛbɔ eyia afiteleɛ ne eyia atɔleɛ b’afia si wale ne, sɔ ala yeɛ wamaa yɛne yɛ mmeraatolɛ y’afia atete ɔ.

Hesekiel 18:22

Ye bɔne bɔ wayɔ amukoraa, mengobu ye nwo ngondaa mengogua ye so ko, na ɔnate tenenee bra bɔ wabɔ ne ati, okonya ngoa.

Hesekiel 4:4

“Afei, da hyerewaa so wɔ wɔ bɛen so, ná fa Yisrael awuro ama b’amumuyɛɛ gua wɔ so. Na ngyẽa somaa biala bɔ ɛla hyerewaa so nen, né b’amumuyɛɛ yeɛ asoa ɔ.

Lewitikɔso 14:7

Na sona bɔ bɛ́te ye nwo béfi kwata anwonyerɛ nwo ne, odi kyɛ ɔsɔfo ne ɔfa mogya ne pete ye nwo pɛen nzoo. Afei odi kyɛ ɔfa to dwaa kyɛ sona ne nwo ate, ná ɔyakyi anomaa bɔ ɔte ngoa nu ne maa ɔkɔ buro.

Lewitikɔso 16:21

Afei odi kyɛ Aarɔn fa ye sa munyɔ gua abɔngye bɔ ɔte ngoa nu ne ye ti afia, ná ɔka Yisraelfoɛ amumuyɛɛ amukoraa, bɛ mmeraatolɛ amukoraa ɔne bɛ bɔne amukoraa gua abɔngye ne aso, ná ɔprapra ye mukoraati gua ye so. Odi kyɛ ɔyakyi abɔngye ne ma bienzua bie bɔ bafa sɔ adwuma ne bawura ye sa maa berɛ ne ala ɔkɔyakyi kaka ne eburo maa ɔkɔ.

Lewitikɔso 16:23

“Odi kyɛ Aarɔn wura ɛtena sua atenaleɛ ne anu, ná opuro nwera ataadeɛ bɔ owurale koraka yeɛ ɔkɔ nekaa krongron ne, ná ɔyakyi bɛ berɛ.

Mika 7:19

Okosa konwu yɛ anwumvoin, okoli y’amumuyɛɛ so ngonim; na ekofindi bɛ bɔne amukoraa kogua ɛpo buma ne anu.

Yohane 1:29

Aleɛ hyene ne, Yohane nwuni Yesu kyɛ ɔba ye berɛ ɔ, na ɔhane kyɛ, “Ɛ́mɔnea, Nyameɛ Boaen Ba ne, bɔ ɔye wiase bɔne fi berɛ ne!

Galatiafoɛ 3:13

Kristo ɔɔyɛle abusudeɛ mane yɛ, na ɔnate so wapɔ yɛ wafi mmeraa musue nu; ofikyɛ bahyerɛ kyɛ, “Banoma sona biala bɔ basinze ye wɔ bakaa so ɔ.”

Hebrifoɛ 9:28

sɔ ala yeɛ Kristo bɔ bɛfale ye bɛbɔle afɔleɛ komapɛ kyɛ ɔsoa mmeni pee bɛ bɔne ne, okosa kɔwa ye pɛen so ɔ; ɔmmangyikyi bɔne, na mmom ɔbaale bɛ bɔ bɛ́nea ye ate nemɔ ngoa.

1 Petro 2:24

Ye bɔbɔ yeɛ ɔsoale yɛ bɔne wɔ ye nipadua nu hɔle bakaa ne aso ɔ, kyɛ, sɛ yawu yafi bɔne nu de a, ɔsɛ kyɛ yɛtena ase yɛma tenenee. Na ye nwo beabealɛ ne yeɛ wafa wasa ɛmɔ anwonyerɛ ɔ.