Lewitikɔso 16:2 - AHYERƐLƐ KRONGRON

² Na AWURADE sele Mose kyɛ, “Ka kyire eliɛma Aarɔn kyɛ, nekaa krongron bɔ ɔwɔ mbɛmuɛ tena ne asi dɔ ne, mbata bia bɔ ɔwɔ apam alaka ne aso ne, nnɛmaa ɔba ye nyunu mmerɛ biala bɔ okuro ɔ. Sɛ ɔyɔ sɔ a okowu, ofikyɛ meye me nwo ali mekyire wɔ munungum bɔ ɔwɔ mbata bia ne aso ne anu.

Lewitikɔso 16:2 Iomraidhean Croise

1 Ahemvo 6:16

Sua ne akunu dɔ paa, osili pumbu fa yɛle krongron nu krongron ne. Ɔfale sida mane pumbu ne anwo fili aseɛnwo oodwuli abuu ne. Efi pumbu ne anwo bɔ ɛkɔ sua ne bo dɔ paa ne, ɔte agyirɛ aburanyɔ.

1 Ahemvo 8:6

Yeɛ asɔfo nemɔ fale AWURADE apam alaka ne besiele nekaa bɔ ɔsɛ kyɛ ogyina ɔ, wɔ sua ne kunu dɔ paa krongron nu krongron ne anu, wɔ kɛrubim nemɔ bɛ ndaa nemɔ abo.

2 Aberɛso Dwirɛ 5:14

Na ɔnate munungum ne ati, asɔfo nemɔ bangora bandoa so banyɔ ɛsɔnenɛ adwuma ne; ofikyɛ AWURADE animnyam yili Nyameɛ awuro berɛ tɛkyɛ.

Ɛksadɔso 30:10

Afoɛ biala, ɔsɛ kyɛ Aarɔn bɔ bɔne nwo afɔleɛ wɔ ye mmɛen nemɔ aso. Ɔkɔfa bɔne nwo mbata afɔleɛ mogya kɔpata komapɛ afoɛ biala, wɔ ɛmɔ aworɛ ndoatoasoɛ mukoraati nu. Ɔte krongron paa ma AWURADE.”

Lewitikɔso 16:13

Afei odi kyɛ ɔfa ɛyɛɛ ne ogua see ne aso wɔ AWURADE nyunu, amaa mbata bia bɔ ɔwɔ Adanzeɛ ne aso ne, ɛyɛɛ nwosina ne akata so, ná wanwu.

Lewitikɔso 16:34

Ɛhe te ahyɛdeɛ afebɔɔ ma ɛmɔ: afoɛ biala odi kyɛ ɛmɔyɛ Yisraelfoɛ bɛ bɔne amukoraa nwo mbata ko. Na Mose yɔle kyɛbɔ AWURADE hyɛle ye ne.

Lewitikɔso 23:27

“Sɔ bosome nzoo ne ala, ye kyẽa bɔ ɔtɔ so buru ne, ɔte mbata kyẽa; ɛ́mɔyɛ nyianu krongron. Odi kyɛ ɛmɔkye ɛhɔen ná ɛ́mɔbɔ see so afɔleɛ bɛma AWURADE.

Lewitikɔso 8:35

Ɛ́mɔtena ɛtena sua atenaleɛ anoa nu berɛ eyia ne kɔngɔen ɛlɛsoo, ná ɛ́mɔyɔ bɔ AWURADE ahyɛ ne, amaa ɛmɔanwu ofikyɛ sɔ yeɛ AWURADE hyɛle me ɔ.”

Numeri 17:10

Na AWURADE sele Mose kyɛ, “Sá fa Aarɔn pɔmaa ne baato Adanzeɛ ne nyunu, maa ɔbɔ ɛlɔenyɛlɛfoɛ nemɔ kɔkɔ, bɔ ɔnate so ɛkɔma bɛ komvi bɔ bɛpenepene begua me so ne, ye bo kɔpɛ ɔ, anyɔ sɔ a bekowuwu.”

Numeri 18:7

Nakoso ɛne wɔ mma mɔ bɔ bɛboka wɔ so de, ɛ́mɔye ɛmɔ kunu bɛ́yɔ ɛmɔ asɔfo adwuma wɔ nikyee biala bɔ ɔfa afɔleɛ bokyea ne anwo, ɔne mbɛmuɛ tena ne asi dɔ nwo ɔ. Mafa asɔfo adwuma ne mahyɛ ɛmɔ. Ebiala bɔ nna Lewiniɛ ahɔ ɔ bɔ ɔkɔwa adwuma ne anwo ne de, odi kyɛ beku ye.”

Numeri 4:19

Na ɛhe yeɛ ɔsɛ kyɛ ɛmɔyɔ bɛma bɛ ɔ, amaa sɛ bɛba nningyein krongron paa nemɔ anwo a, banya ngoa ná banwuwu: Aarɔn ne ye mma yeɛ odi kyɛ bɛkɔ nekaa krongron ne anu ná bekokyire Kohatefoɛ bɛ nu biala ye adwuma bɔ ɔsɛ kyɛ ɔyɔ, ɔne nningyein bɔ ɔsɛ kyɛ ɔsoa ɔ.

Numeri 4:5

Sɛ mmerɛ dwu kyɛ ɛmɔtutu asikyeleɛ ne bɛkɔ a, odi kyɛ Aarɔn ne ye mma bɛkɔ ɛtena sua ne anu bɛkɔye mbɛmuɛ tena ne bɛfa bɛkyekye Adanzeɛ alaka ne anwo.

Mateo 27:51

Na yieee, ɛtena bɔ ɔpɛ asɔneyɛɛ sua ne anu ne, nu suale nyɔ fili anwuro oodwuli ase; na aseɛ wosole, na nyɔbotaen mɔ nu dwudwale;

Hebrifoɛ 6:19

Na anyelasoɛ he te sɛkyɛ bɔ otira yɛ kra nu ɔ; ɔnde, na ɔkɔworo ɛtena bɔ onwi nyameɛso Asɔneyɛɛ sua ne anu kɔ Krongron nu Krongron ne anu.

Hebrifoɛ 9:25

Nakoso Kristo de, wangɔ berɛ kyɛ ɔkwaafa ye nwo bɔ afɔleɛ mmerɛ pee, kyɛbɔ ɔsɔfo panyi paa ne de afoɛnoa biala ɔfa mogya bɔ nna ye deɛ ahɔ ɔkɔ Krongron nu Krongron ne anu nen.

Hebrifoɛ 9:3

Né ɛtena sua bɔ bɛfrɛ ye Krongron nu Krongron wɔ mbɛmuɛ tena bɔ ɔtɔ so nyɔ ne asi.

Hebrifoɛ 9:5

Né animnyam kɛrubim mɔ batrɛtrɛ bɛ ndaa nu wɔ mbata bia ne aso wɔ alaka ne aso. Nakoso kekesaala ye de, yɛngɔhora yɛngɔhã sɔ nningyein hemɔ nwo dwirɛ ngoko ngoko.

Nyekyire 15:8

Na nwosina bɔ ofi Nyameɛ animnyam nu ɔne ye tumi nu ne, ɔyɛle asɔneyɛɛ sua ne anu munguu, na ebiala angora anwura asɔneyɛɛ sua ne anu kɔpem kyɛ abɔfo nzoo nemɔ bɛ hawo ne bo pɛle ɔ.