Lewitikɔso 16:18 - AHYERƐLƐ KRONGRON

¹⁸ Na odi kyɛ ofite ɔkɔ afɔleɛ bokyea bɔ ɔwɔ AWURADE nyunu ne anwo, ná ɔpata ma afɔleɛ bokyea ne; odi kyɛ ɔfa nandwie nyii mogya ne bie, ɔne abɔngye mogya ne bie kekã afɔleɛ bokyea mmɛen ne anu biala nwo bra yia.

Lewitikɔso 16:18 Iomraidhean Croise

Ɛksadɔso 30:10

Afoɛ biala, ɔsɛ kyɛ Aarɔn bɔ bɔne nwo afɔleɛ wɔ ye mmɛen nemɔ aso. Ɔkɔfa bɔne nwo mbata afɔleɛ mogya kɔpata komapɛ afoɛ biala, wɔ ɛmɔ aworɛ ndoatoasoɛ mukoraati nu. Ɔte krongron paa ma AWURADE.”

Hesekiel 43:20

Fa ye mogya ne bie kekã afɔleɛ bokyea mmɛen nna nemɔ, ye afia nna nemɔ bɛ ndweasoɛ so, yeɛ ye bo kaa bɔ wapɛ ye nwo wabra wayia ne anwo. Yɔ sɔ fa te afɔleɛ bokyea ne anwo, ná pata ma ye.

Hesekiel 43:22

Na ye elenyɔ ne aso, fa abɔngye nyii bɔ ollili nnɛen ɔ bɔ bɔne nwo afɔleɛ; fa te afɔleɛ bokyea ne anwo, kyɛbɔ bɛfale nandwie nyii ne bɛtele ye nwo ne.

Hesekiel 45:19

Ɔsɔfo ne, odi kyɛ ɔfa bɔne nwo afɔleɛ mogya ne bie kekã awuro berɛ aponnwaa nemɔ anwo, afɔleɛ bokyea ne bo kaa ndweasoɛ nna ne anwo, yeɛ anoa piri aponnwaa bɔ ɔwɔ ye kunu dɔ aluo berɛ ne anwo.

Lewitikɔso 16:16

Sɔa yeɛ odi kyɛ ɔyɔ mbata ma nekaa krongron ne ɔ, ɔnate Yisrael ama bɛ nwo bɔ wagua fiɛ, bɛ mmeraatolɛ, ɔne bɛ bɔne amukoraa ti. Sɔ ala yeɛ odi kyɛ ɔyɔ ma ɛtena sua atenaleɛ bɔ ɔwɔ mmenia bɔ bɛ nwo nde ne b’afia ne ɔ.

Lewitikɔso 16:17

Ofi mmerɛ bɔ ɔsɔfo ne kowura ɛtena sua atenaleɛ ne anu kyɛ ɔkwaayɛ mbata wɔ nekaa krongron ne anu ne, kɔpem kyɛ ɔkɔpata kɔma ye bɔbɔ ye nwo, ye awuro ama ɔne Yisrael maen ne amukoraati, ná okofite ne, onni kyɛ ebiala kɔ ɛtena sua atenaleɛ ne anu.

Lewitikɔso 4:18

Afɔleɛ bokyea mmɛen mɔ bɔ bɛwɔ AWURADE nyunu wɔ ɛtena sua atenaleɛ nu berɛ ne, odi kyɛ ɔfa mogya ne bie ogua so. Na naen yeralɛ afɔleɛ bokyea ne bɔ ɔwɔ ɛtena sua atenaleɛ nu berɛ ne de, odi kyɛ ohwie mogya ne ngaa ne gua ye bo.

Lewitikɔso 4:25

Na odi kyɛ ɔsɔfo ne ɔfa ye sa mmɛseka bɔ bɔne nwo afɔleɛ mogya ne anu ná ɔfa kekã naen yeralɛ afɔleɛ bokyea mmɛen nemɔ. Mogya ne ngaa ne, odi kyɛ ohwie ogua naen yeralɛ afɔleɛ bokyea ne abo.

Lewitikɔso 4:7

Ɛyɛɛ fona afɔleɛ bokyea mmɛen mɔ bɔ bɛwɔ ɛtena sua atenaleɛ nu berɛ ne, odi kyɛ ɔsɔfo ne fa mogya ne bie oguagua so wɔ AWURADE nyunu. Na naen yeralɛ afɔleɛ bokyea bɔ ɔwɔ ɛtena sua atenaleɛ anoa nu berɛ ne, odi kyɛ ohwie nandwie mogya ne ngaa ne ogua ye bo.

Numeri 28:22

Afei koso, ɛ́mɔfa abɔngye nyii ko bɛ́bɔ bɔne nwo afɔleɛ maa ɔyɛ mbata ɔma ɛmɔ.

Yohane 17:19

Meyɛ me nwo krongron mema bɛ, amaa ɔnate so bɛ koso bayɛ krongron wɔ nahorɛ ne anu.

Hebrifoɛ 2:11

Na bɔ ɔte mmenia nwo fi bɛ bɔne nwo ne, ɔne mmenia bɔ ɔte bɛ nwo ne amukoraa bɛ Baba te ko; na ɔnate sɔ ne ati, ɔnyɛ ye nya kyɛ ɔkɔfrɛ bɛ oliɛma mɔ ɔ.