Lewitikɔso 16:15 - AHYERƐLƐ KRONGRON

¹⁵ “Odi kyɛ oku maen bɔne nwo afɔleɛ abɔngye ne, ná ɔ́fa ye mogya ne ɔba mbɛmuɛ ɛtena ne asi. Kyɛbɔ ɔfale nandwie nyii mogya ne yɔle ne, sɔ ala yeɛ odi kyɛ ɔfa abɔngye mogya ne ɔyɔ ɔ; ɔsɛ kyɛ ɔfa mogya ne pete mbata bia ne aso ne ye nyunu.

Lewitikɔso 16:15 Iomraidhean Croise

Lewitikɔso 16:2

Na AWURADE sele Mose kyɛ, “Ka kyire eliɛma Aarɔn kyɛ, nekaa krongron bɔ ɔwɔ mbɛmuɛ tena ne asi dɔ ne, mbata bia bɔ ɔwɔ apam alaka ne aso ne, nnɛmaa ɔba ye nyunu mmerɛ biala bɔ okuro ɔ. Sɛ ɔyɔ sɔ a okowu, ofikyɛ meye me nwo ali mekyire wɔ munungum bɔ ɔwɔ mbata bia ne aso ne anu.

Lewitikɔso 4:21

Na odi kyɛ ɔsoa nandwie nyii ne kɔ asikyeleɛ ne asi dɔ, ná ɔ́yera ye kyɛbɔ ɔyerale nandwie nyii bɔ oli moa ne; ɔte bɔne nwo afɔleɛ ma maen ne.

Lewitikɔso 4:5

Odi kyɛ ɔsɔfo bɔ bapopa ye ngoo ne, ɔfa nandwie ne mogya ne bie ná ɔfa ba ɛtena sua atenaleɛ ne anu;

Numeri 17:11

Mose yɔle sɔ ala; kyɛbɔ AWURADE hyɛle ye ne ala yeɛ ɔyɔle ɔ.

Numeri 28:15

Na odi kyɛ bɛfa abɔngye nyii ko bɛbɔ bɔne nwo afɔleɛ bɛma AWURADE. Bɛ́fa bɛ́boka daa biala naen yeralɛ afɔleɛ ne ɔne ye anonneɛ afɔleɛ ne aso.

Hebrifoɛ 2:17

Ɛhe ati, né ohia kyɛ ɔyɛ kyɛ oliɛma nemɔ wɔ atee biala so, amaa wahora wayɛ sɔfo panyi paa bɔ odi nahorɛ, bɔ ɔse anwumvoin wɔ Nyameɛ dwumadie nu, ná wafa ye nwo wayɛ mbata wama adasa bɔne.

Hebrifoɛ 5:3

Na ɔnate sɔ ne ati, nna mmenia bɛ bɔnefakyɛ afɔleɛ ngome yeɛ ɔbɔ ɔ; na mmom odi kyɛ ɔbɔ ye bɔbɔ ye deɛ koso.

Hebrifoɛ 6:19

Na anyelasoɛ he te sɛkyɛ bɔ otira yɛ kra nu ɔ; ɔnde, na ɔkɔworo ɛtena bɔ onwi nyameɛso Asɔneyɛɛ sua ne anu kɔ Krongron nu Krongron ne anu.

Hebrifoɛ 7:27

Ye de, ɔtte kyɛ asɔfo mbanyi paa hene mɔ, onhia kyɛ ɛlɛho biala odi moa bɔ ye bɔbɔ ye bɔne nwo afɔleɛ koraka na wabɔ maen deɛ, na mmom ɔfale ye nwo bɔle afɔleɛ pɛnko.

Hebrifoɛ 9:12

na wawura Krongron nu Krongron ne anu berɛ komapɛ. Wamva mbɔngye ne nandwie mmaa mogya yeɛ ɔɔbɔle afɔleɛ ɔ, na mmom ye bɔbɔ ye mogya yeɛ ɔfa bɔle afɔleɛ nyane daa ngoa mane yɛ ɔ.

Hebrifoɛ 9:13

Na sɛ nandwie nyii mogya ne mbɔngye mogya ne nandwie ba nzoen bɔ bɛfa bɛpete mmenia bɔ efiɛ aha bɛ nwo ne, ɔkora ma bɛ nwo te anwoɔnaen nu de a,

Hebrifoɛ 9:3

Né ɛtena sua bɔ bɛfrɛ ye Krongron nu Krongron wɔ mbɛmuɛ tena bɔ ɔtɔ so nyɔ ne asi.

Hebrifoɛ 9:7

Nakoso bɔ ɔtɔ so nyɔ ne anu de, ɔsɔfo panyi paa ne ngome yeɛ afoɛnoa biala ɔkɔ berɛ komapɛ twe ɔ; na ɔfa kaka mogya kɔbɔ ye bɔbɔ, ɔne maen ne amu bɛ bɔne nwo afɔleɛ.