Lewitikɔso 16:10 - AHYERƐLƐ KRONGRON

¹⁰ nakoso abɔngye ko bɔ serewa ne yele ye mane Asasɛl ne de, odi kyɛ bɛfa ye bɔ ɔte ngoa nu ɔ bɛba AWURADE nyunu bɛbayɛ mbata, ná bɛkɔɔyakyi ye ɛserɛ so bɛma Asasɛl.

Lewitikɔso 16:10 Iomraidhean Croise

Lewitikɔso 14:7

Na sona bɔ bɛ́te ye nwo béfi kwata anwonyerɛ nwo ne, odi kyɛ ɔsɔfo ne ɔfa mogya ne pete ye nwo pɛen nzoo. Afei odi kyɛ ɔfa to dwaa kyɛ sona ne nwo ate, ná ɔyakyi anomaa bɔ ɔte ngoa nu ne maa ɔkɔ buro.

Lewitikɔso 16:8

Odi kyɛ Aarɔn to mbɔngye nyɔ nemɔ aso serewa; ko te AWURADE deɛ, yeɛ ko koso te Asasɛl deɛ.

Lewitikɔso 16:9

Odi kyɛ Aarɔn fa abɔngye bɔ serewa ne yele ye mane AWURADE ne, ná ɔfa bɔ bɔne nwo afɔleɛ;

Romanfoɛ 3:25

Ye yeɛ Nyameɛ afa ye wasie berɛ kyɛ mbata nikye bɔ ɔnate ye mogya nu gyidie so, bɔ wafa wahyire ye tenenee kyɛ bɔne bɔ bayɔ ye daa ne, wakyikyi wafi berɛ wɔ Nyameɛ aboterɛ nu;

Romanfoɛ 4:25

ye bɔ ɔnate yɛ bɔne ti behuni ye, ná ɔnate yɛ bebualɛ ti betingyele ye ɔ.

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

1 Yohane 2:2

Ɔte yɛ bɔne nwo mbata; nna yɛ ngome yɛ deɛ nwo; na mmom ɔte wiase amukoraa koso bɔne nwo mbata.

1 Yohane 3:16

Na ɛhe yeɛ ɔmaa yɛnwu kyɛbɔ ɔdɔ si te ɔ: Kristo fale ye ngoa tole berɛ mane yɛ, na yɛ koso odi kyɛ yɛfa yɛ ngoa yɛto berɛ yɛma aliɛmaa nemɔ.