Lewitikɔso 15:5 - AHYERƐLƐ KRONGRON

⁵ Na ebiala bɔ ye nwo kɔha ye bɛen ne, odi kyɛ ɔpo ye nwo nningyein, ná ɔ́fa nzue bia, na ɔkɔyɛ sona bɔ ye nwo ɔnde ɔ maa okoodwu nɔsoa.

Lewitikɔso 15:5 Iomraidhean Croise

Edwein 26:6

Menwunzi me sa mefa mekyire kyɛ menni fɔ, na mepɛ w’afɔleɛ bokyea ne anwo mebra meyia, ao AWURADE;

Edwein 51:2

Nwunzi me nwo sannwuu fi m’amumuyɛɛ nwo, ná pete me nwo fi me bɔne nwo.

Edwein 51:7

Fa sufiɛ pete me nwo, na me nwo kofi; nwunzi me nwo, na me nwo kɔyɛ fufue kɔtra ewure.

Ɛksadɔso 19:10

Na AWURADE sele Mose kyɛ, “Kɔ mmenia nemɔ berɛ, ná pete bɛ nwo ɛnɛ ne ɛhema. Maa bɛpo bɛ nwo nningyein,

Yesaya 1:16

Ɛ́mɔnwunzi ɛmɔ nwo, ɛ́mɔpete ɛmɔ nwo, ɛ́mɔye ɛmɔ bɔne yɔleɛ ne béfi me nye so, ɛ́mɔyakyi bɔne yɔlɛ.

Yesaya 22:14

Na Asafo AWURADE waye me asotire kyɛ, “Susu amba kyɛ, sɔ amumuyɛɛ ne ati, mengɔfa ɛmɔ nwo ngɔhyɛ ɛmɔ kɔpem mmerɛ bɔ ɛmɔkowu ɔ,” Asafo AWURADE Nyameɛ noa dwirɛ ɛne.

Hesekiel 36:25

Ngɔfa nzue gyengɔgyengɔ ngɔpete ɛmɔ nwo, na ɛmɔ nwo kɔte kofi ɛmɔ nwo bɔ ɔnde ne amukoraa nwo, na ngɔte ɛmɔ nwo ngofi ɛmɔ mmosoen amukoraa nwo.

Hesekiel 36:29

Ngɔpepɛ ngole ɛmɔ ngofi ɛmɔ nwo bɔ ɔnde ne amukoraa nu; ngɔfrɛ aleɛ ngɔwa maa okobu, na mengɔma ɛhɔen biala ngɔwa ɛmɔ so.

Lewitikɔso 11:24

“Ɛhemɔ yeɛ ɔma ɛmɔ nwo gua fiɛ ɔ: ebiala bɔ ye nwo kɔha bɛ fuin ne, ye nwo kogua fiɛ maa okoodwu nɔsoa,

Lewitikɔso 11:25

na ebiala bɔ ɔkɔsoa bɛ nu biala fuin nen, odi kyɛ ɔpo ye nwo nningyein, na ye nwo kogua fiɛ maa okodwu nɔsoa.

Lewitikɔso 11:28

Ebiala bɔ ɔkɔsoa bɛ fuin ne, odi kyɛ ɔpo ye nwo nningyein, na ye nwo kogua fiɛ maa okoodwu nɔsoa; bɛ nwo nde mma ɛmɔ.

Lewitikɔso 11:32

Nikyee biala bɔ bɛ nu biala fuin kɔtɔ so ne, kyɛ bakaa yeɛ bafa bayɔ hɔ oo, anaa ɛtena oo, anaa nwomaa oo, anaa bɔtɔ oo, anaa nikyee biala bɔ bɛfa bɛyɔ adwuma biala oo, odi kyɛ bɛfa bewura nzue nu na ye nwo kogua fiɛ maa okoodwu nɔsoa koraka ne ye nwo ate.

Lewitikɔso 13:34

Ye ɛlɛsoo ne aso, odi kyɛ ɔsɔfo ɔneanea anwonyerɛ kyeekyee ne, ná sɛ anwonyerɛ ne wandrɛ wangɔ ye wereɛ nu ná wannidi wangɔ ye wereɛ nu a, ye de odi kyɛ ɔsɔfo ne fa to dwaa kyɛ sɔ sona ne ye nwo te. Odi kyɛ sɔ sona ne po ye nwo nningyein, ná ye nwo kɔte.

Lewitikɔso 13:6

Ɛlɛsoo ne aso, odi kyɛ ɔsɔfo ne osa neanea ye nwo, ná sɛ anwonyerɛ ne noa abrɛ ase bɔ wannidi wangɔ ye wereɛ nu a, ye de odi kyɛ ɔsɔfo ne fa to dwaa kyɛ sɔ sona ne ye nwo te; edoee mbaen ɔ; odi kyɛ sɔ sona ne, ɔpo ye nwo nningyein, ná ye nwo ɔte.

Lewitikɔso 14:27

ná ɔ́fa ye sa mmɛseka famaa pete ngoo bɔ ɔwɔ ye sa bɛen anu ne bie ne pɛen nzoo, AWURADE nyunu.

Lewitikɔso 15:18

Sɛ bienzua bie ne brasua bɛda, ná ye nwo nzue ba a, ɔsɛ kyɛ bɛ munyɔ bɛfa nzue bebia, na bɛ nwo kogua fiɛ maa okoodwu nɔsoa.

Lewitikɔso 15:4

Na bɛen biala bɔ sona bɔ ye bienzua fiti ne kɔla so ne, ye nwo kogua fiɛ; yeɛ nikyee biala bɔ ɔkɔtena so ne, ye nwo kogua fiɛ.

Lewitikɔso 15:6

Nikyee biala bɔ sona bɔ ye bienzua fiti watena so ne, sona biala bɔ ɔkɔtena so ne, odi kyɛ ɔpo ye nwo nningyein, ná ɔ́fa nzue obia, na ɔkɔyɛ sona bɔ ye nwo nde ɔ maa okoodwu nɔsoa.

Lewitikɔso 16:26

Sona bɔ ɔyɛ a, ɔkɔyakyi abɔngye ne ma Asasɛl ne, odi kyɛ ɔpo ye ndaadeɛ ná ɔfa nzue bia koraka né wahora wawa asikyeleɛ ne anu.

Lewitikɔso 16:28

Sona bɔ ɔkɔyera bɛ ne, odi kyɛ ɔpo ye ndaadeɛ ná ɔ́fa nzue bia koraka né wahora wawa asikyeleɛ ne anu.

Lewitikɔso 17:15

Sona biala, kuromani oo, ɛwɔfoɛ oo, bɔ okoli naenmvuin anaa naen biala bɔ kaka aboyaa bie ahu ye atete ye ne, odi kyɛ ɔpo ye nwo nningyein, ná ɔ́fa nzue bia, na ye nwo kogua fiɛ maa okoodwu nɔsoa koraka né ye nwo ate.

Numeri 19:10

Sona bɔ ɔkɔsesa nandwie beleɛ nzoen ne, odi kyɛ ɔpo ye nningyein, na ye nwo kogua fiɛ maa okoodwu nɔsoa. Ɛhe kɔyɛ ahyɛdeɛ afebɔɔ kɔla berɛ kɔma Yisraelfoɛ ne ɛwɔfoɛ bɔ waatena bɛ nu ɔ.

Numeri 19:22

Sona bɔ ye nwo nde ne, nikyee biala bɔ ye nwo kɔha ye ne, sɔ nikyee ne nwo kogua fiɛ, na ebiala bɔ ye nwo kɔha sɔ nikyee ne, ye nwo kogua fiɛ maa okoodwu nɔsoa.”

Hebrifoɛ 10:22

yiti ɛ́mɔma yɛfa nahorɛ ahone ne gyidie bɔ osi pi, ɔne ahone bɔ bate ye nwo bafi bɔne tiboa nu, ɔne nipadua bɔ bafa nzue gyengɔgyengɔ babia ye ɔ yɛhwe yɛpingye Nyameɛ.

Hebrifoɛ 9:14

nzaade Kristo bɔ ɔnate Sunzum bɔ ɔwɔ berɛ afebɔɔ ne aso fale ye nwo bɔle afɔleɛ bɔ ngekalewa biala nne ye nwo mane Nyameɛ nen, ɔkɔyɛ sɛɛ bɔ ye mogya ngɔte yɛ tiboa nwo ngofi yɔleɛ mbaen mbaen nwo ma yɛngɔso Nyameɛ teasefoɛ ne ɔ?

Hebrifoɛ 9:26

Na sɛ ɔtte sɔ de a, ahaa ɔsɛ kyɛ Kristo taa nwu amaneɛ fite kyɛ Ɛdangama bɔle aleɛ ɔ. Nakoso waye ye nwo ali komapɛ wɔ mmerɛ bɔ ewiase kɔ ye ayieleɛ ye, na wafa ye bɔbɔ ye nwo wabɔ afɔleɛ wakyikyi bɔne.

Yakobo 4:8

Ɛmɔhwe bepingye Nyameɛ, na ye koso ɔkɔhwe kopingye ɛmɔ. Ɛmɔ, bɔnefoɛ mɔ, ɛ́mɔnwunzi ɛmɔ sa, ná ɛ́mɔte ɛmɔ ahone nu, ɛmɔ bɔ ɛmɔ adwene yɛ ɛmɔ ndaa ndaa ɔ!

Nyekyire 7:14

Na mmuale ye kyɛ, “Me mene, wɔ yeɛ ɛse ɔ.” Na osele me kyɛ, “Ɛhemɔ ole bɛ bɔ bafa amaneɛ piri ne anu bafite, ná bapo bɛ ndaadeɛ maa wayɛ fufue wɔ Boaen Ba ne mogya nu ɔ.

1 Samuel 20:26

Sɔɔlo anga hwee sɔ kyẽa ne, ofikyɛ osusuli kyɛ, “Nikyee bie asi ye ate, ye nwo agua fiɛ, amba ye nwo agua fiɛ.”