Lewitikɔso 15:32 - AHYERƐLƐ KRONGRON

³² Mmeraa he yeɛ ɔla berɛ ma bienzua biala bɔ ye bienzua kofiti, anaa bienzua biala bɔ ye nwo nzue kɔwa maa ye nwo kogua fiɛ ɔ,

Lewitikɔso 15:32 Iomraidhean Croise

Hesekiel 43:12

Awuro ne, ye nwo mmeraa ɛhe: Bokaa ne ti afia, ɔne ye nwo wɛen bɔ ɔpɛ ye nwo wabra wayia amukoraa te krongron nu krongron. Tie, awuro ne nwo mmeraa ɛne.

Lewitikɔso 11:46

Ɛhe ole mmeraa bɔ ɔfa aseɛnwo ngaka, nnomaa, nzue nu kaka biala bɔ ole ngoa ɔne kaka biala bɔ ɔtwe ye nwo ase nwo ɔ,

Lewitikɔso 13:59

Mmeraa bɔ ɔfa kwata anwonyerɛ bɔ ɔwɔ ataadeɛ nu nwo ɛhe: kyɛ bafa boaen nwiaa anaa gyese banwo ɔ, anaa bɔ bafa kundu anaa nwomaa bapa ɔ. Ɛhe kɔmaa ekonwu kyɛ ye nwo te anaa ye nwo nde.

Lewitikɔso 14:2

“Kyẽa bɔ bɛte kwataniɛ nwo ne, mmeraa bɔ ɔla berɛ ma ye ɛhe: Odi kyɛ bɛfa ye bɛbrɛ ɔsɔfo ne;

Lewitikɔso 14:32

Sona bɔ kwata anwonyerɛ kɔyɛ ye nakoso ye nwo ngɔso nningyein bɔ bɛfa bɛbɔ afɔleɛ bɛpete ye nwo ne, sɔ mmeraa he yeɛ ɔla berɛ ma ye ɔ.”

Lewitikɔso 14:54

Mmeraa bɔ ɔla berɛ ma kwata anwonyerɛ biala ɛhe: asee,

Lewitikɔso 15:16

“Sɛ bienzua bie nwo nzue ba a, odi kyɛ ɔfa nzue bia ye nwo amukoraati, na ɔkɔyɛ sona bɔ ye nwo nde ɔ maa okoodwu nɔsoa.

Lewitikɔso 15:31

“Sɔa yeɛ odi kyɛ ɛmɔyɔ bɛfa bɛte Yisraelfoɛ nwo befi nningyein bɔ ogua bɛ nwo fiɛ nwo ɔ, amaa bamva efiɛ banga me ɛtena sua ne, ná ɔnate bɛ nwo bɔ wagua fiɛ ne ati banwuwu.”

Lewitikɔso 15:33

ɔne brasua biala bɔ okobu ye sa, bienzua anaa brasua biala bɔ ye nwo nzue kogua, yeɛ bienzua biala bɔ ɔne brasua bɔ ye nwo nde kɔla ɔ.

Numeri 19:14

Sɛ sona wu wɔ ɛtena sua nu a, ye wo mmeraa ɛhe: ebiala bɔ ɔkɔhɔ sɔ ɛtena sua ne anu, ɔne ebiala bɔ ɔwɔ sɔ ɛtena sua ne anu ne, ye nwo kogua fiɛ ɛlɛsoo.

Numeri 5:29

Ɛhe ole nungunɛhwenɛ nwo mmeraa, na ɔfa brasua bɔ ɔtɛ gya ohu, ná koso okofi ohu asi kogua ye nwo fiɛ nwo.

Numeri 6:13

Sɛ mmerɛ bɔ nasiriteniɛ ne wafa watu ye nwo wasie berɛ wama AWURADE ne ɔba ayieleɛ a, ye nwo mmeraa ɛhe: odi kyɛ bɛfa ye bɛbagyina ɛtena sua atenaleɛ anoa nu berɛ.