Lewitikɔso 15:31 - AHYERƐLƐ KRONGRON

³¹ “Sɔa yeɛ odi kyɛ ɛmɔyɔ bɛfa bɛte Yisraelfoɛ nwo befi nningyein bɔ ogua bɛ nwo fiɛ nwo ɔ, amaa bamva efiɛ banga me ɛtena sua ne, ná ɔnate bɛ nwo bɔ wagua fiɛ ne ati banwuwu.”

Lewitikɔso 15:31 Iomraidhean Croise

Edwein 66:18

Sɛ ndwenene bɔne nwo wɔ me ti anu a, ahaa AWURADE andie me sufrɛ.

Hesekiel 23:38

Basa bayɔ ɛhe koso batia me: Sɔ kyẽa ne ala, bagua me nekaa krongron ne anwo fiɛ, yeɛ bagua m’afofingyẽa nemɔ koso nwo fiɛ.

Hesekiel 36:17

“Sona awa, mmerɛ bɔ né Yisrael awuro ama bɛte b’aseɛ so ne, bɛfale bɛ suban ne bɛ yɔleɛ beguale aseɛ ne anwo fiɛ. Na me nye so de, bɛ bra ne yɛle kyɛ brasua bɔ wabu ye sa ɔ ye nwo bɔ ɔnde ɔ.

Hesekiel 44:23

Odi kyɛ bekyirekyire me maen nzonzoleɛ bɔ ɔla krongron nningyein ɔne nningyein mbaen b’afia ɔ, ná bɛmaa benwu nzonzoleɛ bɔ ɔla nningyein bɔ bɛ nwo nde ɔne bɔ bɛ nwo te ɔ b’afia.

Hesekiel 5:11

Na kyɛbɔ nde ase ye de, nahorɛ nu, ɔnate kyɛ afa wɔ bra fiɛ amukoraa ne akyiwadeɛ yɔleɛ amukoraa agua me nekaa krongron ne anwo fiɛ ne ati, me koso ngɔye me sa ngofi wɔ bo, bɔ mengɔkorɔkorɔ wɔ anaa mengonwu wɔ anwumvoin ɔ, AWURADE Nyameɛ noa dwirɛ ɛne.

Daniel 9:27

Ɔne mmeni pee bɛkɔyɛ apam kitii afoɛ nzoo. Na afoɛ nzoo ne, ye bue ko, ɔkɔbera ngaka afɔleɛbɔlɛ ne aleɛ afɔleɛbɔlɛ. Busueniɛ ne, ɔkɔfa akyiwadeɛ amoen ne kosie asɔneyɛɛ sua ne anu, kɔpem kyɛ ɛsɛkyelɛ mmerɛ bɔ Nyameɛ ahyehyɛ ato berɛ ama busueniɛ ne ɔkɔto ye ɔ.

Lewitikɔso 11:47

kyɛ ɛmɔkɔma nzonzoleɛ kɔla nningyein bɔ bɛ nwo te ɔne bɛbɔ bɛ nwo nde afia; ngaka bɔ odi kyɛ ɛmɔdi ɔne bɔ onni kyɛ ɛmɔdi ɔ afia.

Lewitikɔso 13:59

Mmeraa bɔ ɔfa kwata anwonyerɛ bɔ ɔwɔ ataadeɛ nu nwo ɛhe: kyɛ bafa boaen nwiaa anaa gyese banwo ɔ, anaa bɔ bafa kundu anaa nwomaa bapa ɔ. Ɛhe kɔmaa ekonwu kyɛ ye nwo te anaa ye nwo nde.

Lewitikɔso 15:32

Mmeraa he yeɛ ɔla berɛ ma bienzua biala bɔ ye bienzua kofiti, anaa bienzua biala bɔ ye nwo nzue kɔwa maa ye nwo kogua fiɛ ɔ,

Lewitikɔso 19:30

Ɛ́mɔli m’afofingyẽa so, ná ɛ́mɔli me nekaa krongron ne ni: Me ole AWURADE.

Lewitikɔso 20:3

Me bɔbɔ deinn ngotu me nye ngosie sɔ sona ne aso, na ngɔpɛ ye asue ngofi ye maen nu, ofikyɛ wafa ɔwa wama Moleke; wafa efiɛ waha me nekaa krongron ne, na wagua me dumaa krongron ne anyunu ase.

Lewitikɔso 21:23

Nakoso ɔnate kyɛ wali nnɛen ne ati, nnɛmaa opingye mbɛmuɛ tena ne anaakyɛ ɔba afɔleɛ bokyea ne anwo, ná wamva efiɛ wanga nekaa krongron ne, ɔne nu nningyein; ofikyɛ me ole AWURADE bɔ mete bɛ nwo ɔ.”

Numeri 19:13

Ebiala bɔ ye nwo kɔha sona fuin, ná wambete ye nwo ne, ɔfa fiɛ ka AWURADE nyianu sua ne. Sɔ sona ne, odi kyɛ bɛpɛ ye asue befi Yisrael. Ɔnate kyɛ bamva nzue bɔ bɛfa bɛpete bɛ nwo ne bie bambete ye nwo ne ati, ye nwo nde, na ye nwo bɔ wagua fiɛ ne tɛ wɔ berɛ.

Numeri 19:20

Sona biala bɔ ye nwo agua fiɛ, nakoso bande ye nwo ne, sɔ sona ne odi kyɛ bɛpɛ ye asue befi mmenia ne anu, ofikyɛ wagua AWURADE nekaa krongron ne anwo fiɛ. Ɔnate kyɛ banhwie nzue krongron ne bangua ye nwo ne ati, ye nwo nde.

Numeri 5:3

Kyɛ bienzua ahɔ oo, anaa brasua ahɔ oo, ɛ́mɔtu ye maa ɔhɔ asikyeleɛ ne asi dɔ. Onni kyɛ b’asikyeleɛ bɔ me ne bɛ yɛte nu ne, bɛfa efiɛ bɛka ye.”

1 Korintofoɛ 3:17

Yiti sɛ ebie sɛkye Nyameɛ asɔneyɛɛ sua a, Nyameɛ koso kɔsɛkye ye, ofikyɛ Nyameɛ asɔneyɛɛ sua te krongron, na ɛmɔ ole ye Asɔneyɛɛ sua ne.

Deuteronomi 24:8

“Sɛ kwata anwonyerɛ yɛ wɔ a, nikyee biala bɔ Lewifoɛ bɔ bɛte asɔfo ne kohyire wɔ kyɛ ɛyɔ ne, nea kyɛ ɛkɔyɔ ye pɛpɛɛpɛ ɔ; na kyɛbɔ mahyɛ bɛ nen, sɔ ala yeɛ yɔ ɔ.

Hebrifoɛ 10:29

Sɛ ɔte sɔ de a, nzaade sona bɔ okobu Nyameɛ Awa ne animtia, ná wabu apam mogya bɔ bafa bate ye nwo ne kyɛ ye nwo nde, ná wafa adom Sunzum ne nyunu watwitwi ase ne, nzikyɛ asohwenɛ yeɛ ɛmɔsusu kyɛ ɔfata ye ɔ?

Yuda 1:4

Ofikyɛ mmenia biemɔ bawuawua bɛ nwo baawura ɛmɔ nu, mmenia bɔ ofi tetetete bahyerɛ bɛ nwo dwirɛ bato berɛ bama ndɛenbualɛ he, amumuyɛɛfoɛ bɔ bafa yɛ Nyameɛ adom ne bakakyi ahowibra, ná bɛpo Awurade Yesu Kristo bɔ ɔte yɛ Meneɛ komapɛ ne ɔ.

1 Samuel 3:14

Na ɔnate sɔ ati, meta Eli abusua nwo ndaen kyɛ, kaka afɔleɛ anaa aleɛ afɔleɛ biala nne berɛ bɔ ɔkɔhora kɔpata kɔma Eli abusua amumuyɛɛ ɔ le.”