Lewitikɔso 15:29 - AHYERƐLƐ KRONGRON

²⁹ Ye ɛlɛbɔtwɛ ne aso, odi kyɛ braa ne fa mmubure nyɔ anaa mmorɔnoma buruwa nyɔ brɛ ɔsɔfo ne wɔ ɛtena sua atenaleɛ anoa nu berɛ.

Lewitikɔso 15:29 Iomraidhean Croise

Lewitikɔso 12:6

“Na ngyẽa bɔ braa ne ɔfa pete ye nwo ne yie a, kyɛ baa bienzua deɛ oo, anaa baa brasua deɛ oo, odi kyɛ ɔfa ɛhemɔ brɛ ɔsɔfo ne wɔ ɛtena sua atenaleɛ ne nyunu berɛ: boaen akrɔngrɔma bɔ wali afoɛ ko bɔ ɔbaafa bɔ naen yeralɛ afɔleɛ, ɔne aborɔnoma buruwa ko anaa aborɔma ko bɔ ɔbaafa bɔ bɔne nwo afɔleɛ ɔ.

Lewitikɔso 12:8

Na sɛ braa ne nwo ngɔso boaen so a, ye de ɔ́fa mmubure nyɔ anaa mmorɔnoma buruwa nyɔ ɔ́bra; ko te naen yeralɛ afɔleɛ, yeɛ ko wora te bɔne nwo afɔleɛ; odi kyɛ ɔsɔfo ne fa yɛ mbata ma braa ne ma ye nwo fi.”

Lewitikɔso 15:14

Ye ɛlɛbɔtwɛ ne aso, odi kyɛ ɔfa mmorɔma nyɔ anaa mmorɔnoma buruwa nyɔ ɔba AWURADE nyunu wɔ ɛtena sua atenaleɛ anoa nu berɛ, ná ɔ́fa bɛ ma ɔsɔfo ne.

Lewitikɔso 15:28

Nakoso sɛ mogya bɔ wanwu ye nyunu ne pɛ a, odi kyɛ ɔma ɛlɛsoo pɛ nu, na ye si ye ɔkɔyɛ sona bɔ ye nwo te ɔ.

Lewitikɔso 15:30

Odi kyɛ ɔsɔfo ne fa ko bɔ bɔne nwo afɔleɛ, ná ɔfa ko koso bɔ naen yeralɛ afɔleɛ; na ɔsɔfo ne kɔpata kɔma ye wɔ AWURADE nyunu, ɔnate mogya bɔ onwuni ye nyunu maa ye nwo guale fiɛ ne ati.

Lewitikɔso 9:1

Ɛlɛbɔtwɛ ne aso Mose tole ye sa frɛle Aarɔn ne ye mma mmienzua nemɔ ɔne Yisrael mbanyi;

Numeri 6:10

Ye ɛlɛbɔtwɛ ne aso, odi kyɛ ɔfa mmubure nyɔ anaa mmorɔnoma buruwa nyɔ brɛ ɔsɔfo ne wɔ ɛtena sua atenaleɛ anoa nu berɛ.

Mateo 21:12

Yesu wurale [Nyameɛ] asɔneyɛɛ sua ne anu, na ɔfoane bɛ bɔ bɛtɔne nningyein ne bɛ bɔ bɛtɔ amukoraa fili asɔneyɛɛ sua nu berɛ. Na obutubutuli sikaasesãlɛfoɛ bɛ poen nemɔ, yeɛ bɛ bɔ bɛtɔne mmorɔnoma ɔ bɛ bia mɔ.