Lewitikɔso 15:28 - AHYERƐLƐ KRONGRON

²⁸ Nakoso sɛ mogya bɔ wanwu ye nyunu ne pɛ a, odi kyɛ ɔma ɛlɛsoo pɛ nu, na ye si ye ɔkɔyɛ sona bɔ ye nwo te ɔ.

Lewitikɔso 15:28 Iomraidhean Croise

Lewitikɔso 15:27

Ebiala bɔ ɔkɔfa ye nwo kɔha sɔ nningyein nemɔ nen, ye nwo kogua fiɛ; odi kyɛ ɔpo ye nwo nningyein, ná ɔfa nzue bia, na ɔkɔyɛ sona bɔ ye nwo nde ɔ maa okoodwu nɔsoa.

Lewitikɔso 15:29

Ye ɛlɛbɔtwɛ ne aso, odi kyɛ braa ne fa mmubure nyɔ anaa mmorɔnoma buruwa nyɔ brɛ ɔsɔfo ne wɔ ɛtena sua atenaleɛ anoa nu berɛ.

Mateo 1:21

Ɔkɔwo baa bienzua, né ato ye dumaa Yesu, ɔnate kyɛ ye yeɛ okole ye mmenia kofi bɛ bɔne nu ɔ.”

1 Korintofoɛ 1:30

Ngoa bɔ ɛmɔle ye wɔ Yesu nu ne fi Nyameɛ berɛ, na Nyameɛ afa Kristo ayɛ yɛ nworɛ, yɛ tenenee, yɛ fawɔnwodi ne krongronyɛlɛ.

1 Korintofoɛ 6:11

Na sɔ yeɛ né ɛmɔ nu biemɔ bɛte ɔ, nakoso ɔnate Awurade Yesu Kristo dumaa ne yɛ Nyameɛ Sunzum ne ati, Nyameɛ abia ɛmɔ, wate ɛmɔ nwo, na wabua ɛmɔ be.

Galatiafoɛ 3:13

Kristo ɔɔyɛle abusudeɛ mane yɛ, na ɔnate so wapɔ yɛ wafi mmeraa musue nu; ofikyɛ bahyerɛ kyɛ, “Banoma sona biala bɔ basinze ye wɔ bakaa so ɔ.”

Galatiafoɛ 4:4

Nakoso mmerɛ bɔ Nyameɛ ahyehyɛ ato berɛ ne dwuli ne, ɔsomane Ɔwa ne maa ɔwale. Brasua yeɛ ɔwole ye ɔ, na bɛwole ye bewurale mmeraa ne abo,