Lewitikɔso 15:25 - AHYERƐLƐ KRONGRON

²⁵ “Sɛ brasua nwu mogya nyunu ngyẽa pee wɔ aberɛ bɔ nna ye sabulɛ mmerɛ ahɔ ɔ a, anaa obu ye sa maa ɔtra kyẽa bɔ ɔsɛ kyɛ ofi ne a, mmerɛ bɔ onwu mogya nyunu ne amukoraati, ɔkɔhɔ so kɔyɛ sona bɔ ye nwo nde ɔ, kyɛ mmerɛ bɔ ɔfa bu ye sa ne ala, na ɔkɔyɛ sona bɔ ye nwo nde ɔ.

Lewitikɔso 15:25 Iomraidhean Croise

Lewitikɔso 15:26

Mmerɛ bɔ ɔtɛnwu mogya nyunu ne amukoraati, bɛen biala bɔ ɔkɔla so ne, bekobu bɛen ne kyɛ ye nwo nde, kyɛ ye bɛen bɔ ɔkɔla so mmerɛ bɔ wabu ye sa ne ala; na nikyee biala bɔ ɔkɔtena so ne, ye nwo kogua fiɛ, kyɛ mmerɛ bɔ wabu ye sa ne ala.

Mateo 9:20

Na yieee, braa bie bɔ mogya atu ye afoɛ buru ne nyɔ ɔ fale Yesu si, na ɔfale ye sa hane ye ataadeɛ noa bɔ banwo ne.

Marko 5:25

Né braa bie bɔ mogya atu ye afoɛ buru ne nyɔ ɔ ɔboka so.

Luka 8:43

Né braa bie bɔ mogya atu ye afoɛ buru ne nyɔ ɔ ɔfora bɛ nu. [Né bɔ ole ye amukoraa wafi ye sa wɔ safoɛ mɔ sa nu], nakoso ebiala angora wanza ye anwonyerɛ.