Lewitikɔso 15:19 - AHYERƐLƐ KRONGRON

¹⁹ “Sɛ brasua bu ye sa a, ɔkɔyɛ sona bɔ ye nwo nde ɔ ɛlɛsoo, na ebiala bɔ ye nwo kɔha sɔ sona nen, ɔkɔyɛ sona bɔ ye nwo nde ɔ maa okoodwu nɔsoa.

Lewitikɔso 15:19 Iomraidhean Croise

Awuye 1:17

Sion atrɛtrɛ ye sa nu, na olle ebiala maa ɔngyekye ye wora. AWURADE ama Yakob nwo ahyɛdeɛ, kyɛ ye pɔfoɛ mɔ bɛpɛ ye nwo beyia. Yerusalem akakyi kyɛ nikyee bɔ ye nwo nde ɔ wɔ bɛ nu.

Hesekiel 36:17

“Sona awa, mmerɛ bɔ né Yisrael awuro ama bɛte b’aseɛ so ne, bɛfale bɛ suban ne bɛ yɔleɛ beguale aseɛ ne anwo fiɛ. Na me nye so de, bɛ bra ne yɛle kyɛ brasua bɔ wabu ye sa ɔ ye nwo bɔ ɔnde ɔ.

Lewitikɔso 12:2

“Ka kyire Yisrael ama kyɛ sɛ brasua ɔnwonzɛ, ná ɔwo bienzua a, ye nwo kogua fiɛ alaa ɛlɛsoo, ye nwo kogua fiɛ kyɛ mmerɛ bɔ wabu ye sa ne ala.

Lewitikɔso 12:4

Braa ne koli ngyẽa eleburasa ne nza koraka né ye nwo ate afi mogya bɔ wagua ye ne anwo; onni kyɛ ɔfa ye nwo ka nikyee biala bɔ ɔte krongron ɔ, anaa ɔkɔ nekaa krongron ne anu kɔpem kyẽa bɔ ɔkɔpete ye nwo ne koyie ɔ.

Lewitikɔso 15:20

Nikyee biala bɔ sɔ brasua ne kɔla so wɔ mmerɛ bɔ wabu ye sa ne, ɔkɔyɛ nikyee bɔ ye nwo nde ɔ; yeɛ nikyee biala bɔ ɔkɔtena so ne koso, ɔkɔyɛ nikyee bɔ ye nwo nde ɔ.

Lewitikɔso 20:18

Sɛ bienzua bie ne brasua bɔ wabu ye sa bɛda a, wabukye nekaa bɔ brasua ne mogya fi ba ɔ so, yeɛ brasua ne koso wabukye nekaa bɔ ye bɔbɔ ye mogya fi ba ɔ so; odi kyɛ bɛpɛ bɛ munyɔ asue befi maen ne anu.

Lewitikɔso 22:5

ebiala bɔ ye nwo kɔha kaka biala bɔ ɔtwe ye nwo ase maa ye nwo kogua fiɛ ɔ, sona biala bɔ ye nwo agua fiɛ bɔ ɔkɔma ye nwo kogua fiɛ ɔ, ɔmva ye nwo nikye horɛ bɔ wama sona ne nwo agua fiɛ ɔ.

Mateo 15:19

Ofikyɛ ahone nu yeɛ adwenemmɔne, awuelilɛ, agyaasɛkyelɛ, adwamanbɔlɛ, awue, adanzewia ne musue dwirɛ fi ba ɔ.

Marko 5:25

Né braa bie bɔ mogya atu ye afoɛ buru ne nyɔ ɔ ɔboka so.