Lewitikɔso 15:15 - AHYERƐLƐ KRONGRON

¹⁵ Na afei odi kyɛ ɔsɔfo ne fa nnomaa nemɔ ko bɔ bɔne nwo afɔleɛ ná ɔ́fa ko koso ɔbɔ naen yeralɛ afɔleɛ. Ɔsɔfo ne kogyina sona ne gya nu kɔpata kɔma ye wɔ Nyameɛ nyunu, ɔnate ye bienzua bɔ né ofiti ne ati.

Lewitikɔso 15:15 Iomraidhean Croise

Lewitikɔso 11:24

“Ɛhemɔ yeɛ ɔma ɛmɔ nwo gua fiɛ ɔ: ebiala bɔ ye nwo kɔha bɛ fuin ne, ye nwo kogua fiɛ maa okoodwu nɔsoa,

Lewitikɔso 11:25

na ebiala bɔ ɔkɔsoa bɛ nu biala fuin nen, odi kyɛ ɔpo ye nwo nningyein, na ye nwo kogua fiɛ maa okodwu nɔsoa.

Lewitikɔso 11:27

Na ngaka amukoraa bɔ bɛnate bɛ gya nna so ne, bɛ nu biala bɔ ɔnate ye gya tasaa nu ne, ye nwo nde mma ɛmɔ; ebiala bɔ ye nwo kɔha bɛ fuin ne, ye nwo kogua fiɛ maa okoodwu nɔsoa.

Lewitikɔso 11:28

Ebiala bɔ ɔkɔsoa bɛ fuin ne, odi kyɛ ɔpo ye nwo nningyein, na ye nwo kogua fiɛ maa okoodwu nɔsoa; bɛ nwo nde mma ɛmɔ.

Lewitikɔso 11:31

Bɛ bɔ bɛtwe bɛ nwo ase ne, ɛhemɔ bɛ nwo nde mma ɛmɔ. Sɛ bewu a, ebiala bɔ ye nwo kɔha bɛ fuin ne, ye nwo kogua fiɛ maa okoodwu nɔsoa.

Lewitikɔso 11:32

Nikyee biala bɔ bɛ nu biala fuin kɔtɔ so ne, kyɛ bakaa yeɛ bafa bayɔ hɔ oo, anaa ɛtena oo, anaa nwomaa oo, anaa bɔtɔ oo, anaa nikyee biala bɔ bɛfa bɛyɔ adwuma biala oo, odi kyɛ bɛfa bewura nzue nu na ye nwo kogua fiɛ maa okoodwu nɔsoa koraka ne ye nwo ate.

Lewitikɔso 11:39

“Kaka biala bɔ ɛmɔle ate kyɛ bedi ne, sɛ owu a, sona biala bɔ ye nwo kɔha ye fuin ne, ye nwo kogua fiɛ maa okoodwu nɔsoa.

Lewitikɔso 11:40

Sona biala bɔ okoli ye naenmvuin ne bie ne, odi kyɛ ɔpo ye nwo nningyein, na ye nwo kogua fiɛ maa okodwu nɔsoa; sona bɔ ɔkɔsoa kaka fuin ne koso, odi kyɛ ɔpo ye nwo nningyein na ye nwo kogua fiɛ maa okoodwu nɔsoa.

Lewitikɔso 12:7

Odi kyɛ ɔsɔfo ne fa bɔ afɔleɛ wɔ AWURADE nyunu, ná ɔ́fa yɛ mbata ma braa ne. Afei braa ne nwo kɔte kofi mogya bɔ wagua ye ne anwo. Mmeraa he wɔ berɛ ma brasua biala bɔ ɔkɔwo baa bienzua anaakyɛ baa brasua ɔ.

Lewitikɔso 12:8

Na sɛ braa ne nwo ngɔso boaen so a, ye de ɔ́fa mmubure nyɔ anaa mmorɔnoma buruwa nyɔ ɔ́bra; ko te naen yeralɛ afɔleɛ, yeɛ ko wora te bɔne nwo afɔleɛ; odi kyɛ ɔsɔfo ne fa yɛ mbata ma braa ne ma ye nwo fi.”

Lewitikɔso 4:20

Kyɛbɔ ɔfale bɔne nwo afɔleɛ nandwie nyii ne yɔle ne, sɔ ala yeɛ ɔsɛ kyɛ ɔfa sɔ nandwie ne ɔyɔ ɔ. Ɔsɔfo ne kɔpata kɔma bɛ, ná Nyameɛ kɔfa bɛ bɔne kɔhyɛ bɛ.

Lewitikɔso 4:26

Odi kyɛ ɔyera ye loe ne amu wɔ afɔleɛ bokyea ne aso kyɛbɔ ɔyerale asomdwee afɔleɛ ɛloe nen. Ɔsɔfo ne kɔpata wɔ sona ne bɔne nwo kɔma ye, na Nyameɛ kɔfa ye bɔne kɔhyɛ ye.

Lewitikɔso 4:31

Na odi kyɛ ɔye ye loe ne amu, kyɛbɔ bɛye ɛloe befi asomdwee afɔleɛ nu ne, na ɔsɔfo ne ɔ́yera ye wɔ afɔleɛ bokyea ne aso maa ɔ́yɛ nikyee bɔ ɔbo AWURADE fona ɔ. Ɔsɔfo ne kɔpata kɔma ye, na Nyameɛ kɔfa ye bɔne kɔhyɛ ye.

Lewitikɔso 4:35

Na odi kyɛ ɔye ye loe ne amukoraati, kyɛbɔ bɛye asomdwee afɔleɛ boaen nu loe ne, na odi kyɛ ɔsɔfo ne ɔfa gua afɔleɛ bɔ bafa babrɛ AWURADE ne aso, ná ɔyera ye wɔ afɔleɛ bokyea ne aso; na ɔsɔfo ne kɔpata kɔma ye wɔ bɔne bɔ wayɔ ne anwo, na Nyameɛ kɔfa ye bɔne kɔhyɛ ye.

Numeri 15:25

Odi kyɛ ɔsɔfo ne pata ma Yisrael maen ne amu, na AWURADE kɔfa bɛ bɔne kɔhyɛ bɛ. Banhyɛ da, yeɛ afei babɔ afɔleɛ wɔ see so bama AWURADE, na babɔ bɛ bɔne nwo afɔleɛ wɔ AWURADE nyunu, ɔnate bɛ mvomsoɛ ti.

Numeri 25:13

Na ɛhe kɔyɛ daa sɔfolilɛ nwo apam kɔma ye ne ye boso ama, ofikyɛ wagyina ye gya nu pindinn wama ye Nyameɛ, na wapata wama Yisraelfoɛ.”

Mateo 3:17

na yieee, edwudwolɛ bie fili nyameɛso wale kyɛ, “Mma bɔ ɔla m’ahone nwo ná me nye gye ye nwo paa ne ɛhe.”

Ɛfesofoɛ 1:6

amaa ɔnate so yaye ye animnyam adom bɔ ɔnate ye ahone nu Ba ne aso wafa walo yɛ ne ayɛ.

Hebrifoɛ 1:3

Ye yeɛ ɔte Nyameɛ animnyam hyireinn ne, ɔne ye sue kaenn, na ole ye tumi dwirɛ ne yeɛ otira nningyein mukoraa nu ɔ. Na ɔtele yɛ nwo fili yɛ bɔne nwo yiele nen, ɔɔtenane Tuminiɛ Nyameɛ sa famaa so wɔ nyameɛso.