Lewitikɔso 15:14 - AHYERƐLƐ KRONGRON

¹⁴ Ye ɛlɛbɔtwɛ ne aso, odi kyɛ ɔfa mmorɔma nyɔ anaa mmorɔnoma buruwa nyɔ ɔba AWURADE nyunu wɔ ɛtena sua atenaleɛ anoa nu berɛ, ná ɔ́fa bɛ ma ɔsɔfo ne.

Lewitikɔso 15:14 Iomraidhean Croise

Lewitikɔso 1:14

“Sɛ nnomaa yeɛ ɔfa bɔ naen yeralɛ afɔleɛ ma AWURADE a, ye de odi kyɛ ɔma ye afɔleɛ ne yɛ mmorɔma anaa aborɔnoma buruwa.

Lewitikɔso 12:6

“Na ngyẽa bɔ braa ne ɔfa pete ye nwo ne yie a, kyɛ baa bienzua deɛ oo, anaa baa brasua deɛ oo, odi kyɛ ɔfa ɛhemɔ brɛ ɔsɔfo ne wɔ ɛtena sua atenaleɛ ne nyunu berɛ: boaen akrɔngrɔma bɔ wali afoɛ ko bɔ ɔbaafa bɔ naen yeralɛ afɔleɛ, ɔne aborɔnoma buruwa ko anaa aborɔma ko bɔ ɔbaafa bɔ bɔne nwo afɔleɛ ɔ.

Lewitikɔso 12:8

Na sɛ braa ne nwo ngɔso boaen so a, ye de ɔ́fa mmubure nyɔ anaa mmorɔnoma buruwa nyɔ ɔ́bra; ko te naen yeralɛ afɔleɛ, yeɛ ko wora te bɔne nwo afɔleɛ; odi kyɛ ɔsɔfo ne fa yɛ mbata ma braa ne ma ye nwo fi.”

Numeri 6:10

Ye ɛlɛbɔtwɛ ne aso, odi kyɛ ɔfa mmubure nyɔ anaa mmorɔnoma buruwa nyɔ brɛ ɔsɔfo ne wɔ ɛtena sua atenaleɛ anoa nu berɛ.

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

Hebrifoɛ 10:10

Na ɔnate apɛdeɛ he aso bafa Yesu Kristo nipadua afɔleɛ ne aso bate yɛ nwo pɛnko.

Hebrifoɛ 10:12

Nakoso Yesu de, ɔbɔle bɔne nwo afɔleɛ komapɛ twe bɔ odi mu afebɔɔ yiele nen, ɔtenane Nyameɛ sa famaa so,

Hebrifoɛ 10:14

Ofikyɛ ɔnate afɔleɛ komapɛ bɔ ɔbɔle ne aso wama bɛ bɔ Nyameɛ te bɛ nwo ne ali mu afebɔɔ.

Hebrifoɛ 7:26

Yiti ɔsɔfo panyi paa bɔ ɔte sɔa yeɛ ɔfata kyɛ yɛnya ɔ. Ɔte krongron, mvomsoɛ anaa bɔne biala nne ye nwo, baye ye basie ahameɛ bafi bɔnefoɛ nu, na babɔ ye panyi paa wɔ nyameɛso.