Lewitikɔso 15:13 - AHYERƐLƐ KRONGRON

¹³ “Sona bɔ ye bienzua fiti ne, sɛ ye nwo sa a, odi kyɛ otu ɛlɛsoo sie berɛ fa pete ye nwo. Afei odi kyɛ ɔpo ye nwo nningyein ná ɔ́fa mbombonzue gyengɔɔ obia, na ye nwo kɔte.

Lewitikɔso 15:13 Iomraidhean Croise

Ɛksadɔso 29:35

“Sɔ yeɛ yɔ ma Aarɔn ne ye mma nemɔ ɔ, kyɛbɔ mahyɛ wɔ ne amukoraa; fa ɛlɛsoo yeɛ hyɛ bɛ sɔfo ɔ.

Ɛksadɔso 29:37

Fa ɛlɛsoo pata wɔ afɔleɛ bokyea ne aso, te ye nwo, na afɔleɛ bokyea ne kɔyɛ krongron paa, na nikyee biala bɔ ye nwo kɔha afɔleɛ bokyea nen, ɔkɔyɛ krongron.

Yeremia 33:8

B’amumuyɛɛ amukoraa bɔ ɔnate so bayɔ bɔne batia me ne, ngɔte bɛ nwo ngofi ye nwo. Na b’amumuyɛɛ amukoraa bɔ ɔnate so bayɔ bɔne, ná bayɔ mvomsoɛ batia me ne, ngɔfa ngɔhyɛ bɛ.

Lewitikɔso 14:10

Ye ɛlɛbɔtwɛ ne aso, odi kyɛ ɔfa mmoaen nyii akrɔngrɔma nyɔ bɔ bellili nnɛen biala, boaen beleɛ akrɔngrɔma ko bɔ wali afoɛ ko bɔ ollili nnɛen biala ɔ, esam paa olonka nza bɔ bafa ngoo bafra bɔ bɛ́fa bɛ́bɔ aburoo afɔleɛ ɔ, ɔne ngoo towaa ko.

Lewitikɔso 14:8

Sona bɔ bate ye nwo ne, odi kyɛ ɔpo ye nningyein, ɔpoa ye nwo nwiaa amu, ɔfa nzue bia, na ye nwo kɔte. Ye si ye, odi kyɛ osa ba asikyeleɛ nu berɛ, nakoso ɔkɔtena ye ɛtena sua asi ɛlɛsoo.

Lewitikɔso 15:28

Nakoso sɛ mogya bɔ wanwu ye nyunu ne pɛ a, odi kyɛ ɔma ɛlɛsoo pɛ nu, na ye si ye ɔkɔyɛ sona bɔ ye nwo te ɔ.

Lewitikɔso 15:5

Na ebiala bɔ ye nwo kɔha ye bɛen ne, odi kyɛ ɔpo ye nwo nningyein, ná ɔ́fa nzue bia, na ɔkɔyɛ sona bɔ ye nwo ɔnde ɔ maa okoodwu nɔsoa.

Lewitikɔso 8:33

Nnɛma ɛmɔfi ɛtena sua atenaleɛ anoa nu berɛ befite alaa ɛlɛsoo, kɔpem kyɛ ngyẽa bɔ bɛfa bɛhyɛ ɛmɔ sɔfo ne kɔpɛ nu ɔ, ofikyɛ bɛkɔfa ɛlɛsoo yeɛ bɛkɔhyɛ ɛmɔ sɔfo ɔ.

Lewitikɔso 9:1

Ɛlɛbɔtwɛ ne aso Mose tole ye sa frɛle Aarɔn ne ye mma mmienzua nemɔ ɔne Yisrael mbanyi;

Numeri 12:14

Nakoso AWURADE buale Mose kyɛ, “Sɛ ɔse fele nwɔserɛ guale ye nyunu a, aso ahaa ye nyunu ngogua ase ɛlɛsoo? Maa bɛye ye maa ɔɔtena asikyeleɛ ne asi dɔ ɛlɛsoo, ná ye si né basa bafa ye bawa asikyeleɛ ne anu.”

2 Korintofoɛ 7:1

Aliɛmaa mɔ, ɔnate kyɛ yanya bɔhyɛ hemɔ ne ati, ɛ́mɔma yɛte yɛ nwo yɛfi nikyee biala bɔ ogua anwoɔnaen ne sunzum nwo fiɛ nwo, ná yɛfa Nyameɛ surolɛ nu yɛma yɛ bra yɛ krongron.

Yakobo 4:8

Ɛmɔhwe bepingye Nyameɛ, na ye koso ɔkɔhwe kopingye ɛmɔ. Ɛmɔ, bɔnefoɛ mɔ, ɛ́mɔnwunzi ɛmɔ sa, ná ɛ́mɔte ɛmɔ ahone nu, ɛmɔ bɔ ɛmɔ adwene yɛ ɛmɔ ndaa ndaa ɔ!

Nyekyire 1:5

ɔne bɔ ofi Yesu Kristo bɔ ɔte danzeniɛ nahorɛniɛ ne, awufoɛ nu bamuɛbaa ne aseɛ so ahemvo mɔ bɛ hene ne berɛ ne, ɔbra ɛmɔ so. Ye bɔ okuro yɛ dwirɛ, ná wafa ye mogya wanwunzi yɛ nwo wafi yɛ bɔne nu,