Lewitikɔso 14:6 - AHYERƐLƐ KRONGRON

⁶ Anomaa ko bɔ ɔtɛte ngoa nu ne, odi kyɛ ɔfa ye boka bakaa bɔ bɛfrɛ ye sida ne, adaabene ne, ɔne sufiɛ ne aso. Na anomaa bɔ bɛfale ye besinzele mbombonzue nu nzue so behuni ye ne, ye mogya ne, odi kyɛ ɔfa bɛ ne anomaa bɔ ɔte ngoa nu ne owura nu.

Lewitikɔso 14:6 Iomraidhean Croise

Edwein 51:7

Fa sufiɛ pete me nwo, na me nwo kofi; nwunzi me nwo, na me nwo kɔyɛ fufue kɔtra ewure.

Lewitikɔso 14:4

ye de odi kyɛ ɔsɔfo ne hyɛ maa ɔnate sona bɔ bɛbaate ye nwo ne ati bɛ́fa ɛhemɔ bɛ́ba: nnomaa nyɔ bɔ bɛte ngoa nu bɔ bɛ nwo te ɔ, bakaa bɔ bɛfrɛ ye sida, adaabene ne sufiɛ.

Lewitikɔso 14:5

Odi kyɛ ɔsɔfo ne hyɛ maa bɛfa nnomaa nemɔ nu ko besinze kukue bɔ mbombonzue gua nu ɔ so ná beku ye.

Lewitikɔso 14:50

Ɔsɛ kyɛ ɔfa nnomaa nemɔ nu ko osinze kukue bɔ mbombonzue gua nu ɔ so, ná oku ye.

Sakaria 13:1

“Sɔ kyẽa ne, bekobukye mbombonzue bɛkɔma Dawide awuro ama ne Yerusalemfoɛ bɛkɔfa bɛkɔte bɛ nwo bekofi bɔne ne efiɛ nwo.

Yohane 14:19

Waha kãa bie né wiase nnwu me ko, nakoso ɛmɔ de, ɛmɔkonwu me; ɔnate kyɛ nde ase, na ɛmɔ koso ɛmɔkɔtena ase.

Romanfoɛ 4:25

ye bɔ ɔnate yɛ bɔne ti behuni ye, ná ɔnate yɛ bebualɛ ti betingyele ye ɔ.

Romanfoɛ 5:10

Mmerɛ bɔ né yɛte Nyameɛ pɔfoɛ nen, Nyameɛ nate Ɔwa ne wue so siesiele yɛ ne ye afia. Na kekesaala ye bɔ yɛne Nyameɛ ayɛ ko ye de, ɔnate teasefoɛ Yesu so okole yɛ ngoa maa ɔkɔbo so.

Hebrifoɛ 1:3

Ye yeɛ ɔte Nyameɛ animnyam hyireinn ne, ɔne ye sue kaenn, na ole ye tumi dwirɛ ne yeɛ otira nningyein mukoraa nu ɔ. Na ɔtele yɛ nwo fili yɛ bɔne nwo yiele nen, ɔɔtenane Tuminiɛ Nyameɛ sa famaa so wɔ nyameɛso.

Nyekyire 1:18

ɔne bɔ ɔte ase ne. Nwuli, na tie, nde ase afebɔɔ, na ndira ewue ne ɛborɔ nzafoaa.

Nyekyire 1:5

ɔne bɔ ofi Yesu Kristo bɔ ɔte danzeniɛ nahorɛniɛ ne, awufoɛ nu bamuɛbaa ne aseɛ so ahemvo mɔ bɛ hene ne berɛ ne, ɔbra ɛmɔ so. Ye bɔ okuro yɛ dwirɛ, ná wafa ye mogya wanwunzi yɛ nwo wafi yɛ bɔne nu,