Lewitikɔso 14:4 - AHYERƐLƐ KRONGRON

⁴ ye de odi kyɛ ɔsɔfo ne hyɛ maa ɔnate sona bɔ bɛbaate ye nwo ne ati bɛ́fa ɛhemɔ bɛ́ba: nnomaa nyɔ bɔ bɛte ngoa nu bɔ bɛ nwo te ɔ, bakaa bɔ bɛfrɛ ye sida, adaabene ne sufiɛ.

Lewitikɔso 14:4 Iomraidhean Croise

Edwein 51:7

Fa sufiɛ pete me nwo, na me nwo kofi; nwunzi me nwo, na me nwo kɔyɛ fufue kɔtra ewure.

Ɛksadɔso 12:22

Ɛ́mɔfa sufiɛ, ná ɛ́mɔfa bɛbɔ mogya bɔ ɔwɔ ayaa ne anu, ná ɛ́mɔfa mogya bɔ ɔwɔ nu ne bɛ́keka sua ne bati so ɔne aponnwaa nyɔ ne. Nnɛma ɛmɔ nu biala fi ye awuro fite maa okodwu ngyerɛmɔ.

Lewitikɔso 1:14

“Sɛ nnomaa yeɛ ɔfa bɔ naen yeralɛ afɔleɛ ma AWURADE a, ye de odi kyɛ ɔma ye afɔleɛ ne yɛ mmorɔma anaa aborɔnoma buruwa.

Lewitikɔso 12:8

Na sɛ braa ne nwo ngɔso boaen so a, ye de ɔ́fa mmubure nyɔ anaa mmorɔnoma buruwa nyɔ ɔ́bra; ko te naen yeralɛ afɔleɛ, yeɛ ko wora te bɔne nwo afɔleɛ; odi kyɛ ɔsɔfo ne fa yɛ mbata ma braa ne ma ye nwo fi.”

Lewitikɔso 14:5

Odi kyɛ ɔsɔfo ne hyɛ maa bɛfa nnomaa nemɔ nu ko besinze kukue bɔ mbombonzue gua nu ɔ so ná beku ye.

Lewitikɔso 14:6

Anomaa ko bɔ ɔtɛte ngoa nu ne, odi kyɛ ɔfa ye boka bakaa bɔ bɛfrɛ ye sida ne, adaabene ne, ɔne sufiɛ ne aso. Na anomaa bɔ bɛfale ye besinzele mbombonzue nu nzue so behuni ye ne, ye mogya ne, odi kyɛ ɔfa bɛ ne anomaa bɔ ɔte ngoa nu ne owura nu.

Lewitikɔso 5:7

“Na sɛ ye nwo ngɔso boaen so a, ye de maa ɔfa mmorɔma nyɔ anaakyɛ mmorɔnoma buruwa nyɔ ɔɔbɔ foɛlilɛ afɔleɛ ɔma AWURADE, ɔnate bɔne bɔ wayɔ ne ati; odi kyɛ ɔfa ko ɔbɔ bɔne nwo afɔleɛ ná ɔfa ko koso ɔbɔ naen yeralɛ afɔleɛ.

Numeri 19:18

Odi kyɛ sona bɔ ye nwo te ɔ fa sufiɛ bɔ nzue ne anu, ná ɔ́fa pete ɛtena sua ne anwo, ɔne nu nningyein amukoraa so, ɔne mmenia bɔ né bɛwɔ berɛ ne aso, ɔne ebiala bɔ ye nwo hane bowue ne anaa sona bɔ bahu ye ne, anaa fuin ne, anaa asieleɛ ne.

Numeri 19:6

Odi kyɛ ɔsɔfo ne fa bakaa bɔ bɛfrɛ ye sida, sufiɛ ne adaabene, ná ógyi bɛ gua see bɔ bɛyera nandwie beleɛ ne wɔ nu ne anu.

Hebrifoɛ 9:19

Ofikyɛ, mmerɛ bɔ Mose kengale ahyɛdeɛ bɔ ɔwɔ mmeraa ne anu hyirele maen ne amukoraa yiele nen, ɔfale nandwie mmaa ne mbɔngye mogya frale nzue, na ɔfale sufiɛ ne adaabene bɔle nu fa petene mmeraa nwomaa ne, ɔne mmenia ne amukoraa bɛ so.