Lewitikɔso 14:32 - AHYERƐLƐ KRONGRON

³² Sona bɔ kwata anwonyerɛ kɔyɛ ye nakoso ye nwo ngɔso nningyein bɔ bɛfa bɛbɔ afɔleɛ bɛpete ye nwo ne, sɔ mmeraa he yeɛ ɔla berɛ ma ye ɔ.”

Lewitikɔso 14:32 Iomraidhean Croise

Edwein 136:23

Ye yeɛ ɔkayele yɛ wɔ mmerɛ bɔ né yɛyɛ anwumvo ne ɔ, ofikyɛ ye ɔdɔ bɔ onni ngasi ne, ɔwɔ berɛ afebɔɔ;

Lewitikɔso 13:2

“Sɛ asee gua ebie anwo, anaa edoee yɛ ye, anaa yira bobɔ ye ná ɔkakyi kwata wɔ ye nwo a, odi kyɛ bɛfa ye bɛbrɛ ɔsɔfo Aarɔn anaa Aarɔn mma mmienzua bɔ bɛte asɔfo nemɔ anu ko.

Lewitikɔso 13:59

Mmeraa bɔ ɔfa kwata anwonyerɛ bɔ ɔwɔ ataadeɛ nu nwo ɛhe: kyɛ bafa boaen nwiaa anaa gyese banwo ɔ, anaa bɔ bafa kundu anaa nwomaa bapa ɔ. Ɛhe kɔmaa ekonwu kyɛ ye nwo te anaa ye nwo nde.

Lewitikɔso 14:10

Ye ɛlɛbɔtwɛ ne aso, odi kyɛ ɔfa mmoaen nyii akrɔngrɔma nyɔ bɔ bellili nnɛen biala, boaen beleɛ akrɔngrɔma ko bɔ wali afoɛ ko bɔ ollili nnɛen biala ɔ, esam paa olonka nza bɔ bafa ngoo bafra bɔ bɛ́fa bɛ́bɔ aburoo afɔleɛ ɔ, ɔne ngoo towaa ko.

Lewitikɔso 14:2

“Kyẽa bɔ bɛte kwataniɛ nwo ne, mmeraa bɔ ɔla berɛ ma ye ɛhe: Odi kyɛ bɛfa ye bɛbrɛ ɔsɔfo ne;

Lewitikɔso 14:21

“Nakoso sɛ sona ne te ehianiɛ ná ye nwo ngɔso so a, ye de odi kyɛ ɔfa boaen nyii akrɔngrɔma ko bayɛ foɛlilɛ afɔleɛ bɔ bɛkɔnwanha ye bɛkɔyɛ mbata bɛkɔma ye ɔ. Nningyein hemɔ koso boka so: esam paa bɔ bafa ngoo bafra ɔ olonka ko bɔ bɛfa bɛbɔ aburoo afɔleɛ ɔ, ngoo towaa ko;

Lewitikɔso 14:31

Nnomaa ne bɔ sona ne nwo kɔsõ so ne, ko te bɔne nwo afɔleɛ yeɛ ko koso te naen yeralɛ afɔleɛ; sona bɔ bɛwɔ so bɛte ye nwo ne, odi kyɛ ɔfa aburoo afɔleɛ boka so, ná ɔsɔfo ne ɔpata ma ye wɔ AWURADE nyunu.

Lewitikɔso 14:33

AWURADE sele Mose ne Aarɔn kyɛ,

Mateo 11:5

anyesiniwaafoɛ nwu nikye, bubuafoɛ nate, kwatafoɛ nwo fi, asotiniwaafoɛ te dwudwolɛ, awufoɛ tingye, na bɛkã nzɛmba ne bekyire ehiafoɛ.