Lewitikɔso 14:3 - AHYERƐLƐ KRONGRON

³ na odi kyɛ ɔsɔfo ne fi asikyeleɛ ne anu ofite kɔneanea sɔ sona ne anwo. Na sɛ kwataniɛ ne nwo asa afi kwata anwonyerɛ ne anwo a,

Lewitikɔso 14:3 Iomraidhean Croise

2 Ahemvo 5:14

Yiti osili nu hɔle asue Yɔɔdan nu ɔɔtɔle nu pɛen nzoo, kyɛbɔ Nyameɛ sona ne hane ne ala. Na ye nwonaen sa tɔle so kyɛ akwadaa kaaba deɛ, na ye nwo tele.

2 Ahemvo 5:3

Ɛlɛho bie, abaayaa ne sele ye mene aye ne kyɛ, “Sɛ me mene kɔ ngɔmhyɛlɛniɛ bɔ ɔwɔ Samaria ne berɛ a, ahaa ɔkɔsa ye kwata anwonyerɛ ne.”

YOB NWOMAA NE 5:18

Ofikyɛ Nyameɛ bɔ opura sona nen, ye ala yeɛ ɔbɔ so borɛ ɔ; ye bɔ ɔbɔ fɛɛ ne, ye sa yeɛ ɔsa anwonyerɛ ɔ.

Ɛksadɔso 15:26

Na Mose hane kyɛ, “Sɛ ekotie AWURADE wɔ Nyameɛ dwirɛ, ná ayɔ bɔ ɔsɔ ye nye, ná ali ye mmeraa dwirɛ ne ye ahyɛdeɛ mukoraati so a, ye de anwonyerɛ bɔ nde nguale Misraimfoɛ so ne, mengɔte nu biala ngogua wɔ so; ofikyɛ me ole AWURADE, wɔ safoɛ ne.”

Lewitikɔso 13:2

“Sɛ asee gua ebie anwo, anaa edoee yɛ ye, anaa yira bobɔ ye ná ɔkakyi kwata wɔ ye nwo a, odi kyɛ bɛfa ye bɛbrɛ ɔsɔfo Aarɔn anaa Aarɔn mma mmienzua bɔ bɛte asɔfo nemɔ anu ko.

Lewitikɔso 13:46

Na mmerɛ bɔ anwonyerɛ ne tɛ wɔ ye so ne de, ye de ye nwo nde. Ye nwo nde na ye ngome ɔkɔte ye nwo kɔɔtena asikyeleɛ ne asi.

Lewitikɔso 14:48

“Nakoso sɛ bɛma awuro ne anwo beyie, ná ye si ye ɔsɔfo ne banea ná anwonyerɛ ne wandrɛ wɔ awuro berɛ a, odi kyɛ ɔsɔfo ne fa to dwaa kyɛ awuro ne ye nwo te; anwonyerɛ ne ahɔ.

Mateo 10:8

Ɛ́mɔsa ayarefoɛ anwonyerɛ, ɛ́mɔtingye awufoɛ, ɛ́mɔma kwatafoɛ nwo fi, ná ɛ́mɔtu sunzummɔne mɔ. Ɛmɔnyane ye mbaen, yiti ɛ́mɔfa bɛ́ma mbaen.

Mateo 11:5

anyesiniwaafoɛ nwu nikye, bubuafoɛ nate, kwatafoɛ nwo fi, asotiniwaafoɛ te dwudwolɛ, awufoɛ tingye, na bɛkã nzɛmba ne bekyire ehiafoɛ.

Luka 4:27

Asa koso, né kwatafoɛ pee bɛwɔ Yisrael wɔ ngɔmhyɛlɛniɛ Elisa aberɛ so; nakoso wamma ebiala nwo amvi, sana Sirianiɛ Naaman ngome.”

Luka 7:22

Yeɛ Yesu buale ɛbɔfoɛ nemɔ kyɛ, “Ɛmɔhɔ bɛɛhã bɔ ɛmɔanwu ye, ɔne bɔ ɛmɔate ɔ behyire Yohane, kyɛ anyesiniwaafoɛ benwu nikye, mmubuafoɛ bɛnate, kwatafoɛ nwo fi, asotiniwaafoɛ bɛte dwudwolɛ, awufoɛ betingye, na nzɛmba ne, bɛkã bekyire ehiafoɛ.